ការចិញ្ចឹមបីបាច់ មើលថែកូនមិនមែនជាការងាររបស់ម្ដាយតែម្នាក់នោះទេ ប៉ាៗក៏មានចំណែកជួយថែទាំកូនដូចគ្នា តាំងពីពេលកូនទើបនឹងកើតមកឯណោះ។ ចង់ចាប់ផ្ដើមភាពជាប៉ាៗអស្ចារ្យ ឬអត់? “ Hello គ្រូពេទ្យ “ សូមណែនាំក្បួនថែទាំកូនតាមការឱបបែប Kangaroo របស់ប៉ាៗ ជួយបង្កើនមានស្និទ្ធស្នាល និងផ្ដល់ប្រយោជន៍ជាច្រើនដល់គ្រួសារ។
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ប៉ាៗសម័យនេះកំពុងចូលរួមក្នុងការចិញ្ចឹមមើលថែកូនស្មើគ្នានឹងម៉ាក់ៗដែរ ហើយការថែទាំតាមការឱបបែប Kangaroo ត្រូវបានលើកទឹកចិត្តដោយអ្នកជំនាញ និងអនុវត្តយ៉ាងទូលាយដោយឪពុក។
តើ Kangaroo Care ជាអ្វី?
Kangaroo Care ឬការឱបបែប Kangaroo គឺជាវិធីសាស្ត្រនៃការកាន់ទារកតាមរបៀបដែលស្បែកប៉ះនឹងស្បែក។ ទារកទើបនឹងកើត ភាគច្រើនដាក់នៅលើទ្រូងម្ដាយ ឬឪពុក ដើម្បីផ្ដល់ភាពកក់ក្ដៅដល់កូន បន្ថែមដោយកន្សែង ឬភួយរុំពីលើផ្ដល់ឲ្យដោយក្រុមគ្រូពេទ្យ។
ការឱបបែប Kangaroo អាចធ្វើឡើងបានចំពោះទារកកើតមិនគ្រប់ខែ និងទារកមានផ្ទុកមេរោគ និងអត្រាស្លាប់ខ្ពស់ ដោយសារការឆ្លងមេរោគ បញ្ហាផ្លូវដង្ហើម ដោយសារខ្វះការយកចិត្តទុកដាក់។ វិធីសាស្ត្រថែទាំកូនតាមការឱបបែប Kangaroo នេះ អាចជួយដល់ការលូតលាស់របស់កូន។ ដូច្នេះ មិនថាជាម្ដាយ ឬឪពុកក៏ដោយ ត្រូវតែផ្ដល់ការប៉ះពាល់ស្បែកជាមួយកូនទើបនឹងកើតឲ្យបានញឹកញាប់ក្នុងមួយថ្ងៃ។ បន្ថែមពីនេះ វិធីនេះអាចធ្វើបានតែក្នុងលក្ខណម៉ាក់ប៉ាយល់ច្បាស់ពីអនាម័យ មិនមានជំងឺឆ្លង និងមានជំនួយពីមនុស្សនៅក្បែរខ្លួន។
មិនតែប៉ុណ្ណោះ ការថែទាំតាមបែបនេះក៏ផ្ដល់អត្ថប្រយោជន៍ផ្សេងៗដែរដូចជា ទារកទទួលកម្ដៅគ្រប់គ្រាន់ពីឪពុកម្ដាយ ទារកឆាប់ចង់បៅ កាត់បន្ថយការឆ្លងរោគក្នុងមន្ទីរពេទ្យ និងបង្កើតទំនាក់ទំនងស្និទ្ធស្នាលរវាងម្ដាយឪពុក និងកូនតូច។ វិធីនេះក៏ជួយរក្សាលំនឹងចង្វាក់បេះដូងរបស់ទារក អនុញ្ញាតឲ្យបង្កើនលំនាំដកដង្ហើម ជួយកូនគេងបានល្អ កាត់បន្ថយការយំ។ល។
គួរធ្វើអ្វីមុនចាប់ផ្ដើមឱបកូនតាមបែប Kangaroo?
កុំប្រើសាប៊ូ ឬទឹកអប់ដែលមានក្លិនក្រអូបខ្លាំង ព្រោះវាអាចឈួលខ្លាំងពេកសម្រាប់ទារក។ ប៉ាៗត្រូវចងចាំថា មុនពេលចាប់កាន់កូន ត្រូវសម្អាតខ្លួន និងដៃឲ្យស្អាតជានិច្ច ដើម្បីអនាម័យដល់កូន។
ចំណុចសំខាន់
- ប៉ាៗសម័យនេះកំពុងចូលរួមក្នុងការចិញ្ចឹមមើលថែកូនស្មើគ្នានឹងម៉ាក់ៗដែរ ហើយការថែទាំតាមការឱបបែប Kangaroo ត្រូវបានលើកទឹកដោយអ្នកជំនាញ និងអនុវត្តយ៉ាងទូលាយដោយឪពុក។
- Kangaroo Care ឬការឱបបែប Kangaroo គឺជាវិធីសាស្ត្រនៃការកាន់ទារកតាមរបៀបដែលស្បែកប៉ះនឹងស្បែក។
- វិធីនេះក៏ជួយរក្សាលំនឹងចង្វាក់បេះដូងរបស់ទារក អនុញ្ញាតឲ្យបង្កើនលំនាំដកដង្ហើម ជួយកូនគេងបានល្អ កាត់បន្ថយការយំ។ល។
អត្ថបទគួរអាន៖
- ទឹកដោះម្ដាយសំខាន់ តែបើមិនប្រយ័ត្នកូនអាចខ្វះវីតាមីនមួយប្រភេទ
- ប្រការគួរធ្វើ និងមិនគួរធ្វើ ពេលបំបៅកូនដោយប្រើដបទឹកដោះគោ
- អត្ថប្រយោជន៍ម៉ាក់ៗគួរឆុងម្សៅទឹកដោះគោកូនជាមួយទឹកដាំពុះ
- កុំឆ្ងល់! បញ្ហាមួយចំនួននេះ អាចធ្វើឲ្យកូនមិនសូវឡើងគីឡូ
- តិចនិកដោះស្រាយបញ្ហាកូនមិនព្រមបៅទឹកដោះគោ ក្រោយផ្ដាច់ដោះថ្មីៗ
[embed-health-tool-due-date]
