ហេតុអ្វីមុខជាំរមែងកើតពេលពពោះ? គួរធ្វើបែបណា? ទាំងនេះជាសំណួរដែលម៉ាក់ៗភាគច្រើនមានចម្ងល់ ក្នុងពេលដែលមានបញ្ហាមុខជាំ អំឡុងពេលពពោះ ក៏ដូចស្វែងរកដំណោះស្រាយ ដើម្បីព្យាបាល ដោយមិនឱ្យប៉ះពាល់ដល់ទារកក្នុងផ្ទៃ។

បញ្ហាមុខជាំ ជារឿយៗកើតលើស្ត្រីកំពុងពពោះ ព្រោះថា អ្នកមានផ្ទៃពោះ នឹងមានការកើនឡើងនូវអ័រមូន អេស្ត្រូសែន (Estrogen) និង ប្រូចេស្តេរ៉ូន (Progesterone)។ អ័រមូនទាំង២នេះ ត្រូវបានគេជឿថា ជាភ្នាក់ងារនាំឱ្យមុខជាំ អំឡុងពេលពពោះ។

ដូចម្តេចដែលហៅថា មុខជាំ?

មុខជាំ គឺជាជំងឺស្បែកទូទៅ ឬហៅថា «ចំណុចខ្មៅ» លើស្បែក។ ប្រសិនបើអ្នកមានបញ្ហានេះ អ្នកអាចនឹងមានពណ៌ត្នោតខ្ចី ពណ៌ត្នោតខ្មៅ ឬពណ៌ខៀវ-ប្រផេះនៅលើស្បែកមុខរបស់អ្នក។ បញ្ហាជាំនេះ អាចលេចចេញជាបន្ទះសំប៉ែត ឬមានស្នាមប្រេះ។

ជាទូទៅ បញ្ហាជាំ រមែងកើតឡើងនៅលើ ថ្ពាល់ បបូរមាត់ខាងលើ និងថ្ងាស ក៏ដូចជាកំភួនដៃ។ ជាធម្មតា បញ្ហាជាំ នឹងមានសភាពខ្លាំងនៅរដូវក្តៅ។

ជាំមុខពេលពពោះ

តើកត្តាអ្វីខ្លះដែលបង្កឱ្យមានមុខជាំ?

មានកត្តាសំខាន់២យ៉ាងដែលបង្កឱ្យកើតជាំលើមុខ គឺ កាំរស្មីអ៊ុលត្រាវីយ៉ូឡេ ឬកម្តៅពីព្រះអាទិត្យ និងអ័រមូន។ កាំរស្មីអ៊ុលត្រាវីយ៉ូឡេ និងវិទ្យុសកម្មអ៊ីនហ្វ្រារ៉េដ ពីព្រះអាទិត្យ គឺជាដើមហេតុចម្បងធ្វើឱ្យបញ្ហាមុខជាំ មានសភាពកាន់តែខ្លាំង ស្របពេលដែលដើមហេតុផ្សេងទៀត មានដូចជា៖

ប្រើថ្នាំប្រឆាំងការប្រកាច់
ការប្រើថ្នាំពន្យារកំណើត
ការប្រើថ្នាំមានសារធាតុ Estrogen និង Diethylstilbestrol
កត្តាហ្សែន
ក្រពេញទីរ៉ូអ៊ីតមិនដំណើរការ
ប៉ះពាល់ពន្លឺ LED ពីទូរទស្សន៍ កុំព្យូទ័រយួរដៃ ទូរស័ព្ទ និង Tablet
ការមានផ្ទៃពោះ
បញ្ហាអ័រមូន
ប្រើគ្រឿងតុបតែងមុខ និងផលិតផលថែទាំស្បែក

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

តើគួរតែព្យាបាលបែបណា បើមានបញ្ហាជាំមុខពេលពពោះ?

បញ្ហាមុខជាំ អាចនឹងបាត់ទៅវិញ នៅពេលដែលអ្នកសម្រាលរួច។ ប្រសិនបើបញ្ហាមុខជាំមិនបាត់ទៅវិញទេនោះ សូមព្យាយាមស្វែងរកការព្យាបាលជាមួយនឹងគ្រូពេទ្យជំនាញ។ ក្នុងអំឡុងពេលពពោះ ម៉ាក់ៗមិនគួរព្យាយាមស្វែងរកការព្យាបាលដោយគ្មានវេជ្ជបញ្ជាពីគ្រូពេទ្យឡើយ ប៉ុន្តែ គួរតែបរិភោគអាហារសម្បូរដោយជីវជាតិឱ្យបានគ្រប់គ្រាន់។

មិនត្រឹមតែប៉ុណ្ណោះ ម៉ាក់ៗគួរតែព្យាយាមកុំឱ្យពន្លឺព្រះអាទិត្យចាំងចំផ្ទៃមុខដោយផ្ទាល់ញឹកញាប់ពេក ព្រោះពន្លឺព្រះអាទិត្យអាចធ្វើឱ្យបញ្ហាមុខជាំ មានសភាពកាន់តែធ្ងន់ធ្ងរ៕

ចំណុចសំខាន់

ហេតុអ្វីមុខជាំរមែងកើតពេលពពោះ?
បញ្ហាមុខជាំ ជារឿយៗកើតលើស្ត្រីកំពុងពពោះ ព្រោះថា អ្នកមានផ្ទៃពោះ នឹងមានការកើនឡើងនូវអ័រមូន អេស្ត្រូសែន (Estrogen) និង ប្រូចេស្តេរ៉ូន (Progesterone)។ អ័រមូនទាំង២នេះ ត្រូវបានគេជឿថា ជាភ្នាក់ងារនាំឱ្យមុខជាំ អំឡុងពេលពពោះ។
តើគួរតែព្យាបាលបែបណា បើមានបញ្ហាជាំមុខពេលពពោះ?
បញ្ហាមុខជាំ អាចនឹងបាត់ទៅវិញ នៅពេលដែលអ្នកសម្រាលរួច។ ប្រសិនបើបញ្ហាមុខជាំមិនបាត់ទៅវិញទេនោះ សូមព្យាយាមស្វែងរកការព្យាបាលជាមួយនឹងគ្រូពេទ្យជំនាញ។ ក្នុងអំឡុងពេលពពោះ ម៉ាក់ៗមិនគួរព្យាយាមស្វែងរកការព្យាបាលដោយគ្មានវេជ្ជបញ្ជាពីគ្រូពេទ្យឡើយ ប៉ុន្តែ គួរតែបរិភោគអាហារសម្បូរដោយជីវជាតិឱ្យបានគ្រប់គ្រាន់។

អត្ថបទគួរអាន៖