ក្រសួងសុខាភិបាល បានអំពាវនាវឲ្យប្រជាពលរដ្ឋកម្ពុជាទាំងអស់ បង្កើនការប្រុងប្រយ័ត្ន និងស្វែងយល់ពីវិធីបង្ការការឆ្លងជំងឺអុតស្វា ក៏ដូចជា ត្រូវអនុវត្តន៍នូវវិធីបង្ការនានាឲ្យបានខ្ជាប់ខ្លួន ក្រោយពីក្រសួងបានឃើញករណីជំងឺអុតស្វាយចំនួន២ករណីទៀត ដែលនាំឲ្យករណីវិជ្ជមានសរុបកើនដល់៣ករណីនេះ។
កម្ពុជា ប្រកាសរកឃើញករណីថ្មីនៃជំងឺអុតស្វាញ២នាក់ទៀត
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្រសួងសុខាភិបាល បានបញ្ជាក់ក្នុងសេចក្តីប្រកាសព័ត៌មានរបស់ខ្លួនថា យោងតាមលទ្ធផលដែលទទួលបានពីវិទ្យាស្ថានជាតិសុខភាពសាធារណៈ គិតត្រឹមថ្ងៃទី៣ ខែមករា ឆ្នាំ២០២៤ កម្ពុជា បានរកឃើញករណីវិជ្ជមានចំនួន២ករណីបន្ថែមទៀត ក្រោយពីរកឃើញករណីទី១ លើបុរសវ័យ២៨ឆ្នាំម្នាក់ រស់នៅសង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីថ្ងៃទី១៣ ខែធ្នូ ឆ្នាំ២០២៣ កន្លងទៅ។
ក្រោយពីរកឃើញករណីថ្មីទាំង២ខាងលើ ក្រសួងសុខាភិបាល បានបញ្ជាក់ថា វីរុសអុតស្វា អាចចម្លងពីមនុស្សទៅមនុស្សម្នាក់ទៀត តាមរយៈការរួមភេទគ្រប់ទម្រង់ ជាមួយនឹងអ្នកជំងឺអុតស្វា និងការប៉ះពាល់ផ្ទាល់នឹងកន្លែងមានដំបៅ ទឹកសារពាង្គកាយ ទឹកមាត់ ដំណក់តូចៗតាមផ្លូវដង្ហើម និងសម្ភារៈប្រើប្រាស់ដែលមានជាប់វីរុស ដូចជាចម្លៀកបំពាក់ ពូក កន្សែង ស្លាបព្រាចាន ជាដើម។
វីរុសអុតស្វា ក៏អាចឆ្លងពីម្តាយទៅកូនតាមរយៈទងសុក ក្នុងអំឡុងពេល ឬក្រោយពេលសម្រាល តាមរយៈការប៉ះពាល់ផ្ទាល់ បើស្ត្រីមានផ្ទៃពោះ ឬឪពុកម្តាយមានជំងឺអុតស្វា។
គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ជាមួយគ្នានេះ ក្រសួងបានបញ្ជាក់ថា បើបុគ្គលណាមានរោគសញ្ញាដូចជា កន្តួលរមាស់ ដោយមានពងទឹកនៅលើមុខ បាតដៃ ជើង ដងខ្លួន ភ្នែក មាត់ ឬប្រដាប់ភេទ គ្រុនក្តៅ ហើមកូនកណ្តុរ ឈឺសាច់ដុំ និងឈឺចង្កេះ អស់កម្លាំង ត្រូវទៅពិគ្រោះយោបល់នៅមណ្ឌលសុខភាព ឬមន្ទីរពេទ្យ ដើម្បីធ្វើតេស្ត ទោះបាន ឬមិនបានប៉ះពាល់ជាមួយនឹងអ្នកជំងឺអុតស្វាក៏ដោយ។
ប៉ុន្តែ ជាប្រជាពលរដ្ឋក៏អាចបង្ការវីរុសនេះបានផងដែរ តាមរយៈការប្រើប្រាស់ស្រោមអនាម័យជានិច្ចក្នុងពេលរួមភេទ និងចៀសវាងការមានដៃគូច្រើន មិនត្រូវប្រើប្រាស់សម្ភារៈរួមគ្នា ចៀសវាងការប៉ះពាល់ផ្ទាល់ជាមួយនឹងអ្នកជំងឺអុតស្វា ឬដំណក់ទឹកពីផ្លូវដង្ហើម ឬវត្ថុរាវរបស់អ្នកជំងឺអុតស្វា ជាដើម៕
អត្ថបទគួរអាន៖
- អាថ៌កំបាំងកន្លែងសម្ងាត់ ស្រីៗខ្លួនឯងភាគច្រើនអត់ដឹង
- ស្ត្រីចៀសមិនផុតពីការផ្លាស់ប្ដូរទ្វារមាស ៤ យ៉ាងនេះ ក្រោយសម្រាលកូនរួច
- ស្រីៗសម្អាតកន្លែងសម្ងាត់ជារឿងសំខាន់ តែបើសម្អាតដោយវិធីនេះនឹងគ្រោះធំមិនខាន
- ស្រីៗគួរដឹង នេះជាមូលហេតុនិងរោគសញ្ញារលាកទ្វារមាសដោយបាក់តេរី
- ស្រីៗបាត់បង់បាត់តេរីល្អក្នុងទ្វារមាស ងាយឆ្លងរោគ ធ្លាក់ស មកមូលហេតុទាំងនេះ
- ស្រុតស្បូនមកពីមូលហេតុអី? មានសញ្ញាម៉េចខ្លះ?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម