អ្នកមានជំងឺទឹកនោមផ្អែម មានឱកាសជួបបញ្ហាគាំងបេះដូង និងគ្រោះថ្នាក់សរសៃឈាមខួរក្បាលខ្ពស់ជាងអ្នកគ្មានជំងឺទឹកនោមផ្អែម។ ការជក់បារី ការមានសម្ពាធឈាមខ្ពស់ និងកម្រិតកូលេស្តេរ៉ូលខ្ពស់ ក៏បង្កើតឲ្យមានហានិភ័យលើបញ្ហាទាំងនេះកាន់តែខ្ពស់។ ការគ្រប់គ្រងកម្រិតជាតិស្ករក្នុងឈាម សម្ពាធឈាម និងកូលេស្តេរ៉ូល បានល្អគឺមានសារសំខាន់ណាស់ក្នុងការការពារបញ្ហាគាំងបេះដូង និងគ្រោះថ្នាក់សរសៃឈាមខួរក្បាល។