ករណីម៉ាក់ៗបែកទឹកភ្លោះ តែមិនទាន់ឈឺពោះសម្រាលមានច្រើនករណីដែលជួបប្រទះបញ្ហានេះ។ ព្រោះតែបែបនោះ ទើបម៉ាក់ៗបានលើកឡើងជាសំណួរថា បែកទឹកភ្លោះ មិនឈឺពោះ តើគួរឲ្យព្រួយបារម្ភអត់?
លោកវេជ្ជបណ្ឌិត ចាន់ ស៊ីណេត បានឲ្យដឹងថា ម៉ាក់ៗដែលជួបប្រទះបញ្ហានេះ ប្រសិនបើគ្មានការឆ្លងរោគ ក៏គ្មានគ្រោះថ្នាក់ដែរ។ ប៉ុន្តែបើបែករលាកស្រោមទឹកភ្លោះដែលបណ្ដាលមក ពីមេរោគពីទ្វារមាសទៅស្រោមទឹកភ្លោះ ហើយអាចបណ្ដាលឲ្យយើងក្ដៅខ្លួន និងបង្ករោគដល់ទារក នាំឲ្យចង្វាក់បេះដូងទារកលោតញាប់។
ក្នុងករណីបើមានការបង្ករោគដល់ទារកមែននោះ គ្រូពេទ្យអាចសង្កេតតាមរយៈសញ្ញាសំខាន់ៗដូចជា៖
– ទឹកភ្លោះឡើងពណ៌បៃតង ខាប់
– ទឹកភ្លោះមានក្លិនមិនល្អ
– ចង្វាក់បេះដូងទារកខ្សោយ
– កូនមិនសូវកម្រើក
– ទារកក្ដៅខ្លួន ក្រោយសម្រាល
លោកវេជ្ជបណ្ឌិតបានបន្ថែមទៀតថា ចំពោះទងសុកក៏អាចធ្លាក់គាបជាប់ខាងមុខមាត់ស្បូនក្រោយពីបែកទឹកភ្លោះដែលអាចបណ្ដាលឲ្យគ្រោះថ្នាក់ដល់ទារកភ្លាមៗដោយសុកមិនអាចបញ្ជូនចរន្តឈាមទៅកូនបាន។
ប្រធានផ្នែកសម្ភព និងរោគស្រ្តីនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានណែនាំថា បើបែកទឹកភ្លោះភ្លាម ត្រូវប្រញាប់ទៅមណ្ឌលសុខភាព ដើម្បីឲ្យក្រុមគ្រូពេទ្យតាមដានពីអាការៈកូន និងជ្រើសរើសវិធីសម្រាលណាមួយដែលសក្ដិសម ព្រមទាំងសុវត្ថិភាពទាំងម្ដាយ និងកូន។
អត្ថបទពាក់ព័ន្ធ៖
- កូនក្នុងផ្ទៃ អាចរស់បានយូរប៉ុនណាបន្ទាប់ពីបែកទឹកភ្លោះ?
- គុណសម្បត្តិ-គុណវិបត្តិ នៃការសម្រាលកូនដោយធម្មជាតិ និងវះកាត់
- សំណួរពេញនិយមរបស់ម៉ាក់ប៉ា៖ គួរត្រៀមលុយប៉ុន្មានទុកសម្រាលកូន?
- សញ្ញាសំខាន់ៗ សម្គាល់ទារកកើតមកឈ្លក់ទឹកភ្លោះមានលាយលាមកព្រៃ
- សុកពាំងមាត់ស្បូន អាចមើលអេកូដឹងនៅពេលណា? មានប៉ុន្មានប្រភេទ?
- អាកាសធាតុក្ដៅ! ស្រីៗកំពុងពពោះគួរដឹងតិចនិកហាត់ប្រាណ និងរបៀបស្លៀកពាក់
- ពពោះ កូនថ្លោសពេកមិនល្អអាចប្រឈមបញ្ហាច្រើនយ៉ាង អ៊ីចឹងម៉ាក់ៗគួរធ្វើបែបណា?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
