អាការៈមួយចំនួនដូចជា ពិបាកបិទភ្នែកដោយសារតែខ្សោយសាច់ដុំ ឬខ្សោយផ្ទៃមុខភ្លាមៗ អាចជាសញ្ញានៃជំងឺBell’s palsy ឬរលាកសរសៃប្រសាទលើផ្ទៃមុខ។ យ៉ាងណាមិញ បញ្ហាគ្រោះថ្នាក់សរសៃឈាមខួរក្បាល ក៏មានរោគសញ្ញាស្រដៀងនឹងជំងឺBell’s palsyដែរ។ អ៊ីចឹងហើយ ធ្វើម៉េចទើបយើងអាចដឹងច្បាស់ពីភាពខុសគ្នារវាងជំងឺទាំងពីរនេះ?
ជំងឺBell’s palsyជាអ្វី?
ជាក់ស្ដែង ជំងឺBell’s palsy អាចបណ្ដាលឲ្យយើងពិការបាន។ ថ្វីដ្បិតតែមូលហេតុជាក់លាក់ដែលបង្កឲ្យកើតជំងឺនេះ នៅមិនទាន់ដឹងច្បាស់យ៉ាងណាក្ដី ប៉ុន្តែពេលខ្លះ ការឆ្លងមេរោគដោយពពួកវីរុស ក៏អាចនាំឲ្យកើតជំងឺBell’s palsyបានដែរ ក្រោយពេលដែលវីរុសសម្ងំ និងរើឡើងវិញ។ កត្តាផ្សេងទៀត រួមមានប្រព័ន្ធភាពស៊ាំចុះខ្សោយ ស្ត្រេសរយៈពេលយូរ គេងមិនគ្រប់គ្រាន់ និងជំងឺAutoimmune។ ចំណែកឯការព្យាបាលវិញ មានប្រសិទ្ធភាពបំផុតក្នុងរយៈពេល៧២ម៉ោង។ ប៉ុន្តែ ជំងឺBell’s palsyអាចជាសះស្បើយដោយខ្លួនឯងដោយពុំចាំបាច់ព្យាបាលក្នុងរយៈពេលប្រហែល៣សប្ដាហ៍។ យ៉ាងណាមិញ ប្រសិនបើការព្យាបាលមានភាពយឺតយ៉ាវ នោះកម្រិតពិការ ឬខ្សោយអាចមានរយៈពេលយូរដូចគ្នា។
អ្វីទៅជាគ្រោះថ្នាក់សរសៃឈាមខួរក្បាល?
កំណក ឬដុំកំណកខ្លាញ់ពីផ្នែកផ្សេងទៀតនៃរាងកាយ អាចធ្វើដំណើរតាមចរន្តឈាម និងជាប់នៅក្នុងសរសៃឈាមខួរក្បាល ជាហេតុនាំឲ្យរាំងស្ទះលំហូរឈាមទៅកាន់ខួរក្បាល។ គ្រោះថ្នាក់សរសៃឈាមខួរក្បាលកម្រិតស្រាល ឬMini Stroke អាចបង្កផលប៉ះពាល់តិចតួច។ ប៉ុន្តែ ចំពោះរបួសក្បាល ឬបែកសរសៃឈាមអាចបណ្ដាលឲ្យមានការហូរឈាមមិនឈប់ និងបង្កជាបញ្ហាគ្រោះថ្នាក់សរសៃឈាមខួរក្បាល។
[embed-health-tool-vaccination-tool]
រោគសញ្ញាជំងឺBell’s palsy និងគ្រោះថ្នាក់សរសៃឈាមខួរក្បាល
ថ្វីដ្បិតតែរោគសញ្ញានៃជំងឺBell’s palsy និងគ្រោះថ្នាក់សរសៃឈាមខួរក្បាលស្រដៀងគ្នា ប៉ុន្តែភាពខុសគ្នាចម្បងរវាងជំងឺទាំង២ គឺជំងឺBell’s palsyប៉ះពាល់តែលើផ្ទៃមុខប៉ុណ្ណោះ។ ជាទូទៅ ជំងឺBell’s palsyកើតឡើងភ្លាមៗលើមនុស្សគ្រប់វ័យ មិនថាប្រុស ឬស្រីនោះទេ ហើយជំងឺនេះកម្រនឹងកើតមាន និងមិនគ្រោះថ្នាក់ដល់អាយុជីវិតផងដែរ។ អ្នកជំងឺភាគច្រើនអាចជាសះស្បើយ ដោយពុំមានបន្សល់ផលវិបាកណាមួយឡើយ។
អត្ថបទគួរអាន៖
- ឈឺក្បាល មិនមែនចេះតែលេបថ្នាំគ្រប់ពេលទេ អាចប៉ះពាល់សុខភាព
- ប្រយ័ត្ន! ឈឺក្បាលខ្ទោកៗ អាចជាសញ្ញានៃជំងឺគួរឲ្យបារម្ភមួយនេះ
- ទម្លាប់៥យ៉ាង នាំឲ្យក្រោកពីគេងមានបញ្ហាឈឺក្បាល
- អាហារ ៦ មុខនេះអាចបង្កអាការៈឈឺក្បាលប្រកាំង
- វិធី ៥ យ៉ាង ជួយគ្នាយើងអាចគ្រប់គ្រងការឈឺក្បាលប្រកាំងបាន
- សម្គាល់ម៉េច ទើបដឹងថាឈឺក្បាលធម្មតា ឬឈឺក្បាលប្រកាំង?
ចំណែកគ្រោះថ្នាក់សរសៃឈាមខួរក្បាល ច្រើនតែកើតលើអ្នកជំងឺលើសឈាម សរសៃឈាមបេះដូង ឬទឹកនោមផ្អែម ហើយបញ្ហាមួយនេះមិនត្រឹមតែប៉ះពាល់ដល់សរសៃប្រសាទផ្ទៃមុខនោះទេ ថែមទាំងប៉ះពាល់ដល់រាងកាយទាំងមូល ជាពិសេសខួរក្បាលតែម្ដង។
