អ្នកមានស្បែកមុខស្ងួត គឺមិនងាយកើតមុនដូចអ្នកដែលមានស្បែកមុខសម្បូរខ្លាញ់នោះទេ។ ប៉ុន្ដែជៀសមិនផុតនោះឡើយ អ្នកមានស្បែកមុខស្ងួត ក៏អាចកើតមុនបានដែរ ប្រសិនបើប្រើប្រាស់ផលិតផលមិនល្អ ធ្វើប៉ះពាល់ដល់ស្បែក និងបង្កឲ្យស្បែកស្ដើងជាដើម។ ដូច្នេះប្រសិនបើស្បែកមុខស្ដើង ហើយកើតមុនទៀត តើគួរដោះស្រាយបែបណា?
ស្បែកមុខស្ងួតហើយ ឡើងមុនទៀត គួរថែទាំបែបណា?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចង់ពិនិត្យជំងឺមហារីកសុដន់ ចុចទីនេះ!
វិធីដោះស្រាយសម្រាប់អ្នកមានស្បែកស្ងួត ហើយកើតមុន
១.ជួបជាមួយគ្រូពេទ្យសុខភាពស្បែក
អ្នកមានបញ្ហាស្បែកមុខស្ងួតហើយកើតមុនទៀត ពិសេសពពួកមុនធំៗ សំខាន់បំផុតត្រូវទៅជួបជាមួយគ្រូពេទ្យ ដើម្បីពិនិត្យមើលសុខភាពស្បែក រកមូលហេតុបង្កឲ្យកើតមុន និង ទទួលការព្យាបាលឲ្យបានត្រឹមត្រូវ។ មិនត្រូវប្រើប្រាស់ផលិតណាមួយដែលមិនស្គាល់ពីគុណភាពច្បាស់លាស់ នោះទេព្រោះអាចប៉ះពាល់ដល់ស្បែកមុខកាន់តែធ្ងន់ធ្ងរ។
២.ពិនិត្យមើលផលិតផលប្រើប្រាស់
ប្រសិនបើស្បែកមុខស្ដើង ការប្រើផលិតផលគ្រឿងសម្អាងគឺប្រុងប្រយ័ត្នបំផុត ពិសេសពពួកម្សៅ និងផលិតផលលាងសម្អាត ដែលមានជាតិកាត់ខ្លាំងក៏ប្រឈមធ្វើឲ្យមុខមានការរលាក ប៉ះពាល់ស្បែកផងដែរ។
៣.លាងសម្អាតមុខជាប្រចាំ
ត្រូវលាងសម្អាតមុខឲ្យបាន២ដងក្នុងមួយថ្ងៃ ដោយដុសអង្អែលថ្នមៗ នៅពេលព្រឹក និងពេលយប់។ បន្ទាប់មកត្រូវប្រើប្រាស់ផលិតផលដែលជួយផ្ដល់សំណើមស្បែក និងផលិតផលការពារកម្ដៅថ្ងៃរាល់ពេលដែលលត្រូវចេញទៅក្រៅ។
៤.កាត់បន្ថយការប្រើប្រាស់គ្រឿងសម្អាង
ការប្រើប្រាស់គ្រឿងសម្អាងជាប្រចាំក៏អាចបង្កផលប៉ះពាល់ដល់ស្បែកបានដែរ ពិសេសពពួកគ្រឿងសម្អាងដែលផ្ទុកសាធាតុអាស៊ីត alpha hydroxy ងាយធ្វើឲ្យស្បែកមានរលាក។
៥.កាត់បន្ថយការត្រូវកម្ដៅថ្ងៃ
ចំពោះអ្នកមានស្បែកមុខស្ដើង ការត្រូវកម្ដៅថ្ងៃអាចនាំឲ្យស្បែកមុខងាយឡើងជាំ រលាក និងកើតមុនបានដែរ។ វិធីដ៏ល្អបំផុតរាល់ពេលចេញក្រៅគួរតែមាន ឆ័ត្រ ពាក់មួក និងប្រើផលិតផលការពារកម្ដៅថ្ងៃ។
អត្ថបទគួរអាន៖
- ស្រីៗយើង នេះជារបៀបធ្វើក្រែមលាបមាត់ងាយៗតាមបែប
- វិធីខាត់ស្បែកត្រឹមត្រូវ ការពារកុំឲ្យខូចស្បែកមិនដឹងខ្លួន
- វិធីសាស្រ្តធម្មជាតិធ្វើស្រ្កាប់ខាត់ស្បែកមុខ គួរសាកល្បង
- ចែកគ្នាដឹង! វិធីកម្ចាត់មុនក្បាលខ្មៅលើច្រមុះតាមបែបធម្មជាតិ
- ប្រែបបូរមាត់ពីខ្មៅស្រអាប់ទៅជាទន់ល្មើយផ្កាឈូក ដោយរូបមន្ត ៨ យ៉ាងនេះ
- តិចនិកកម្ចាត់ខ្លាញ់កកក្រោមស្បែកភ្លៅ ស្រីៗយើងចែកគ្នាដឹង
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម