មានម៉ាក់ៗជាច្រើនពេលឃើញកូននៅតូចជើងរាងកោងកើតជាក្ដីព្រួយបារម្ភ ថាកូននឹងទៅបែបនោះរហូតដល់ធំឡើង។ លោកវេជ្ជបណ្ឌិត ចាន់ ស៊ីណេត បានឲ្យដឹងថានោះមិនមែនជាបញ្ហាចោទធ្ងន់ធ្ងរឡើយ។
វេជ្ជបណ្ឌិតផ្នែកសម្ភព បានបន្តទៀតថា គ្រប់ទារកទាំងអស់ពេលកើតមក ជើងរាងកោងដោយសារកូនត្រូវសម្របតាមទម្រង់ និងប្រវែងពោះ ពេលនៅក្នុងពោះម្តាយ ហើយពេលកើតចេញមក កូនមិនទាន់ទម្លាប់ បូករួមនឹងកូនមិនទាន់ចេះតំរែតម្រង់ខ្លួន។
ជាធម្មតាជើងរបស់កូនក្មេងនឹងចាប់ផ្ដើមត្រង់ដោយខ្លួនឯងម្ដងបន្តិចៗ ចាប់ពីពេលពួកគេចេះតោងឈរ ហើយអាយុប្រហែល ១ ឆ្នាំកន្លះ ទៅ ២ ឆ្នាំចាប់ផ្ដើមត្រង់ល្អហើយ តែក៏មានលឿន ឬយឺតជាងនេះទៀតដែរ។ ដូច្នេះហើយយើងជាអាណាព្យាបាលមិនត្រូវធ្វើអ្វីទាំងអស់ ទាំងពត់ទាំងអប់ជើង ព្រោះវាបង្កឲ្យកូនមានគ្រោះថ្នាក់ទៅវិញទេ ដែលអ្នកខ្លះពត់រហូតដល់បាក់ជើងក៏មាន។
ពេលកូនចាប់ផ្ដើមចេះអង្គុយ យើងត្រូវថែទាំ និងបង្រៀនឲ្យចេះសណ្ដូកជើង បត់ជើង ពែនភ្នែនតាមកាលៈទេសៈ និងមិនទម្លាប់ឲ្យកូនអង្គុយជើងអក្សរ W ឡើយ ព្រោះប៉ះពាល់ដល់ឆ្អឹងរបស់ក្មេងយ៉ាងធ្ងន់ធ្ងរ ដែលបណ្ដាលឲ្យមានការឈឺចាប់ រលាកសន្លាក់ សភាពឆ្អឹងមិនប្រក្រតី បង្អាក់ដល់ការលូតលាស់ឆ្អឹង និងបង្កផលប៉ះពាល់ដល់ការដើររបស់ក្មេងពេលធំឡើង។
មួយវិញទៀត អាចមកពីហ្សែន ដែលកាត់ទៅរកម៉ាក់ ប៉ា ឬជីដូនជីតាខាងណាមួយដែលមានសភាពជើងកោង ឬដំណើរកោងៗជាដើម តែវេជ្ជបណ្ឌិត ចាន់ ស៊ីណេត ណែនាំថា បើជើងកូនកោងខ្លាំង ហើយអាយុច្រើនឆ្នាំនៅតែបែបនោះ ហើយយើងមិនទុកចិត្តអ្វីមួយ គួរតែទៅជួបពិភាក្សាជាមួយគ្រូពេទ្យជំនាញ ដើម្បីស្វែងរកវិធីព្យាបាលឲ្យសមស្របតាមបច្ចេកទេស ចៀសវាងការធ្វើអ្វីតាមចិត្តឯង ដែលបណ្ដាលឲ្យខូចកាយសម្បទារកូន។
អត្ថបទពាក់ព័ន្ធ៖
- កូនមានអាចម៍ក្របីលើក្បាល គួរធ្វើបែបណា?
- បើកូនកើតមកវៀចក មានផលប៉ះពាល់អីអត់?
- គួរយកកូនស្រីទៅចោះក្រវិល នៅវ័យណាទើបល្អ?
- ម៉ាក់ប៉ាមានទម្លាប់បែបនេះ ទើបកូនកើតអំបៅអំបែក
- ចង់ឲ្យកូនក្បាលមូលស្អាត ម៉ាក់ៗអាចសាកប៉ុន្មានវិធីនេះ
- ចាស់ៗទម្លាប់ឲ្យកូនតូចពាក់ខ្សែសីមា នាំឲ្យជួបបញ្ហាធ្ងន់ធ្ងរទាំងនេះ
- កុំយកអីផ្តេសផ្តាសលាបបង្ហើយកូនឲ្យឆាប់រឹង ពេទ្យថាប៉ះពាល់ខួរក្បាល
- កូនពិបាកញ៉ាំថ្នាំមែនទេ? នេះជាតិចនិកងាយៗណែនាំដោយគ្រូពេទ្យកុមារ
- តិចនិកងាយៗថែទាំស្បែកទារកនៅរដូវរងា មិនឲ្យស្ងួត ប្រេះ កន្ទួលពេញមុខ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
