វីរុសអុតស្វា (Monkeypox) ជាប្រភេទវីរុសដែលចម្លងពីសត្វទៅមនុស្ស ហើយមានរោគសញ្ញាស្រដៀងទៅនឹងជំងឺអុតធំដែរ។ ប៉ុន្តែជំងឺអុតធំ ត្រូវបានសាបសូន្យតាំងពីឆ្នាំ១៩៨០ មកម្ល៉េះ ខណៈវីរុសអុតស្វានៅតែបន្តរាលដាលរហូតមកដល់ពេលបច្ចុប្បន្ន។ ជំងឺអុតស្វា កើតឡើងជាចម្បងនៅអាហ្វ្រិកកណ្ដាល និងខាងលិច ហើយជារឿយៗកើតនៅជិតព្រៃតំបន់ត្រូពិក និងកំពុងតែមានការកើនឡើងនៅតំបន់ទីក្រុងផងដែរ។