ចំណីអាហារកាលណាតែយើងធ្វេសប្រហែស ចម្អិនមិនបានឆ្អិនល្អ ខ្វះអនាម័យ ញ៉ាំទៅអាចឲ្យយើងពុលចំណីអាហារ ទៅជាក្អួតចង្អោរ បាត់បង់ជាតិទឹក គ្រុនក្តៅ ឈឺក្បាល រាករូស ឈឺពេញពោះ វិលមុខ អស់កម្លាំងខ្លាំងឈានទៅបាត់បង់ស្មារតី។
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យ ក្រសួងសុខាភិបាល បានទទូចឲ្យពលរដ្ឋ ធ្វើតាមប៉ុន្មានចំណុចខាងក្រោមនេះ ដើម្បីសុវត្ថិភាពចំណីអាហារ ចៀសផុតពីការពុលអាហារក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌនេះ។
១. ចម្អិនអាហារឲ្យបានឆ្អិនល្អ
ចំណីអាហារគ្រប់មុខយើងត្រូវចម្អិនឲ្យបានឆ្អិនល្អ ពិសេស សាច់ សត្វស្លាប ស៊ុត និងគ្រឿងសមុទ្រ។ អាហារឆៅ ឬចម្អិនមិនបានឆ្អិនល្អ អាចធ្វើឲ្យមានគ្រោះថ្នាក់ដល់សុខភាពដោយសារសម្បូរទៅដោយពពួកវីរុស និងបាក់តេរីយ៉ាងច្រើនសន្ធឹក។
២. ទុកដាក់ចំណីអាហារឲ្យបានល្អ កុំទុកដាក់ច្របូកច្របល់ចូលគ្នា
ត្រូវដាក់អាហារមិនទាន់ចម្អិនមួយដុំៗផ្សេងៗគ្នា សូម្បីតែការប្រើជ្រញ់ក៏អ៊ីចឹងដែរ ដូចជា សាច់ឆៅម្ខាង ហើយបន្លែ និងផ្លែឈើម្ខាងទៀត ឬមានជ្រញ់សម្រាប់ហាន់សាច់ផ្សេង បន្លែផ្សេង។ ឯអាហារឆ្អិនវិញ ទុកក្នុងចានស្អាត កុំប្រើលាយជាមួយចានដាក់របស់ឆៅ ព្រោះអាចចម្លងមេរោគដល់អាហារឆ្អិន។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
៣. កុំទុកចំណីអាហាររយៈពេលយូរ
ការទុកចំណីអាហាររយៈពេលយូរ ហើយមិនបានគ្របត្រឹមត្រូវ ធ្វើឲ្យអាហារនោះងាយនឹងផ្អូម ជូរ និងមានសត្វរុយ ស្រមោច កន្លាត កណ្តុរវារកាត់ ឬទុំពីលើ។
[embed-health-tool-heart-rate]
៤. ត្រូវមានអនាម័យ និងលាងសម្អាតរបស់ប្រើប្រាស់ឲ្យស្អាតល្អ
យើងត្រូវលាងដៃនឹងសាប៊ូមុនពេល និងពេលរៀបចំម្ហូបអាហារ មុនញ៉ាំអាហារ ឯបន្លែ ផ្លែឈើ ត្រី សាច់ និងសម្ភារៈប្រើសម្រាប់ចម្អិនម្ហូបក៏ត្រូវតែស្អាតដែរ នោះទើបមានសុវត្ថិភាព។
អត្ថបទគួរអាន៖
- ពុលអាហារអំឡុងពេលពពោះគ្រោះថ្នាក់អត់? បង្ការបែបណា?
- ញ៉ាំបង្គាឆៅ តើអាចគ្រោះថ្នាក់ទេ?
- Sushi មានប្រយោជន៍ច្រើន តែមានហានិភ័យខ្លះ គ្នាយើងគួរដឹង
- កូនតូចពុលចំណីអាហារ ប្រើវិធីងាយៗនេះជួយសង្គ្រោះបាន
- គួរដឹង! រោគសញ្ញាពុលចំណីអាហារកម្រិតស្រាល និងធ្ងន់ធ្ងរ
- ពុលចំណីអាហារ ហាមធ្វើរឿងនេះដាច់ខាត អាចប៉ះពាល់ពោះវៀនកាន់តែខ្លាំង
ចំណុចសំខាន់
- ចម្អិនអាហារឲ្យបានឆ្អិនល្អ
- ទុកដាក់ចំណីអាហារឲ្យបានល្អ កុំទុកដាក់ច្របូកច្របល់ចូលគ្នា
- កុំទុកចំណីអាហាររយៈពេលយូរ
- ត្រូវមានអនាម័យ និងលាងសម្អាតរបស់ប្រើប្រាស់ឲ្យស្អាតល្អ
