ការរាប់អានមិត្តភ័ក្ដិថ្មីៗ និងបង្កើតទំនាក់ទំនងថ្មីៗជាមួយអ្នកដទៃ គឺមិនមែនជារឿងងាយស្រួលប៉ុន្មានទេ ហើយចំណែកក្មេងៗវិញ អាចនឹងមានអារម្មណ៍ថា នោះជារឿងដ៏លំបាកមួយ។ អ៊ីចឹងហើយ ដើម្បីជួយបង្កើនជំនាញទំនាក់ទំនងក្នុងសង្គមដល់កូន ប៉ាម៉ាក់គួរចាប់ផ្តើមបង្រៀនកូនតាំងពីនៅវ័យក្មេង ទើបជាការប្រសើរ។

ទាំងនេះ គឺជាគន្លឹះមួយចំនួន ដែលអាចជួយអភិវឌ្ឍន៍ជំនាញទំនាក់ទំនងក្នុងសង្គមដល់កូន

១. លើកទឹកចិត្តឲ្យកូនចេះសម្លឹងមើលភ្នែកដៃគូ

វិធីសាស្ត្រដ៏សាមញ្ញមួយនេះ អាចជួយបង្កើនជំនាញទំនាក់ទំនងក្នុងសង្គមដល់កូន ពីព្រោះវាបង្ហាញថា យើងកំពុងតែស្តាប់ការសន្ទនា ហើយក៏កំពុងចូលរួមនៅក្នុងបរិយាកាសសង្គមដូចគ្នា។

មួយវិញទៀត ការធ្វើបែបនេះ អាចបង្ហាញពីទំនុកចិត្តចំពោះខ្លួនឯង ក៏ដូចជាការឲ្យតម្លៃដល់ដៃគូម្ខាងទៀតផងដែរ។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

២. រៀនសួរសំណួរ

អំឡុងពេលសន្ទនា ការសួរសំណួរ អាចជួយឲ្យកូនភ្ជាប់ទំនាក់ទំនងកាន់តែប្រសើរ។ បន្ថែមពីនេះ ប៉ាម៉ាក់គួរបង្រៀនកូនឲ្យចេះសួរសំណួរបើក ជាជាងសួរសំណួរដែលមានតែចម្លើយបាទ ឬចាស។

៣. ស្គាល់ពីដែនកំណត់របស់កូន

ចំពោះកុមារដែលចូលចិត្តភាពស្ងប់ស្ងាត់ អាចនឹងឆាប់មានអារម្មណ៍នឿយណាយ នៅពេលដែលស្ថិតនៅកន្លែងអ៊ូអរ និងមានមនុស្សច្រើន។ ដូច្នេះហើយ ប៉ាម៉ាក់មិនគួរបង្ខំកូនឲ្យព្យាយាមសម្របខ្លួនទៅក្នុងបរិយាកាសសង្គមដែលកូនមិនពេញចិត្តឡើយ ដោយគួរទុកឱកាស និងពេលវេលាឲ្យកូនអាចចាប់ផ្តើមបន្តិចម្តងៗ ទៅតាមសមត្ថភាពផ្ទាល់ខ្លួន។

៤. លើកទឹកចិត្តឲ្យកូនត្រៀមខ្លួនសម្រាប់ជំនាញសង្គមកម្រិតខ្ពស់

ជំនាញសង្គមកម្រិតខ្ពស់ ដូចជាការចរចា ដំណោះស្រាយជម្លោះ និងការនិយាយជាសាធារណៈ នឹងមានសារៈសំខាន់នៅពេលដែលកូនកាន់តែធំ ដូច្នេះហើយ ប៉ាម៉ាក់គួរចាប់ផ្តើមបង្ហាត់បង្រៀនកូនតាំងពីវ័យក្មេងទៅ តាមរយៈការលើកទឹកចិត្តឲ្យកូននិយាយរឿង និងនិយាយក្នុងចំណោមក្រុមមិត្តភ័ក្ដិ ឬសាច់ញាតិ ព្រមទាំងបញ្ចេញភាសាកាយវិការនៅពេលធ្វើការទំនាក់ទំនង។

បង្រៀនកូន

៥. ធ្វើជាគំរូល្អដល់កូន

ជាមួយគ្នានេះដែរ ដើម្បីពង្រឹងជំនាញទំនាក់ទំនងក្នុងសង្គមដល់កូន ប៉ាម៉ាក់ក៏ចាំបាច់ត្រូវធ្វើជាគំរូដ៏ល្អ ផងដែរ ដូចជាការមានទំនួលខុសត្រូវ យកចិត្តទុកដាក់ក្នុងការស្តាប់ បង្ហាញពីជំនាញទំនាក់ទំនងល្អ និងចេះគោរព ក៏ដូចជាឲ្យតម្លៃដល់ដៃគូ។

បន្ថែមពីនេះ យើងត្រូវពន្យល់កូនឲ្យចេះសម្លឹងភ្នែកដៃគូ សូមអភ័យទោស នៅពេលដែលប្រព្រឹត្តកំហុសឆ្គង និងចេះយល់ពីអារម្មណ៍ដៃគូ។

អត្ថបទគួរអាន៖

ប៉ាម៉ាក់អាចជួយបង្កើនជំនាញទំនាក់ទំនងក្នុងសង្គមដល់កូន តាមគន្លឹះទាំងនេះ​

ទាំង​នេះ គឺ​ជា​គន្លឹះ​មួយ​ចំនួន​ ដែល​អាច​ជួយ​អភិវឌ្ឍន៍​ជំនាញ​ទំនាក់ទំនង​ក្នុង​សង្គម​ដល់​កូន

១. លើក​ទឹក​ចិត្ត​ឲ្យ​កូន​ចេះ​សម្លឹង​មើល​ភ្នែក​ដៃគូ

២. រៀន​សួរ​សំណួរ

៣. ស្គាល់​ពី​ដែន​កំណត់​របស់​កូន

៤. លើក​ទឹក​ចិត្ត​ឲ្យ​កូន​ត្រៀម​ខ្លួន​សម្រាប់​ជំនាញ​សង្គម​កម្រិត​ខ្ពស់

៥. ធ្វើ​ជា​គំរូ​​ល្អ​ដល់​កូន

ប៉ាម៉ាក់អាចជួយបង្កើនជំនាញទំនាក់ទំនងក្នុងសង្គមដល់កូន តាមគន្លឹះទាំងនេះ