និយាយដល់រឿងមានកូន ប្តីប្រពន្ធខ្លះ ស្តាប់ទៅច្បាស់ជាមានអារម្មណ៍កំសត់បន្តិចហើយ ព្រោះរៀបការច្រើនឆ្នាំហើយនៅតែមិនទាន់មានកូននឹងគេទៀត។ អារម្មណ៍នេះ ‘ Hello គ្រូពេទ្យ’ យល់ហើយ អ៊ីចឹងបានខំរើសយកអត្ថបទនេះ មកណែនាំគ្នាយើងឲ្យបានដឹងខ្លះ បើចង់បានកូន ត្រូវរៀបចំខ្លួន និងត្រៀមអ្វីខ្លះ តមអីខ្លះ?
ស្វាមីភរិយាចង់បានកូន គួរដឹង និងត្រូវត្រៀមអ្វីខ្លះ?
ត្រួតពិនិត្យដោយ ទូច សុខា
១- ត្រៀមឲ្យបានរួចរាល់ដើម្បីមានផ្ទៃពោះ
ជារៀងរាល់ខែ យ៉ាងហោចណាស់ មានម្នាក់ក្នុងចំណោមស្រីៗ ៣នាក់ មានផ្ទៃពោះ ដូច្នេះត្រូវត្រៀមខ្លួនឲ្យបានរួចរាល់។ សុខភាពយើងមុនពេលពពោះ ជាគ្រឹះក្នុងការរៀបចំសុខភាពកូនយើងល្អយូរអង្វែង ហើយដើម្បីទទួលបានសុខភាពល្អ ស្រីៗគ្នាយើងគួរអនុវត្តតាមការណែនាំខាងក្រោមនេះ តាមតែអាចធ្វើបាន។
- ថែទាំ និងការពារ ការលូតលាស់ និងសុខភាពកូនយើងសម្រាប់ថ្ងៃអនាគត
- ពង្រឹងសុខភាពបង្កកំណើតយើងឲ្យបានល្អ
នៅពេលណាមួយ យើងចាប់ផ្ដើមព្យាយាមយកកូន (ឈប់ពន្យារកំណើត) នៅអំឡុងពេល ២-៣ សប្តាហ៍ដំបូង គ្នាយើងមិនអាចដឹងថា យើងមានផ្ទៃពោះ ឬគ្មាននោះទេ។ ហេតុនេះ រៀបចំសុខភាពយើងឲ្យបានល្អជាមុន អាចធ្វើឲ្យអារម្មណ៍យើងកាន់តែមានទំនុកចិត្ត និងវិជ្ជមាន ពេលធ្វើតេស្តដឹងថាមានផ្ទៃពោះ។ ចុះគ្នាយើងត្រៀមខ្លួនយកកូនឬនៅ? បើត្រៀមរួចរាល់ហើយ អាចព្យាយាមតាមការណែនាំខាងក្រោម៖
– រឿងមិនគួរធ្វើ៖ ទម្លាប់មិនល្អជាច្រើនក្នុងជីវិតប្រចាំថ្ងៃយើង សុទ្ធតែអាចប៉ះពាល់ដល់ការបង្កកំណើត និងសុខភាពគភ៌ក្នុងផ្ទៃ ដូចជា ជក់បារី ផឹកគ្រឿងស្រវឹង និងថ្នាំញៀនផ្សេងៗ។
– រឿងត្រូវធ្វើ៖ ទម្លាប់រស់នៅល្អៗមួយចំនួន សុទ្ធតែអាចជួយយើងឲ្យឆាប់មានកូន និងអាចថែរក្សាសុខភាពគភ៌អំឡុងពេលពពោះ បានយ៉ាងល្អ ដូចជា៖
- ចាប់ផ្តើមញ៉ាំអាស៊ីដហ្វូលីក ព្រោះអាស៊ីដខ្លាញ់ល្អប្រភេទនេះ រាងកាយយើងត្រូវការជាចាំបាច់។
- រៀបចំរបបអាហារមានសុខភាពល្អ ព្រោះមិនត្រឹមតែជួយដល់ការបង្កកំណើតយើងប៉ុណ្ណោះទេ ថែមទាំងអាចជួយឲ្យអូនៗក្នុងផ្ទៃកើតមកមានសុខភាពល្អទៀតផង។
- កាត់បន្ថយជាតិកាហ្វអ៊ីន បើយើងជាមនុស្សញៀនកាហ្វេ (ផឹកច្រើនជាង ២០០ មិល្លីក្រាម/ថ្ងៃ)។
- បើលើសទម្ងន់ គឺរក្សាទម្ងន់ខ្លួនយើងមិនក្បែរកម្រិតសុខភាពល្អ។ (របៀបគណនាទម្ងន់)
- ត្រូវសកម្ម ដូចជាហាត់ប្រាណ ព្រោះសុទ្ធតែអាចជួយពង្រឹងសុខភាពបន្តពូជ និងជួយទាំងម៉ាក់ ក៏ដូចជាបេប៊ីមានសុខភាពល្អអំឡុងពេលពពោះ។
- បើឆ្នាំមុន នៅមិនទាន់បានពិនិត្យសុខភាពមាត់ស្បូនទេនោះ គួរតែពិនិត្យឲ្យហើយ។
- ត្រូវប្រាកដថា យើងបានចាក់វ៉ាក់សាំងការពារជំងឺកញ្ជ្រិល ស្រឡទែន ស្អូចរួចរាល់ ព្រោះជំងឺស្អូច អាចបង្កផលវិបាកដល់ការលូតលាស់របស់គភ៌ក្នុងផ្ទៃ។
- គួរធ្វើតេស្តរកមើលជំងឺកាមរោគ បើសង្ស័យថាខ្លួនយើងមានឆ្លងជំងឺនេះ។
២- តាមដានវដ្តរដូវឲ្យបានខ្ជាប់ខ្ជួន
ស្រីៗមួយចំនួន សុទ្ធតែដឹងពីថ្ងៃដែលត្រូវមករដូវ ប៉ុន្តែក៏មានខ្លះទៀត នឹងមិនអាចដឹងច្បាស់ទេ បើប្រើថ្នាំពន្យារកំណើតអស់រយៈពេលច្រើនឆ្នាំនោះ។
ត្រូវចេះកត់ចំណាំថ្ងៃមករដូវដំបូង រហូតដល់ថ្ងៃមកម្តងទៀត។ ធ្វើបែបនេះ យើងអាចដឹងច្បាស់ពីចំនួនថ្ងៃយើងមករដូវ ក៏អាចដឹងច្បាស់ថាថ្ងៃណា ពងមេជីវិតញី ទុំជ្រុះដូចគ្នា ដែលជាឱកាសល្អបំផុតសម្រាប់បង្កកំណើត។ យើងអាចស្វែងយល់ពីវដ្តរដូវយើង តាមវិធីសាស្ត្រខាងក្រោម៖
– ប្រើបច្ចេកវិទ្យាជាជំនួយ៖ មានកម្មវិធីទូរសព្ទជាច្រើន អាចជួយយើងតាមដានវដ្តរដូវ និងថ្ងៃពងមេជីវិតញីទុំជ្រុះ។
– ទុកពេលវេលាឲ្យរាងកាយយើងសម្របខ្លួ៖ បើសិនជាយើងឈប់ប្រើថ្នាំពន្យារកំណើត (ថ្នាំគ្រាប់) រដូវយើង ប្រហែលជាមកតិចខុសធម្មតា នៅអំឡុង ២-៣ ខែដំបូង ព្រោះជាអំឡុងពេលរាងកាយយើងកំពុងកែសម្រួលកម្រិតអ័រម៉ូនឡើងវិញ។
អត្ថបទពាក់ព័ន្ធ៖
- ៤ចំណុច ពេទ្យហាមដាច់ខាតចំពោះស្ត្រីមានផ្ទៃពោះ
- មានផ្ទៃពោះគួរថែខ្លួនបែបណា ដើម្បីគេចផុតពីវីរុសកូរ៉ូណាថ្មី?
- រួមភេទពេលមានផ្ទៃពោះ អាចជាមូលហេតុធ្វើឲ្យរលូតកូនអត់?
៣- កុំឈប់ប្រើប្រាស់ថ្នាំពេទ្យ បើមិនមានការណែនាំពីគ្រូពេទ្យ
បើយើងមានប្រើថ្នាំជាប្រចាំដើម្បីព្យាបាលជំងឺណាមួយ ឬស្ថានភាពសុខភាពណាមួយ គួរពិភាក្សាជាមួយគ្រូពេទ្យយើងជាមុន ឬអ្នកជំនាញឲ្យបានត្រឹមត្រូវ មុននឹងចាប់ផ្តើមសម្រេចចិត្តយកកូន។ កុំឈប់លេបថ្នាំដោយខ្លួនឯង ព្រោះរោគសញ្ញាជំងឺយើង អាចនឹងត្រលប់មកវិញ ហើយធ្ងន់ធ្ងរជាងមុនទៀត។ បើមានចម្ងល់ណាមួយ សូមពិភាក្សាជាមួយពេទ្យ ពេទ្យអាចមានវិធីព្យាបាលយើងដោយសុវត្ថិភាពអំឡុងពេលពពោះ។
៤- កុំធ្វើឲ្យរាងការហត់នឿយពេក
ព្យាយាមយកកូន អាចនាំឲ្យរាងកាយយើងហត់នឿយខ្លាំង អាស្រ័យលើហេតុផលជាច្រើន។ រក្សាសុខភាពផ្លូវចិត្តយើងឲ្យបានល្អ គឺជារឿងសំខាន់បំផុត ទាំងមុនពេលពពោះ និងអំឡុងពេលពពោះ។
អត្ថបទពាក់ព័ន្ធ៖
- ហេតុផលសំខាន់ៗ ស្រីៗគួរញ៉ាំថ្នាំវីតាមីន មុនពេលមានផ្ទៃពោះ
- ប្រើថ្នាំព្យាបាលមុន ពេលកំពុងមានផ្ទៃពោះ អាចប៉ះពាល់ដល់កូនអត់?
៥- ត្រូវដឹង! ពេលណាគួររកជំនួយដើម្បីជួយផែនការពពោះទទួលបានជោគជ័យ
បើយើងរួមភេទទាំងមិនបានការពាររយៈពេលពេញមួយឆ្នាំហើយ នៅតែគ្មានបេប៊ីទៀត (២-៣ ដង/សប្តាហ៍) អាចទៅជួយពេទ្យ។ បើយើងមានបញ្ហាសុខភាពណាមួយ ពិសេសដុះសាច់ក្នុងស្បូន ឬលក្ខខណ្ឌជំងឺ Polycystic Ovary Syndrome (PCOS) ដែលកើតឡើងដោយសារតែនៅក្នុងរាងកាយមានវិសមភាពនៃអ័រម៉ូនភេទ មានវ័យ ៣៦ឆ្នាំ ឬច្រើនជាងនេះ គួរពិភាក្សាជាមួយពេទ្យ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម