ជាទូទៅ ពងបែកក្នុងមាត់កើតនៅក្នុងបបូរមាត់ លើអណ្តាត អញ្ចាញធ្មេញ ឬសាច់ថ្ពាល់ខាងក្នុងដែលបណ្តាលឱ្យអាអូនមានការឈឺផ្សាក្នុងមាត់ និងពិបាកក្នុងការញុំាអាហារ ឬនិយាយ។ ហេតុអ្វីបានជាអាអូនឡើងពងបែកក្នុងមាត់? ហើយពេលអូនតូចឡើងពងបែកក្នុងមាត់ ម៉ាក់ប៉ាអាចជួយកាត់បន្ថយអាការៈតាមវិធីណាខ្លះ?

លោកវេជ្ជបណ្ឌិត ហ៊ាង រតនា ឯកទេសជំងឺទូទៅ និងរោគកុមារបានឱ្យដឹងថា មូលហេតុដែលបណ្តាលឱ្យអាអូនឡើងពងបែកក្នុងមាត់អាចមានដូចជា៖

អាលែកហ្ស៊ីនឹងអ្វីមួយជាពិសេស ថ្នាំដុសធ្មេញដែលមានជាតិហឹរ ឬក្រហាយខ្លាំង
កង្វះជាតិទឹក
កង្វះអនាម័យមាត់ធ្មេញ
ឆ្លងវីរុស Coxsackie ឬ EV71 (ជំងឺពងបែកបាតដៃបាតជើង)
កង្វះវីតាមីនដូចជា អាស៊ីដហ្វូលិក វីតាមីន B12 ឬជាតិដែក

ចង់គណនាថ្ងៃមេជីវិតញីទុំធ្លាក់ ចុចទីនេះ!

ចង់គណនាថ្ងៃសម្រាលកូន ចុចទីនេះ!

ចង់គណនាទម្ងន់ស្រ្តីពពោះ ចុចទីនេះ!

ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

លោកថាបើអាអូនមានអាការៈឈឺខ្លាំង គ្រូពេទ្យនឹងចេញថ្នាំបំបាត់ការឈឺចាប់ ឬបំបាត់រលាកដូចជា ពពួកសេរ៉ូអ៊ីបុយប្រូហ្វែន ឬពពួកថ្នាំលាប Oral Aid ដើម្បីឱ្យពងបែកក្នុងមាត់ស្ពឹកលែងឈឺ ហើយបើអាអូនរលាកដោយសារបាក់តេរី គ្រូពេទ្យនឹងចេញថ្នាំផ្សះឱ្យ។

ខាងក្រោមនេះជាប្រការគួរចៀសវាង និងគួរធ្វើដើម្បីកាត់បន្ថយអាការៈឈឺចាប់ដោយសារពងបែកក្នុងមាត់៖

ឱ្យអាអូនញុំាទឹកឱ្យបានច្រើនដើម្បីបំពេញជាតិទឹក
ចៀសវាងឱ្យអាអូនញុំាអាហារក្តៅ ជូរ ហឹរ ប្រៃ ផ្អាប់ ឬរឹង ព្រោះពេលអាហារទាំងនេះប៉ះនឹងពងបែកក្នុងមាត់នឹងបណ្តាលឱ្យអាអូនមានការឈឺផ្សា
បើអាអូនមានអាការៈឈឺខ្លាំង ម៉ាក់ប៉ាអាចឱ្យអូនតូចញុំាអាហារទន់ៗ ព្រោះងាយក្នុងការទំពារ

ជាទូទៅ ពងបែកក្នុងមាត់នឹងជាក្នុងរយៈពេល ៧ ទៅ ១០ថ្ងៃ តែនៅថ្ងៃទី ៣ ឬទី ៥ អាអូននឹងលែងមានអាការៈឈឺចាប់ហើយ ទោះបីជានៅមានស្នាម ឬពងបែកក្នុងមាត់ក៏ដោយ។

អត្ថបទគួរអាន៖

ចំណុចសំខាន់

ប្រការគួរចៀសវាង និងគួរធ្វើដើម្បីកាត់បន្ថយអាការៈឈឺចាប់ដោយសារពងបែកក្នុងមាត់៖

ឱ្យអាអូនញុំាទឹកឱ្យបានច្រើន
ចៀសវាងឱ្យអាអូនញុំាអាហារក្តៅ ជូរ ហឹរ ប្រៃ ផ្អាប ឬរឹង
ឱ្យអូនតូចញុំាអាហារទន់ៗ

កូនឡើងពងបែកក្នុងមាត់ ម៉ាក់ប៉ាអាចជួយតាមវិធីណាខ្លះ?

ចំណុចសំខាន់