រមៀតសម្បូរទៅដោយសារធាតុប្រឆាំងអុកស៊ីតកម្ម និងការរលាក ព្រមទាំងវីតាមីនC ដែលផ្ដល់គុណប្រយោជន៍ដ៏អស្ចារ្យដល់ស្បែករបស់យើង។ លើសពីនេះ គ្រឿងទេសមួយមុខនេះ ក៏ជួយពង្រឹងសុខភាព និងបង្ការជំងឺមួយចំនួនផងដែរ។
ទឹករមៀតមិនត្រឹមតែជួយដល់ស្បែក តែនៅមានគុណប្រយោជន៍ច្រើនទៀត
អត្ថប្រយោជន៍ ៦យ៉ាងនៃទឹករមៀត
ជួយខួរក្បាល៖ ការញ៉ាំទឹកក្ដៅឧណ្ហៗ លាយជាមួយម្សៅរមៀតជាប្រចាំនៅពេលព្រឹក គេជឿងថាអាចជួយឲ្យខួរក្បាលយើងមានភាពរវៀសរវៃ និងបង្កើនភាពស្វាហាប់។
ជួយសុខភាពបេះដូង៖ ញ៉ាំទឹករមៀតជារៀងរាល់ថ្ងៃ អាចជួយកម្ចាត់ជាតិពុលពីឈាម និងគ្រប់គ្រងជំងឺឈាមផ្សេងៗ ព្រមទាំងជួយការពារបញ្ហាគាំងបេះដូងផងដែរ។
ចង់គណនារង្វាស់ចង្វាក់បេះដូង ចុចទីនេះ!
ជួយថ្លើម៖ ទន្ទឹមនឹងនេះដែរ ទឹករមៀតក៏អាចកម្ចាត់ជាតិពុលពីថ្លើម និងជួយឲ្យកោសិកាបំពេញមុខងារប្រកបដោយប្រសិទ្ធភាព។
ជួយឲ្យឈាមរាវ៖ អ្នកដែលមានបញ្ហាបេះដូង គួរញ៉ាំទឹករមៀតឲ្យបានទៀងទាត់ ពីព្រោះភេសជ្ជៈមួយនេះ អាចជួយធ្វើឲ្យឈាមរាវ និងបង្ការកំណកឈាម ដែលទាំងនេះអាចជួយបញ្ចៀសការគាំងបេះដូងបាន។
សុខភាពស្បែក៖ ទឹករមៀត លាយជាមួយនឹងទឹកឃ្មុំ និងទឹកក្រូចឆ្មារ អាចជួយប្រឆាំងនឹងភាពចាស់ បណ្តេញជាតិពុលពីរាងកាយ និងជួយធ្វើឲ្យស្បែកភ្លឺថ្លា និងភ្លឺម៉ត់រលោង។
អត្ថបទគួរអាន៖
- នេះជាមូលហេតុបណ្តាលឱ្យរមាស់ស្បែកក្បាល និងវិធីដោះស្រាយ
- ហេតុអ្វីអ្នកខ្លះជ្រុះសក់ហើយមិនដុះវិញ? អាចព្យាបាលបានអត់?
- ប្រុសៗឧស្សាហ៍ជ្រុះសក់ អាចសាកដោះស្រាយតាមតិចនិកនេះ
- ទម្លាប់សាមញ្ញទាំង៧នេះ អាចបណ្ដាលឲ្យសក់ជ្រុះខ្លាំងហើយស្ដើងទៅៗ
- ទាន់សក់ជ្រុះតិច សាកប្រើប្រេងធម្មជាតិទាំងនេះ បណ្ដុះកូនសក់មកវិញ
- ជ្រុះសក់ក្រោយជាពីជំងឺកូវីដ១៩ អាចដោះស្រាយតាមវិធីនេះ
ប្រឆាំងជំងឺមហារីក៖ ការញ៉ាំទឹករមៀតចំនួន៣ដងក្នុងមួយសប្តាហ៍ អាចរួមចំណែកជួយការពាររាងកាយពីពីហានិភ័យកើតជំងឺមហារីក។
វិធីធ្វើទឹករមៀត
- លាយទឹកធម្មតាចំនួន១ពែង និងបន្ថែមម្សៅរមៀតចំនួន១ស្លាបពា្រកាហ្វេ
- កូរឲ្យសព្វល្អជាការស្រេច។
ត្រួតពិនិត្យដោយ
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខអត្ថបទដោយ នូ សោភ័ណ្ឌ · កែ 21/02/2024