សណ្ដែកសៀង៖ សណ្ដែកសៀងផ្ទុកប្រូតេអ៊ីនខ្ពស់ និងពោរពេញទៅដោយហ្វូឡាត វីតាមីន កាបូអ៊ីដ្រាត និងជាតិកាកសរសៃ ចាំបាច់ជួយដល់ការលូតលាស់ឆ្អឹងរបស់កូន។ បើម៉ាក់ប៉ាបន្ថែមទឹកសណ្ដែកសៀង ឬតៅហ៊ូទៅក្នុងរបបអាហារប្រចាំថ្ងៃអាអូនរឹតតែពិសេសដល់ការលូតកម្ពស់កូន។
សាច់ក្រហម៖ សាច់ក្រហមផ្ទុកប្រូតេអ៊ីនច្រើន និងមីក្រូសារធាតុចិញ្ចឹមច្រើនដូចជា ជាតិដែក ចាំបាច់បង្ការជំងឺស្លេកស្លាំង ព្រោះជំងឺស្លេកស្លាំង អាចបណ្ដាលឲ្យកូនខ្សោយ និងប៉ះពាល់ដល់ការលូតលាស់របស់អាអូន។ ប៉ុន្តែ សាច់ក្រហមក៏សម្បូរជាតិខ្លាញ់មិនល្អដែរ ដូចនេះហើយម៉ាក់ប៉ាគួរបន្ថែម ឬបន្ថយឲ្យអាអូនញ៉ាំសាច់ក្រហមក្នុងបរិមាណមធ្យមបានហើយ កុំច្រើនពេក។ ក្រៅពីនេះ សាច់មាន់ ឬត្រី ក៏ល្អដល់ការលូតកម្ពស់កូនដែរ ព្រោះវាក៏មានផ្ទុកប្រូតេអ៊ីនខ្ពស់ និងមានជាតិខ្លាញ់មិនល្អតិច។
បន្លែបៃតង និងផ្លែឈើ៖ បន្លែបៃតង ជាប្រភពនៃជាតិកាល់ស្យូមល្អសម្រាប់ក្មេងៗដែលអាលែកហ្ស៊ីនឹងទឹកដោះគោ។ បន្លែស្លឹកបៃតង ក៏សម្បូរជាតិវីតាមីន K ល្អសម្រាប់ឆ្អឹងដែរ។ រីឯ ផ្លែឈើសម្បូរទៅដោយវីតាមីន ជាតិរ៉ែ និងជាតិកាកសរសៃ ចាំបាច់នៅក្នុងរបបអាហារកូន យកល្អម៉ាក់ប៉ាគួរមានផ្លែឈើចម្រុះមុខ ឬ១-២មុខ ទុកសម្រាប់អាអូនញ៉ាំជាប្រចាំ។