នៅក្នុងរដូវក្តៅបែបនេះ ស្រ្តីៗមួយចំនួនមិនហ៊ានចេញទៅក្រៅញឹកញាប់ពេកទេ ព្រោះបារម្ភខ្លាចខូចស្បែក ឡើងជាំស្បែក ពិបាកថែទាំឲ្យបានស្អាតល្អវិញ។ តែកុំបាច់បារម្ភពេកអី! ដឹងតែវិធីថែទាំស្បែកសាមញ្ញៗបែបធម្មជាតិទាំងនេះ ចង់ចេញទៅខាងក្រៅពេលណាក៏បានមិនបារម្ភខា្លចខ្មៅខូចស្បែក។
ស្រីៗដឹងវិធីទាំងនេះ ទោះក្តៅយ៉ាងណាមិនបារម្ភខ្លាចខូចស្បែកដែរ!
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១.លាបឡេការពារកម្តៅថ្ងៃ
លាបឡេការពារកម្តៅដែលមាន SPF ខ្ពស់ (SPF30-50) មានប្រសិទ្ធភាពខ្ពស់ក្នុងការការពារមិនអោយកម្តៅព្រះអាទិត្យប៉ះពាល់ដល់ស្បែក។ នៅពេលដែលបែកញើស ឬទើបចេញពីហែល ឬងូតទឹកត្រូវលាបឡេការពារកម្តៅថ្ងៃរៀងរាល់ពីរម៉ោងម្តង។
២.ចៀសវាងពន្លឺព្រះអាទិត្យចន្លោះម៉ោង១០ព្រឹក-២ថ្ងៃត្រង់
ចន្លោះម៉ោងនេះគឺជាពេលដែលព្រះអាទិត្យក្តៅខ្លាំងបំផុត ហើយបង្កើតឱកាសដ៏ល្អសម្រាប់កម្តៅព្រះអាទិត្យអាចធ្វើឲ្យស្បែកមានការប្រែប្រួលផងដែរ។ ប្រសិនបើចាំបាច់ត្រូវចេញទៅក្រៅនៅម៉ោងនេះ គួរប្រើឆ័ត្រ ឬស្លៀកសម្លៀកបំពាក់ដែលអាចការពារស្បែកបានពីកម្តៅព្រះអាទិត្យ។
៣.ខាត់ស្បែក
ការខាត់ស្បែកជាវិធីល្អមួយដែលជួយរក្សាស្បែកឲ្យមានភាពសម៉ត់រលោង។ ពេលអាកាសធាតុក្តៅ ដើម្បីធានាថាស្បែកនៅតែស្អាតនោះ គួរធ្វើការខាត់ស្បែកឲ្យបាន១-២ដង/សប្តាហ៍ដោយប្រើរូបមន្តខាត់ស្បែកធម្មជាតិដូចជា ម្សៅរមៀត ពន្លៃ កាកកាហ្វេ ម្នាស់ ឬអាចប្រើថ្នាំខាត់ស្បែកដែលគ្មានជាតិកាត់ច្រើន មិនប៉ះពាល់ដល់សុខភាពស្បែកក៏បាន។
៤.រក្សាសំណើម
ការរក្សាសំណើមគឺសំខាន់ណាស់សម្រាប់ស្បែក និងសុខភាពជារួមតែម្តង ហើយវាកាន់តែសំខាន់ទៀតនៅក្នុងរដូវក្តៅ។ យើងគួរផឹកទឹកឲ្យបាន៨កែវ/ថ្ងៃទើបវាល្អដល់សុខភាពទូទៅ និងរាងកាយផងដែរ។
អត្ថបទពាក់ព័ន្ធ៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម