ត្រួតពិនិត្យដោយ គ្រូពេទ្យឯកទេស. វេជ្ជ. ហុង លីដា · ជំងឺសើស្បែក · ពេទ្យសើស្បែក អាដាម៉ា
ការជាំមុខធ្វើឱ្យស្បែកលើថ្ងាស ថ្ពាល់ ច្រមុះ ឬបបូរមាត់យើងឡើងស្នាមពណ៌ត្នោត ឬក្រមៅស្រាលដែលបង្កឡើងដោយកត្តាជាច្រើន តែអ្វីដែលនឹកស្មានមិនដល់គឺក្នុងនោះក៏មានថ្នាំមួយចំនួនដែលស្រីៗភាគច្រើនប្រើដែរ។ តើថ្នាំនោះជាថ្នាំអ្វី? ហើយក្រៅពីថ្នាំមានកត្តាអ្វីខ្លះ? យើងអាចការពារជាំមុខតាមវិធីណាខ្លះ?
វេជ្ជបណ្ឌិត ហុង លីដា ឯកទេសជំងឺសើស្បែកទូទៅនៅពេទ្យសើស្បែកអាដាម៉ាបានឱ្យដឹងថា ជាំមុខក៏អាចបណ្តាលមកពីការប្រើប្រាស់ថ្នាំពន្យារកំណើតដែលមានផ្ទុកជាតិអ័រម៉ូនអ៊ីស្រ្តូសែន និងប្រូហ្សេស្តេរ៉ូនដែរ ព្រោះអ័រម៉ូនទាំង ២ នេះមាននាទីសំខាន់ក្នុងការភ្ញោចកោសិកាមេឡាណូសាយឱ្យផលិតជាតិពណ៌មេឡានីន (ជាតិពណ៌ក្រមៅក្នុងស្បែក)។
ក្រៅពីនេះក៏មានថ្នាំប្រភេទប្រឆាំងនឹងការប្រកាច់មួយចំនួនដែលក្រោយពីប្រើប្រាស់មួយរយៈនឹងធ្វើឱ្យមុខយើងមានការកើនឡើងនូវជាតិពណ៌ក្រមៅ។
អ្នកស្រីវេជ្ជបណ្ឌិតក៏បានបន្ថែមថា ក្រៅពីថ្នាំពន្យារកំណើត និងថ្នាំប្រឆាំងនឹងការប្រកាច់ ជាំមុខក៏អាចបណ្តាលមកពី៖
ភាគច្រើនកើតលើម៉ាក់ៗពពោះដែលមានកើនឡើងនូវអ័រម៉ូនអ៊ីស្រ្តូសែន ប្រូហ្សេស្តេរ៉ូនឬអ័រម៉ូនរំញោចកោសិកាមេឡាណូសាយដែលជួយភ្ញោចកោសិកាមេឡាណូសាយឱ្យផលិតសារធាតុមេឡានីនច្រើន ហើយបង្កឱ្យម៉ាក់ៗមានការជាំមុខបន្តិចម្តងៗ។ ម៉ាក់ៗមួយចំនួនអាចជាំមុខក្នុងអំឡុងពេលពពោះ ហើយម៉ាក់ៗមួយចំនួនទៀតអាចជាំមុខក្រោយពេលសម្រាលរួចប៉ុន្មានខែ។
ពេលណាស្បែកមុខយើងត្រូវពន្លឺថ្ងៃខ្លាំង កោសិកាមេឡាណូសាយនឹងផលិតជាតិមេឡានីនកាន់តែច្រើនដែលធ្វើឱ្យមុខយើងឡើងពណ៌ក្រមៅ។
ការប្រើប្រាស់ផលិតផលជាតិកាត់ ឬជាតិបកធ្វើឱ្យស្បែករបស់យើងខ្សោយដែលបាត់បង់ប្រព័ន្ធការពារលើស្បែក ហើយធ្វើឱ្យយើងងាយប្រឈមនឹងការជាំមុខ។
ស្រ្តីដែលមានប្រវត្តិគ្រួសារដែលមានបញ្ហាជំាមុខងាយនឹងប្រឈមនឹងការជំាមុខដែរព្រោះកត្តាតំណពូជ។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
យើងអាចការពារកុំឱ្យជាំមុខតាមការណែនាំដូចខាងក្រោម៖
បើយើងសង្កេតឃើញស្បែកមុខមានការឡើងក្រមៅ យើងគួរទៅជួបពិគ្រោះជាមួយគ្រូពេទ្យសើស្បែកដើម្បីទទួលយកការការពារ និងបន្ទាប់មកទទួលយកការព្យាបាលឱ្យបានឆាប់បំផុត។
ពេលជាំមុខ យើងគួរប្រើគ្រីមការពារកម្តៅថ្ងៃដែលមានលេខយ៉ាងហោចណាស់ ៥០ ដែលមាន PA (មានន័យថាកាពារទាំង UVA) ឬយើងអាចហៅបានថាជាប្រភេទ Broad spectrum ដែលអាចការពារបានទាំងកាំរស្មី UVA និង UVB ពីពន្លឺថ្ងៃ ហើយលាប ១៥ នាទីមុនចេញក្រៅ និងលាបក្នុងបរិមាណសមស្របមួយ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
