ផលធៀបវិសមមាត្រគ្នារវាងក្បាល ដងខ្លួន និងជើងក៏ដូចជាសាច់ដុំដែលអភិវឌ្ឍមិនពេញគ្រប់លក្ខណៈ និងអសមត្ថភាពក្នុងការគ្រប់គ្រងចលនាក្បាល គឺជាមូលហេតុចម្បងសម្រាប់របួសក្បាលដែលឃើញមានញឹកញាប់ក្នុងចំណោមកុមារតូចៗ។ នេះហើយជាអ្វីដែលប៉ាម៉ាក់គួរដឹងពីប្រភេទខុសៗគ្នារបស់របួសក្បាល ការបង្ការ ក៏ដូចជាអ្វីដែលត្រូវធ្វើពេលរកឃើញថាកូនបានធ្វើឲ្យគ្រោះថ្នាក់ និងមានរបួសក្បាល។
រឿងប៉ាម៉ាក់ត្រូវដឹងរឿងនេះពេលអូនៗមានរបួសក្បាលថាគ្រោះថ្នាក់ស្រាល ឬធ្ងន់កម្រិតណា
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប្រភេទរបួសក្បាល
– របួសក្បាលពីក្រៅ៖ របួសដែលពាក់ព័ន្ធនឹងការខូចខាតចំពោះលលាដ៍ក្បាល។
– របួសក្បាលខាងក្នុង៖ របួសដែលជះឥទ្ធិពលប៉ះពាល់លើលាដ៍ក្បាល សរសៃឈាមក្នុងក្បាល និង/ឬ ខួរក្បាល។
ក្មេងរងគ្រោះរប៉ះទង្គិចក្បាលអាចនឹងរងគ្រោះពីស្ថានភាពមួយក្នុងចំណោមពីរនេះ ឬស្ថានភាពទាំងពីរនេះ។ ខណៈដែលរបួសក្បាលខាងក្រៅតាមធម្មតាមិនគ្រោះថ្នាក់ របួសក្បាលខាងក្នុងអាចនាំទៅដល់សេចក្តីស្លាប់ ឬការខូចខាតជាអចិន្ត្រៃយ៍ចំពោះខួរក្បាល។
របួសខាងក្រៅ (របួសលលាដ៍ក្បាល)
បើកូនយើងមុតស្បែកក្បាលដោយចៃដន្យ ការហូរឈាមគឺចៀសមិនផុតដោយសារមានសរសៃឈាមជាច្រើននៅក្នុងស្បែកក្បាល។ ការហូរឈាមខ្លាំង អាចមានមកជាមួយដោយការលេចជ្រាបសារធាតុរាវដែលអាចធ្វើឲ្យស្បែកក្បាលមើលទៅហាក់ដូចជាហើម។ ជាទូទៅអាចចំណាយពេលប៉ុន្មានថ្ងៃរហូតដល់មួយសប្តាហ៍សម្រាប់ស្ថានភាពនេះបាត់ទៅវិញ។
ជំនួយសង្គ្រោះបឋមសម្រាប់របួសស្បែកក្បាលតូចតាច៖
– លាងឈាមចេញ និងសារធាតុរាវនៅតំបន់ដែលរងប៉ះពាល់ ដោយសាប៊ូស្រាលស្រទន់ និងទឹក។
– ប្រើប្រាស់ក្រណាត់គ្មានមេរោគ សង្កត់ទៅលើតំបន់នោះឲ្យបានប្រហែល ១០ នាទី រហូតដល់ការហូរឈាមឈប់ ឬបានថយចុះ។
– ស្អំទឹកកក (គេនិយមប្រើទឹកកករុំនៅក្នុងក្រណាត់) នៅលើតំបន់នោះឲ្យបាន២០ នាទីរៀងរាល់ ៣ ទៅ ៤ ម៉ោងម្តងដើម្បីបន្ថយការហើម និងការឈឺចាប់។
ជារឿងសំខាន់ដែលយើងត្រូវតាមឃ្លាំមើលសញ្ញាណាមួយដែលបញ្ជាក់ពីគ្រោះថ្នាក់បង្កប់ពីក្រោយចំពោះសុខភាពកូនយើងក្នុងរយៈពេល ២៤ ម៉ោងក្រោយពីគ្រោះថ្នាក់។ ទោះជាមានរបួសនេះ កូនយើងនៅតែអាចដេកបានដែរ យ៉ាងនេះក្តី យើងត្រូវឆែកមើលដំណកដង្ហើមរបស់កូនម្ដងក្នុងរៀងរាល់ប៉ុន្មានម៉ោងដើម្បីរកមើលភាពមិនប្រក្រតីណាមួយ។
អត្ថបទពាក់ព័ន្ធ៖
- ទារកពាក់ស្រោមដៃ-ជើង ពេលដោះចេញបែកញើស អាចមានបញ្ហាអីអត់?
- មូលហេតុចម្បងៗនេះហើយ បានជាក្នុងរបបអាហារកូនត្រូវមានអាស៊ីដខ្លាញ់ ២ ប្រភេទនេះ
- កូនតូចៗឡើងកន្ទួលលើស្បែក រួមជាមួយសញ្ញាប៉ុន្មាននេះ ម៉ាក់ប៉ាត្រូវឈប់ឲ្យម៉ឹមទឹកដោះគោ
- អាអូនចេញសញ្ញាបែបនេះកុំទុកយូរ ព្រោះកូនអាចកើតជំងឺរលាកខួរក្បាល
- ម៉ាក់ៗសម័យថ្មី ចិញ្ចឹមកូនបែបណាទើបកូនមានប្រព័ន្ធការពាររឹងមាំ និងមិនសូវឈឺ?
របួសខាងក្នុង
ការខូចខាតណាមួយពាក់ព័ន្ធនឹងលលាដ៍ក្បាល សរសៃឈាមក្នុងក្បាល ក្បាល និងខួរក្បាលត្រូវបានចាត់ទុកថាជាស្ថានភាពគំរាមកំហែងអាយុជីវិតដែលទាមទារជំនួយសង្គ្រោះបន្ទាន់។ ឳពុកម្តាយមិនគួរព្យាយាមព្យាបាលដោយខ្លួនឯងឡើយនៅក្នុងស្ថានភាពទាំងនេះ។ក្មេងរងគ្រោះរបួសខាងក្នុងក្បាលអាចត្រូវការឆ្លងកាត់ ការជួយសង្គ្រោះឲ្យដឹងខ្លួឡើងវិញ និងការវះកាត់។
បញ្ជូនកូនទៅមន្ទីរពេទ្យបើ៖
– កូនអាយុក្រោម ១ ឆ្នាំ
– របួសចំហរមុខធំ
– ឈាមហូរមិនឈប់
– កូនក្អួតច្រើនដង
– កូនមិនព្រមឈប់យំអស់ពេលលើសពី ១០ នាទី
– កូនធ្លាក់ពីកម្ពស់ពី ០,៩ ម៉ែត្រ និងខ្ពស់លើសនេះ
– កូនជួបប្រទះនូវការឈឺក្បាល ឈឺកញ្ចឹងក ព្រិលភ្នែក មើលឃើញបែងភាគជាពីរ ឬមានការពិបាកក្នុងការនិយាយ
– ដាស់កូនមិនភ្ញាក់
ការបង្ការរបួសក្បាលចំពោះកុមារ
– តាមឃ្លាំមើលដិតដល់ទៅលើកុមារដែលទើបតែចាប់ផ្តើមវារ ឬឈរ។
– ធ្វើវាឲ្យក្លាយជាកាតព្វកិច្ចសម្រាប់កូនយើងក្នុងការពាក់មួកការពារក្បាល ខណៈដែលកំពុងជិះកង់ ជិះស្គី ជិះស្បែកជើងមានកង់រំអិល ឬជិះជាមួយមិត្តភ័ក្តរបស់ពួកគេ។
– ប្តូរកម្រាលទ្រនាប់ដោយកម្រាលទ្រនាប់មិនរអិល ជាពិសេសនៅបង្គន់ និងកន្លែងងូតទឹក។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម