ធ្លាប់ឮគេថា កើតទឹកនោមផ្អែម ស្រួលមិនស្រួលអាចកាត់ជើងចោល ដែរអត់? ពិត មិនពិត ស្ដាប់ “Hello គ្រូពេទ្យបកស្រាយសិន។

អ្នកទឹកនោមផ្អែម ជាទូទៅ អាចមានបញ្ហាជើង ដោយសារទឹកនោមផ្អែមធ្វើឲ្យសរសៃប្រសាទខូចខាត និងបន្ថយចរន្តឈាមទៅបាតជើង។ អ៊ីចឹងហើយ ទើបគ្នាយើង ក៏ដូចជាម៉ាក់ប៉ា កើតទឹកនោមផ្អែម តែងមានអារម្មណ៍ស្ពឹកចុងដៃចុងជើង។ អនាម័យជើង ជារឿងសំខាន់ ដើម្បីការពារកុំឲ្យមានបញ្ហាធ្ងន់ធ្ងរ ពិសេសឈានដល់ការកាត់ប្រអប់ជើង ឬជើង។

១- អនាម័យប្រអប់ជើង

– លាងជើងឲ្យស្អាត ហើយជូតឲ្យស្ងួត

– មើលចំណុចក្រហម ឬស្បែកក្រិននៅម្ដុំណាមួយ

– កាត់ក្រចកឲ្យបានស្អាត។ វិធីល្អ គឺកាត់ក្រោយពេលងូតទឹករួច ហើយហាមឆ្កៀលក្រចកជ្រៅៗផង

– ឧស្សាហ៍ពិនិត្យមើលជើង ក្រែងឡើងដំបៅ ផ្សិត ត្រចៀកក្រាញ់ ហើយបើមានពងទឹក កុំញេច ព្រោះអាចបង្ករោគឲ្យកាន់តែធ្ងន់។

ស្វែងយល់បន្ថែមតាមរយៈវីដេអូខាងក្រោម៖

ពិនិត្យជើង

ចង់ពិនិត្យជំងឺបម្រុងទឹកនោមផ្អែម ចុចទីនេះ!

ចង់ពិនិត្យជំងឺទឹកដក់បាតភ្នែក ចុចទីនេះ!

ចង់ពិនិត្យជំងឺវរង្វេងវង្វាន់ ចុចទីនេះ!

ចង់ពិនិត្យជំងឺស្ទះដង្ហើមរុំារ៉ៃ ចុចទីនេះ!

២- ពាក់ស្បែកជើង និងស្រោមជើង

អ្នកទឹកនោមផ្អែមមិនត្រូវដើរជើងទទេឡើយ ព្រោះអាចមុតជើង ហើយពិបាកជា។ ខាងក្រោមនេះ ជាតិចនិកខ្លះៗ៖

– ករណីខ្លះ ពេទ្យប្រាប់ឲ្យពាក់ស្បែកជើងពិសេស

– ពាក់ស្បែកជើងការពារជើងទៅតាមអាកាសធាតុ

– កុំអង្គុយគងអន្ទាក់ខ្លា ឬកាយវិការណាដែលអាចទប់ឈាម មិនឲ្យហូរទៅចិញ្ចឹមបាតជើង

– ប្ដូរស្រោមជើងជាប្រចាំ ហើយប្រើស្រោមជើងណាធ្វើពីសរសៃអំបោះធម្មជាតិ អាចស្រូបយកញើសបាន កុំឲ្យបាតជើងសើម

– ពាក់ស្រោមជើងខាងខុស ប្រសិនស្រោមជើងមានថ្នេរក្រាស់ៗ ការពារសង្កត់ជើងនឹងថ្នេរ

– ចៀសវាងស្បែកជើងកែង ព្រោះសម្ពាធទម្ងន់ខ្លួន នឹងធ្លាក់លើម្រាមជើង។ ស្បែកជើងសង្រែក ក៏កុំដែរ ព្រោះម្រាមជើងចំហ អាចមុត ឆ្លងរោគគ្រប់ពេល។ ពាក់ស្បែកជើងណារុំជើងជិតៗ។

៣- ឈប់ជក់បារី

ប៉ាអ៊ំ ឬ គ្នាយើង កើតទឹកនោមផ្អែម ហើយជក់បារី នឹងប៉ះពាល់ចរន្តឈាមក្នុងរាងកាយ ធ្វើឲ្យឈាមរត់ទៅបាតជើងអត់គ្រប់គ្រាន់ អាចប៉ះពាល់ធ្ងន់ធ្ងរដល់ប្រអប់ជើង និងជើង។ យកល្អ ត្រូវឈប់ជក់បារី។

សរុបមក មានជំងឺទឹកនោមផ្អែមត្រូវប្រយ័ត្នបំផុត ពេលជើងហើម ឬមុត។ ផ្អាកធ្វើចលនា ឬហាត់ប្រាណ រង់ចាំជាសិន។ កុំព្យាយាមព្យាបាលខ្លួនឯង បើមានរបួសជើង ត្រូវប្រញាប់ទៅពេទ្យជាបន្ទាន់។

អត្ថបទគួរអាន៖

ចំណុចសំខាន់

អ្នកជំងឺទឹកនោមផ្អែមមិនចង់មានបញ្ហាដំបៅជើងរហូតដល់កាត់់ជើងគួរថែរក្សាប្រអប់ជើងដោយ៖

អនាម័យប្រអប់ជើងជាប្រចាំ
ពាក់ស្បែកជើង និងស្រោមជើងជានិច្ច
ឈប់ជក់បារី

ដំបៅ​ជើង ត្រូវ​កាត់​ជើង​ចោល​ បើ​មាន​ទឹក​នោម​ផ្អែម?

១- អនាម័យប្រអប់ជើង

២- ពាក់ស្បែកជើង និងស្រោមជើង

៣- ឈប់ជក់បារី

ចំណុចសំខាន់

ដំបៅជើង ត្រូវកាត់ជើងចោល បើមានទឹកនោមផ្អែម?