យ៉ាងហោចណាស់មានកុមារចំនួន២៦នាក់ ធ្វើតេស្តវិជ្ជមានវីរុសកម្រមួយឈ្មោះថា “Tomato flu” នៅប្រទេសឥណ្ឌា។ យោងតាមមន្ត្រីសុខាភិបាលឥណ្ឌាបានឲ្យដឹងថា កុមារដែលឆ្លងវីរុសមួយនេះ មានស្ថានភាពនឹងនរវិញហើយ និងកំពុងតែស្ថិតក្នុងការឃ្លាំមើលយ៉ាងយកចិត្តទុកដាក់។ មន្ត្រីជំនាញរូបនេះបន្តថា “កុមារដែលឆ្លងវីរុស Tomato flu មានអាយុចន្លោះពី១ឆ្នាំដល់៩ឆ្នាំ និងត្រូវដាក់ឲ្យនៅដាច់ដោយឡែករយៈពេលពី៥ទៅ៧ថ្ងៃ។”
ព័ត៌មានសំខាន់ៗពីជំងឺTomato flu
ជំងឺTomato flu ជាជំងឺឆ្លងដែលភាគច្រើនបណ្ដាលមកពីមេរោគពោះវៀន។ រហូតមកដល់ពេលនេះ របាយការណ៍បានបង្ហាញថា ការឆ្លងវីរុសនេះ ច្រើនតែកើតលើកុមារ (អាយុក្រោម៥ឆ្នាំ)។ យ៉ាងណាមិញ មនុស្សពេញវ័យក៏អាចឆ្លងជំងឺនេះដូចគ្នា ប៉ុន្តែដោយសារតែប្រព័ន្ធភាពស៊ាំរបស់មនុស្សពេញវ័យរឹងមាំជាងកុមារ ទើបពុំសូវមានករណីឆ្លងច្រើន។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
រោគសញ្ញា
រោគសញ្ញាមួយចំនួន ដែលពាក់ព័ន្ធនឹងវីរុស Tomato flu រួមមាន គ្រុនក្ដៅ ដំបៅក្នុងមាត់ និងពងបែក(ពណ៌ក្រហម) នៅលើដៃ ជើង និងគូទ។ រោគសញ្ញាទូទៅផ្សេងទៀតមានដូចជា កន្ទួល រលាកស្បែក និងកង្វះជាតិទឹក។
គន្លឹះមួយចំនួនក្នុងការថែទាំជំងឺ និងបញ្ចៀសការឆ្លង
- ជៀសវាងអេះពងបែក ព្រោះវាអាចបង្កើនការឆ្លងមេរោគ និងរាលដាលបន្ថែមទៀត
- ញ៉ាំទឹកឲ្យបានច្រើន ដោយសារតែវីរុសឆ្លងមួយប្រភេទនេះ អាចនាំឲ្យយើងខ្វះជាតិទឹក
- ដាក់ខ្លួនឲ្យនៅដាច់ដោយឡែក ប្រសិនបើមានរោគសញ្ញា
- រក្សាអនាម័យឲ្យបានត្រឹមត្រូវ ព្រមទាំងងូតទឹកត្រជាក់
- ញ៉ាំរបបអាហារដែលមានសុខភាពល្អ។
អត្ថបទគួរអាន៖
- ក្រសួងសុខាភិបាល ប្រកាសឲ្យមានការប្រុងប្រយ័ត្នខ្ពស់ពីជំងឺអុតស្វា
- អ្នកណាខ្លះប្រឈមហានិភ័យខ្ពស់ក្នុងការកើតជំងឺអុតស្វា?
- ទាំងនេះជាអ្វីគ្រប់គ្នាគួរដឹងពីជំងឺអុតស្វា កំពុងផ្ទុះនៅប្រទេសនានា
[embed-health-tool-bmi]
