គិតមកទល់ពេលនេះ ជំងឺទឹកនោមប្រភេទ១នៅមិនទាន់មានអ្នកវិទ្យាសាស្ដ្រណាអាចរកឃើញថ្នាំព្យាបាលឲ្យជាសះស្បើយនៅឡើយទេ ចំណែកវិធីសាស្ដ្រព្យាបាលវិញ ក៏កំពុងតែស្ថិតក្នុងការសិក្សានៅឡើយ។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
មូលហេតុនៃការកើតជំងឹទឹកនោមផ្អែមប្រភេទ១
ទឹកនោមផ្អែមប្រភេទ ១ កើតឡើងដោយសារកម្រិតជាតិស្ករក្នុងឈាមកើនឡើងខ្លាំង មិនអាចគ្រប់គ្រងបាន។ មូលហេតុឈានដល់ដំណាក់កាលនេះ គឺដោយសារ លំពែងមិនអាចផលិតអ័រម៉ូន អាំងស៊ុយលីនគ្រប់គ្រាន់ដើម្បីដឹកនាំជាតិស្ករទាំងនោះទៅចិញ្ចឹមសរីរាង្គផ្សេងៗទៀតក្នុងរាងកាយ។ ការអសមត្ថភាពផលិតអ័រម៉ូនអាំងស៊ុយលីន គឺដោយសាតែកោសិកាក្នុងលំពែង ឈ្មោះថា បេតា (Beta cells) ត្រូវបានខូចខាតព្រោះតែប្រព័ន្ធភាពស៊ាំប្រឆាំងនឹងខ្លួនឯង ទើបបណ្ដាលឲ្យកោសិកាទាំងនោះខូចបន្ដិចម្ដងៗ និងឈានដល់ការកើតជំងឹទឹកនោមផ្អែមប្រភេទ១តែម្ដង។
តើជំងឺទឹកនោមផ្អែមប្រភេទ១ អាចព្យាបាលបានដែរឬទេ?
ជំងឹទឹកនោមផ្អែមប្រភេទ១ អាចព្យាបាលដើម្បីគ្រប់គ្រងជំងឺ ប៉ុន្ដែមិនអាចឲ្យអ្នកជំងឺជាសះស្បើយទាំងស្រុងនោះទេ។ យើងក៏ដឹងដែរថា ជំងឺទឹកនោមផ្អែមប្រភេទ១ គឺជាជំងឺរ៉ាំរ៉ៃ ដែលកោសិកា បេតា របស់លំពែងត្រូវបានខូចខាត ដោយប្រព័ន្ធភាពស៊ាំប្រឆាំងខ្លួនឯងបំផ្លាញ ទើបមិនអាចផលិតអ័រម៉ូន អាំងស៊ុយលីនគ្រប់គ្រាន់តាមតម្រូវការរាងកាយ។ ការខ្វះអ័រម៉ូន អាំងស៊ុយលីនគឺជា បញ្ហាសំខាន់បំផុតដែលអាចឈានទៅរកជំងឺទឹកនោមផ្អែមបាន ដូច្នេះតាមការប្រើប្រាស់វិធីសាស្ដ្រព្យាបាលបច្ចុប្បន្ន គេមើលឃើញមានវិធីសាស្ដ្រសំខាន់ៗមួយចំនួន។
១.ការចាក់បញ្ចូលអាំងស៊ុយលីន
នៅពេលដែលកោសិកា បេតា របស់លំពែងត្រូវបានបំផ្លាញ ពេលនោះលំពែងក៏មិនអាចផលិតអាំងស៊ុយលីនបានទៀតដែរ។ ដូច្នេះវិធីសាស្ដ្រមានតែចាក់បញ្ចូល អាំងស៊ុយលីន ពីខាងក្រៅចូលក្នុងសរសៃឈាម ដើម្បីគ្រប់គ្រងកម្រិតជាតិស្ករ ឲ្យដំណើរការ បញ្ជូនទៅកាន់សរីរាង្គដូចធម្មតា។ ការចាក់អាំងស៊ុយលីន មានច្រើនរូបភាព ដូចជា ការចាក់ប្រើសឺរាំង និង ការប្រើប្រាស់ដោយម៉ាស៊ីនស្វ័យប្រវត្ដិ នេះជាវិធីព្យាបាល ដែលកំពុងតែពេញនិយមប្រើប្រាស់ ថែមទាំងអាចជួយបន្ដអាយុជីវិតអ្នកទឹកនោមផ្អែមបានរាប់លាននាក់លើពិភពលោក។
២.ការផ្សាំកោសិកាស្ថិតក្នុងដំណាក់កាលសិក្សា
វិធីព្យាបាលដោយការផ្សាំកោសិកាជាវិធីសាស្ដ្រមួយកំពុងស្ថិតក្នុងការសិក្សា និងមិនទាន់បានប្រើប្រាស់នៅឡើយទេ។ លោកវេជ្ជបណ្ឌិត ហ៊ួយ បញ្ញា ឯកទេសជំងឺទឹកនោមផ្អែម និង ក្រពេញអ័រម៉ូន នៃមន្ទីរពេទ្យព្រះអង្គឌួង មានប្រសាសន៍ថា ការផ្សាំកោសិកានេះ គឺគេត្រូវយកកោសិកា សំខាន់ៗដូចជា កោសិកា បេតា និង កោសិកា អាល់ហ្វា ដើម្បីផ្សាំក្នុងស្រោមការពារដែលច្នៃឡើងដើម្បីការពារ ពីការវាយប្រហាររបស់ប្រព័ន្ធភាពស៊ាំ ប៉ុន្ដែអនុញ្ញាតឲ្យកោសិកាផលិតអាំងស៊ុយលីន បញ្ចេញបានធម្មតា។ លោកបញ្ជាក់ថា ប្រសិនការសិក្សានេះទទួលបានជោគជ័យ នោះគឺជាក្ដីសង្ឃឹមសម្រាប់អ្នកកើតជំងឺទឹកនោមផ្អែមប្រភេទ១។
៣.ការប្ដូរលំពែង តែមានភាពសាំញ៉ាំ
ក្នុងដំណាក់កាលនៃការវះកាត់ប្ដូរលំពែង គឺគេត្រូវការវះកាត់ដោយប្ដូរលំពែងថ្មី ហើយបន្សាំកោសិកាដើម្បីឲ្យដំណើរការលូតលាស់ ត្រូវនឹងរាងកាយ និងអាចផលិតអ័រម៉ូនអាំងស៊ុយលីនបាន។ លោកវេជ្ជបណ្ឌិតបានបន្ថែមទៀតថា វិធីសាស្ដ្រប្ដូរលំពែង គេបានអនុវត្ដរួចហើយកន្លងមក ឃើញថាអ្នកជំងឺមានសភាពល្អក្រោយ វះកាត់ផ្សាំ ប៉ុន្ដែអ្នកជំងឺចាំបាច់ត្រូវតាមដានជាតិស្ករញឹកញាប់ ហើយប្រើប្រាស់ថ្នាំបន្ថយសមត្ថភាពប្រព័ន្ធភាពស៊ាំក្នុងរាងកាយជាប្រចាំ ព្រោះថាការផ្សាំកោសិកាលំពែងរបស់អ្នកផ្សេងចូលក្នុងខ្លួន នោះប្រព័ន្ធភាពស៊ាំ នឹងចាត់ទុក វាជាសត្រូវពីខាងក្រៅដូចមេរោគ ឬ កោសិការមហារីកអ៊ីចឹង ហើយវានឹងកំទេចកោសិការផ្សាំនោះ ដូច្នេះហើយបានជាចាំបាច់ប្រើថ្នាំបន្ថយប្រព័ន្ធភាពស៊ាំ ដើម្បីការពារ។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
៤.ការចាក់ប្រូតេអ៊ីនកំពុងសិក្សា
វិធីចាក់ប្រូតេអ៊ីនេះ គឺត្រូវបានរកឃើញ ពីក្រុមអ្នកស្រាវជ្រាវជនជាតិ អូស្ដា្រលី នៅសាកលវិទ្យាល័យ Queensland ដោយឆ្លងកាត់ការពិសោធន៍ប៉ុន្ដែមិនទាន់បានសាកល្បងឲ្យអនុវត្ដនៅឡើយទេ។ ការពិសោធន៍ ដោយគេប្រើប្រាស់ ប្រូតេអ៊ីន មួយប្រភេទឈ្មោះថា sRAGE ដែលវាមានសមត្ថភាព អាចជួយទៅកែប្រែភាពមិនប្រក្រតី នៃមុខងារកោសិកា T (T cell) ដែលជាកោសិកាមួយប្រភេទសំខាន់ ក្នុងចង្កោមកោសិកា គ្រាប់ឈាមស ដើរតួជាប្រព័ន្ធការពារក្នុងខ្លួន។ ការចាក់ប្រូតេអ៊ីននេះ មិនត្រឹមតែជួយការពារពីការកើតជំងឺទឹកនោមផ្អែមប្រភេទ១ទេ ហើយគេជឿថាថែមទាំងអាចព្យាបាលអ្នកជំងឺបានជាសះស្បើយទៀតផង។ យ៉ាងណាវិធីសាស្រ្តនេះនៅមិនទាន់អនុវត្តសម្រាប់ការព្យាបាលនៅឡើយ។
[embed-health-tool-bmi]
