ការដុះធ្មេញ ជាដំណាក់កាលលូតលាស់ដ៏សំខាន់មួយសម្រាប់ទារក ហើយតែងកើតឡើងនៅចន្លោះអាយុ៤ខែ ដល់៣ឆ្នាំ។ នៅពេលដែលធ្មេញដុះចេញពីអញ្ចាញ ទារកអាចប្រឈមនឹងអាការៈមិនស្រួលខ្លួន និងឈឺចាប់។ អីចឹងហើយ ដើម្បីជួយកាត់បន្ថយអាការៈទាំងនេះ ប៉ាម៉ាក់អាចអនុវត្តវិធីសាស្ត្រមួយចំនួនដូចខាងក្រោម។
មាតិកា
កូនតូចរករឿងនៅពេលដុះធ្មេញ ប៉ាម៉ាក់អាចជួយកូនតាមវិធីទាំងនេះ
សញ្ញា និងរោគសញ្ញាបង្ហាញថាកូនកំពុងដុះធ្មេញ
ទារកខ្លះមិនបង្ហាញរោគសញ្ញាណាមួយឡើយ ស្របពេលដែលទារកខ្លះទៀត មានសញ្ញាដូចជា៖
- ឆាប់មួម៉ៅ
- ហៀរទឹកមាត់ច្រើនជ្រុល
- ចូលចិត្តខាំ និងទំពារអ្វីគ្រប់យ៉ាង
- ឈឺ និងហើមអញ្ចាញ
- ញី ឬទាញត្រចៀក ច្រមុះ
- សីតុណ្ហភាពរាងកាយកើនឡើង។
នៅពេលដែលធ្មេញដុះចេញមក អញ្ចាញអាអូនអាចមានអាការៈក្រហម និងឈឺចាប់ ដែលកត្តានេះ អាចរំខានដល់ការគេងរបស់កូនបាន។ យ៉ាងណាមិញ រោគសញ្ញាទាំងនេះកើតឡើងជាទូទៅ និងមិនបង្កជាបញ្ហាណាមួយឡើយ។
ចង់គណនាថ្ងៃមេជីវិតញីទុំធ្លាក់ ចុចទីនេះ!
គន្លឹះជួយកាត់បន្ថយការឈឺចាប់នៅពេលទារកដុះធ្មេញ
១. ប្រើប្រដាប់ខាំធ្មេញ
ពពួកប្រដាប់ខាំធ្មេញទាំងនេះ អាចជួយបំបាត់អាការៈមិនស្រួលខ្លួនរបស់ទារក ដែលមានច្រើនប្រភេទ និងទំហំ ហើយខ្លះទៀតអាចរក្សាទុកនៅក្នុងទូរទឹកកក ដើម្បីជួយបង្កើនប្រសិទ្ធភាពកាន់តែខ្ពស់។
២. ច្រាស់ដុសធ្មេញមានសរសៃទន់
ប៉ាម៉ាក់អាចប្រើច្រាស់ប្រភេទនេះ ដើម្បីធ្វើការម៉ាស្សានៅអញ្ចាញធ្មេញរបស់ទារកថ្នមៗ ដែលនេះអាចជួយកាត់បន្ថយអាការៈឈឺចាប់ និងជួយឲ្យចរន្តឈាមប្រសើរឡើង។
៣. បន្លែ និងផ្លែឈើ
ក្នុងករណីដែលកូនមានអាយុច្រើនជាង៦ខែ យើងអាចឲ្យកូនញ៉ាំផ្លែឈើ និងបន្លែដូចជាការ៉ុត ត្រសក់ ឬផ្លែប៉ោម។ ពពួកបន្លែ និងផ្លែឈើទាំងនេះ មានសុវត្ថិភាព និងល្អសម្រាប់កាត់បន្ថយការឈឺចាប់ និងការរមាស់អញ្ចាញធ្មេញ។ ប៉ុន្តែ ប៉ាម៉ាក់ចាំបាច់នៅក្បែរកូនជានិច្ច ដើម្បីជៀសវាងការស្លាក់។
អត្ថបទគួរអាន៖
- ក្មេងកើតអូទីស្សឹមអាចព្យាបាលជាទេ?
- អូទីស្សឹម អាចជាមូលហេតុធ្វើឲ្យខ្លាញ់ល្អក្នុងឈាម HDL ធ្លាក់ចុះទាប
- អាហារស្រីៗពពោះគួរញ៉ាំ និងមិនគួរញ៉ាំ ការពារកូនកុំឲ្យកើតមកមានបញ្ហាអូទីស្សឹម
- តិចនិកសាមញ្ញ អាចជួយក្មេងៗរើបម្រះពីជំងឺអូទីស្សឹមបាន
- ពិតទេ ក្មេងៗមើលទូរស័ព្ទយូរ អាចកើតអូទីស្សឹម?
- បើកូនកើតអូទីស្សឹម គួរយកទៅព្យាបាលនៅពេទ្យណា?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Teething: Tips for soothing sore gums
https://www.mayoclinic.org/healthy-lifestyle/infant-and-toddler-health/in-depth/teething/art-20046378
Teething Remedies for Your Baby’s Aching Mouth
https://health.clevelandclinic.org/teething-remedies/
Baby Teething Pain
https://www.healthychildren.org/English/ages-stages/baby/teething-tooth-care/Pages/Teething-Pain.aspx
កំណែប្រែបច្ចុប្បន្ន
16/02/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម