ជាទូទៅពាក្យថាធ្វើធ្មេញ មានន័យទូលំទូលាយណាស់ ហើយស្ត្រីមានផ្ទៃពោះជាច្រើនបានជួបប្រទះបញ្ហាមាត់ធ្មេញ អំឡុងពេលសំខាន់នេះ ក្នុងនោះក៏មានពាក្យចចាមអារ៉ាមថា ការធ្វើធ្មេញពេលនេះមានផលប៉ះពាល់ចំពោះម្តាយ និងកូន។
ការថែរក្សាសុខភាពមាត់ធ្មេញឲ្យបានល្អពេលមានផ្ទៃពោះ ពិតជាសំខាន់ខ្លាំងសម្រាប់ខ្លួនយើង និងទារកកំពុងកកើត ទើបកូនអាចរីកធំលូតលាស់ក្នុងផ្ទៃបានល្អ ចៀសវាងការបង្ករោគផ្សេងៗនៅក្នុងមាត់។ តាមការដកស្រង់ពីផេក Calmette Hospital បានឲ្យដឹងថា ការធ្វើធ្មេញមិនប្រាកដថាប៉ះពាល់ទាំងអស់នោះទេ។
អំឡុងពេលមានផ្ទៃពោះការសម្អាតមាត់ធ្មេញ ប៉ះធ្មេញ មិនមានការប៉ះពាល់ឡើយ តែបើដក ព្យាបាលធ្មេញ ឬការវះកាត់ក្នុងមាត់ ទើបតម្រូវឲ្យមានការប្រឹក្សាជាមួយទន្តបណ្ឌិត និងទាមទារពិនិត្យតាមដានយ៉ាងយកចិត្តទុកដាក់ខ្ពស់។ ចំណែកការពត់ធ្មេញវិញ មិនតម្រូវឲ្យធ្វើឡើយ ដោយរង់ចាំក្រោយសម្រាលរួចសិន។
ដូចនេះហើយត្រូវព្យាយាមថែរក្សាមាត់ធ្មេញឲ្យបានល្អតាំងពីមិនទាន់មានផ្ទៃពោះ រហូតពេលមានក៏នៅតែអនុវត្តគោលការណ៍ដុសធ្មេញឲ្យបាន ២ដង/១ថ្ងៃ និងទៅសម្អាតធ្មេញ ២ដង/ឆ្នាំ ហើយចៀសវាងអាហារក្ដៅ និងត្រជាក់ពេក ដែលនាំឲ្យប៉ះពាល់ធ្មេញ។
ក្នុងនោះដែរបញ្ហាមាត់ធ្មេញរបស់ស្ត្រីមានផ្ទៃពោះច្រើនជួបប្រទះមានដូចជា៖
– រលាកអញ្ចាញធ្មេញ និងឈាមតាមជើងធ្មេញ
– ហើម និងដុះលូតវែងនៅអញ្ចាញធ្មេញ
– កើតឡើងពងបែកក្នុងមាត់ជាញឹកញាប់។
អំឡុងពេលដែលមានសុវត្ថិភាពខ្ពស់ចំពោះអ្នកមានផ្ទៃពោះ គឺត្រីមាសទី២ (ខែទី៤ ទី៥ និងទី៦) អាចព្យាបាលធ្មេញបាន។ តែប្រសិនបើម៉ាក់ៗឈឺធ្មេញនៅក្នុងត្រីមាសទី១ ឬទី៣ ត្រូវប្រឹក្សាជាមួយទន្តបណ្ឌិតជំនាញ ដើម្បីរកវិធីសាស្ត្រជួយបំបាត់ការឈឺចាប់ ហើយក្នុងករណីរលាកស្រួចស្រាវត្រូវព្យាបាលបន្ទាន់ដូចជា ការករខ្ទុះពីធ្មេញនាំឲ្យហើមមុខមាត់ ត្រូវមានការពិគ្រោះជាមួយគ្រូពេទ្យផ្នែកសម្ភព និងសហការជាមួយទន្តបណ្ឌិតយ៉ាងជិតស្និទ្ធ ដើម្បីរកវិធីដោះស្រាយ យ៉ាងមានសុវត្ថិភាព។ ចំណែកប្រការគួរចៀសវាងវិញ គឺមិនត្រូវទិញ និងលេបថ្នាំដោយខ្លួនឯង គ្មានវេជ្ជបញ្ជាឡើយ។
អត្ថបទពាក់ព័ន្ធ៖
- ជំងឺរាក់ស៊ីធ្មេញ អំពល់ទុក្ខប៉ុណ្ណា?
- ធ្វើធ្មេញពេលពពោះ ប៉ះពាល់ដល់កូនអត់?
- ទម្លាប់អាក្រក់ ១៥នេះ បំផ្លាញធ្មេញមិនដឹងខ្លួន
- ៤ចំណុច ពេទ្យហាមដាច់ខាតចំពោះស្ត្រីមានផ្ទៃពោះ
- របៀបទប់ទល់ និងកម្ចាត់ ជំងឺមាត់ធ្មេញឧស្សាហ៍កើត ៥ប្រភេទ
- អ្នកស្ថិតក្នុងវ័យនេះ គួរស្វែងយល់ពីជំងឺរលាកសាច់អញ្ចាញគ្របធ្មេញ
- បើមានក្លិនមាត់កុំគិតថាមិនអី អាចប្រាប់ពីជំងឺសាហាវសម្ងំក្នុងខ្លួន
- កុំសង្ស័យច្រើនទៀត បញ្ហាអាចកើតឡើង ក្រោយព្យាបាលធ្មេញគួរដឹង
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
