ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ស្ងួតគល់ធ្មេញ (Dry socket) ជាការឈឺចាប់គល់ធ្មេញ បន្ទាប់ពីដកធ្មេញរួច ដូចជាក្រោយពេលដកធ្មេញទាល់ជាដើម។ វាកើតឡើងនៅពេលឈាមទៅកកជាដុំនៅក្នុងរន្ធគល់ធ្មេញដែលទើបដក ដែលកន្លែងនោះគឺឆ្អឹង និងសរសៃប្រសាទនៅកណ្ដាលវាលតែម្ដង។ ប្រសិនបើគល់ធ្មេញយើងប្រែទៅស្ងួត នោះយើងនឹងចាប់ផ្ដើមឈឺក្នុងរយៈពេល ៣ ទៅ ៤ថ្ងៃក្រោយពីដកធ្មេញ។ ប្រសិនបើឈឺធ្មេញបែបនេះ យើងត្រូវប្រញ៉ាប់ប្រាប់គ្រូពេទ្យធ្មេញឲ្យបានលឿន។
ក្រោយពេលដកធ្មេញរួច យើងនឹងឃើញកន្លែងគល់ធ្មេញចំហ និងមានសភាពស្ងួត។ បើមានបញ្ហាស្ងួតគល់ធ្មេញ យើងនឹងឃើញឆ្អឹងពណ៌សត្រង់កន្លែងនោះ ដោយធម្មតាកន្លែងនោះ គួរមានឈាមកកពណ៌ក្រម៉ៅទេ។
សញ្ញារបស់បញ្ហាស្ងួតគល់ធ្មេញមានដូចជា៖
អាចមានរោគសញ្ញាផ្សេងខ្លះទៀតមិនបានរៀបរាប់នៅខាងលើ។ ដូចនេះប្រសិនបើគ្នាយើង មានរោគសញ្ញាគួរឲ្យព្រួយបារម្មណាមួយ សូមទៅពិគ្រោះជាមួយគ្រូពេទ្យឲ្យបានលឿន។
ទោះបីជាបញ្ហាស្ងួតគល់ធ្មេញ មិនងាយបង្កជាការឆ្លងរោគ ឬគ្រោះថ្នាក់ធ្ងន់ធ្ងរក្ដី តែយើងចាំបាច់ត្រូវគ្រប់គ្រងការឈឺចាប់របស់វាដែរ។ បន្ទាប់ពីដកធ្មេញរួច យើងអាចប្រើវិធីមួយចំនួន ដើម្បីជួយឲ្យធ្មេញឆាប់ជា និងកាត់បន្ថយរោគសញ្ញា ប្រសិនបើយើងមានបញ្ហាស្ងួតគល់ធ្មេញ ដោយអាចធ្វើតាមការណែនាំរបស់ពេទ្យធ្មេញ។
ខាងក្រោមនេះ គឺជាតិចនិចមួយចំនួនអាចជួយយើងបាន៖
ត្រូវណាត់ជួបជាមួយពេទ្យធ្មេញ ដើម្បីសម្អាតមុខរបួស ឬធ្វើការតាមដានផ្សេងៗ។ ប្រសិនបើយើងចាប់ផ្ដើមឈឺឡើងវិញ ឬឈឺកាន់តែខ្លាំងមុនពេលដល់ថ្ងៃណាត់ជួប យើងត្រូវទាក់ទងសួរនាំពីបញ្ហានេះទៅកាន់គ្រូពេទ្យ។
ការឈឺចាប់តិចតួច និងអារម្មណ៍ពិបាកក្នុងមាត់ គឺជារឿងធម្មតាក្រោយពេលដកធ្មេញ។ បើគ្រាន់តែឈឺតិចតួចបែបនេះ យើងអាចលេបថ្នាំបំបាត់ឈឺចាប់ដោយខ្លួនឯង ហើយការឈឺចាប់នោះ វានឹងបាត់ទៅវិញបន្ដិចម្ដងៗ។ ប៉ុន្តែប្រសិនបើមានការឈឺចាប់ថ្មីកើតឡើង ឬឈឺខ្លាំងជាងមុនក្រោយពេលដកធ្មេញរួច ត្រូវប្រញ៉ាប់ទាក់ទងទៅពេទ្យធ្មេញវិញឲ្យបានលឿន។
គ្រូពេទ្យប្រាកដជាប្រាប់ហើយថា ធ្មេញរបស់យើងត្រូវការរយៈពេលប៉ុន្មានទើបជាវិញ ហើយគាត់ក៏ប្រាប់វិធីថែមុខរបួស ក៏ដូចជារបៀបកាត់បន្ថយការឈឺចាប់ មានដូចខាងក្រោម៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕