ទឹកភ្លោះមានតួនាទីការពារកូនក្នុងផ្ទៃពីការប៉ះទង្គិចពីខាងក្រៅ ការពារកូនពីការឆ្លងមេរោគ ឬបាក់តេរី និងតួនាទីសំខាន់ៗផ្សេងៗទៀត។ តាមក្បួនវេជ្ជសាស្ត្រស្ត្រីពពោះមានទឹកភ្លោះតិចពេក ឬច្រើនពេក ជាសញ្ញាបញ្ជាក់មានបញ្ហាអ្វីមួយ ម៉ាក់ៗត្រូវប្រញាប់ទៅជួបពេទ្យ។
មាតិកា
ម៉ាក់ៗប្រយ័ត្ន ទឹកភ្លោះច្រើន អាចមកពីមូលហេតុសំខាន់ ៣ យ៉ាងនេះ!
ចំពោះមូលហេតុដែលធ្វើឲ្យស្ត្រីពពោះមានទឹកភ្លោះច្រើនខុសធម្មតានោះ លោកស្រីវេជ្ជបណ្ឌិត ស៊ន់ សុជាតា អនុប្រធានផ្នែកក្តាប់រួមផ្នែកសម្ភព នៃមន្ទីរពេទ្យកុមារជាតិ បានពន្យល់ថា មាន ៣ សំខាន់។ ទី១ អាចមកពីម្តាយមានជំងឺទឹកនោមផ្អែមអំឡុងពពោះ ទី២ អាចមកពីទារកលូតលាស់មិនប្រក្រតី (មានបញ្ហាតម្រងនោម បញ្ចេញទឹកនោមច្រើន) និងទី៣ អាចមកពីស្ត្រីពពោះកូនភ្លោះ។ ក្រៅពីកត្តាសំខាន់ទាំង៣ ខាងលើនេះ ក៏អាចមានមូលហេតុបន្ទាប់បន្សំទៀត ដូចជា ម្តាយមានជំងឺឈាមមួយចំនួន ( មានភាពមិនស៊ីគ្នារវាងឈាមម៉ាក់ៗ និងទារក)។
គេដឹងថា ស្ត្រីពពោះមានទឹកភ្លោះតិច ឬច្រើនលើសកម្រិត ដោយការពិនិត្យអេកូដោយគ្រូពេទ្យជំនាញ។ លោកស្រីវេជ្ជបណ្ឌិតបានផ្តល់យោបល់ថា ស្រីៗគ្នាយើងកំពុងពពោះ និងមានទឹកភ្លោះច្រើន គ្រូពេទ្យនឹងធ្វើការត្រួតពិនិត្យយ៉ាងយកចិត្តទុកដាក់ ដោយព្យាបាល គឺមានភាពខុសគ្នា អាស្រ័យលើមូលហេតុ និងកម្រិតធ្ងន់ធ្ងរនៃបញ្ហា។
អត្ថបទគួរអាន៖
- គួរដឹង! ជំងឺឆ្លងពីលាមកឆ្មាអាចបណ្តាលឱ្យកូនក្នុងផ្ទៃគ្រោះថ្នាក់ ឬពិការ
- ទាំងនេះ ជាមូលហេតុធ្វើឲ្យទងសុករុំកទារកក្នុងផ្ទៃ
- វិធីសាស្រ្តកាត់បន្ថយការឈឺចាប់ឆ្អឹងថ្ងាសត្រគាកនៅត្រីមាសទី ៣ នៃការពពោះ
- ធ្លាប់ដឹងអត់ ស្រីៗពពោះមួយចំនួនអាចប្រឈមជំងឺខ្លាញ់រុំថ្លើម?
- វិធីសាស្រ្តមួយចំនួន ជួយកាត់បន្ថយការប៉ោងសរសៃជើងពេលពពោះ
- ធ្លាប់មានកូនក្រៅស្បូន អាចពពោះលើកក្រោយបានអត់?
ទឹកភ្លោះច្រើន កម្រិតស្រាល មានរោគសញ្ញាតិចតួច ឬគ្មានរោគសញ្ញាអ្វីទាំងអស់ ខណៈពេលទឹកភ្លោះច្រើនធ្ងន់ធ្ងរ អាចបណ្តាលឲ្យមានរោគសញ្ញាមួយចំនួន ដូចជា៖
– ពិបាកដកដង្ហើម ជួនកាលស្រីៗមានបញ្ហានេះ មិនអាចដកដង្ហើមបាន លុះត្រាតែក្រោកឈរ។
– ហើមជើង ហើមពោះ
– ការផលិតទឹកនោមថយចុះ និងរោគសញ្ញាផ្សេងទៀតមាន ស្បូនរីកធំ ហើយពិបាកដឹង ឬឮចង្វាក់បេះដូងទារក។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Polyhydramnios (too much amniotic fluid)
https://www.nhs.uk/conditions/polyhydramnios/
Polyhydramnios
https://my.clevelandclinic.org/health/diseases/17852-polyhydramnios
Polyhydramnios
https://www.marchofdimes.org/complications/polyhydramnios.aspx
កំណែប្រែបច្ចុប្បន្ន
18/08/2022
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម