ការព្យាបាលប្រភេទថ្មីមួយ ដោយប្រើវីរុសធម្មតា អាចបំផ្លាញកោសិកាមហារីកបានយ៉ាងមានប្រសិទ្ធភាព នេះបើយោងតាមក្រុមអ្នកវិទ្យាសាស្ត្រនៃប្រទេសអង់គ្លេស ក្រោយធ្វើការពិសោធន៍លើមនុស្សជាលើកដំបូង។ ជាលទ្ធផល ដុំមហារីកនៃអ្នកជំងឺម្នាក់បានរលាយបាត់ ស្របពេលដែលដុំសាច់មហារីករបស់អ្នកជំងឺផ្សេងទៀតកំពុងតែរួមតូចទៅៗ។ យ៉ាងណាមិញ ក្រុមអ្នកស្រាវជ្រាវថាត្រូវការការសិក្សាបន្ថែមទៀតលើបញ្ហានេះ។ នេះបើតាមការផ្សាយរបស់សារព័ត៌មាន BBC កាលពីថ្ងៃទី២៤ ខែកញ្ញា ឆ្នាំ២០២២ កន្លងមកនេះ។