ចម្អិនម្ហូបអាហារម្តងៗ យើងតែងប្រើគ្រឿងផ្សំជាច្រើនមុខ ដើម្បីបន្ថែមរសជាតិអាហារឲ្យកាន់តែឆ្ងាញ់ ក្នុងនោះមានគ្រឿងផ្សំ ៣ មុខ ដែលគេប្រើញឹកញាប់ជាងគេ គឺ អំបិល ស្ករ និងប៊ីចេង។ ចំពោះគ្រឿងផ្សំទាំង៣នេះ អ្នកជំនាញអះអាងថា បើយើងប្រើច្រើនពេកប៉ះពាល់ចំពោះសុខភាពខ្លាំងណាស់។
និយមប្រើគ្រឿងផ្សំ ៣ មុខនេះច្រើនក្នុងអាហារ ប្រៀបបាននឹងយកជំងឺដាក់ខ្លួន
១. អំបិល
អំបិលជាគ្រឿងផ្សំដ៏ពេញនិយម ដែលសឹងគ្រប់មុខម្ហូបមិនអាចខ្វះអំបិលបានឡើយទោះតិច ឬច្រើ។ តែទោះយ៉ាងណាយើងម្នាក់ៗត្រូវកំណត់បរិមាណវាតិចជាង ៥ ក្រាម/ថ្ងៃ (១ស្លាបព្រាកាហ្វេ) ប៉ុណ្ណោះ ទើបមិនមានផលប៉ះពាល់ចំពោះសុខភាព បើតាមអង្គការសុខភាពពិភពលោក។ ញ៉ាំប្រៃជាមូលហេតុឈានទៅមានជំងឺលើសសម្ពាធឈាម គ្រោះថ្នាក់សរសៃឈាមខួរក្បាល ជំងឺបេះដូង មហារីកក្រពះ- ពោះវៀន ក្រួសតម្រងនោម និងជំងឺជាច្រើនទៀត។
២. ស្ករ
អង្គការសុខភាពពិភពលោកណែនាំឱ្យមនុស្សពេញវ័យញ៉ាំជាតិស្ករសរុបតិចជាង ១០% ក្នុងចំណីអាហារសរុបប្រចាំថ្ងៃ ឯកុមារវិញតិចជាង ៥%។ “ស្ករ” ជាសារធាតុបន្ថែមក្នុងចំណីអាហារ ជួយឲ្យមានរសជាតិផ្អែម ឆ្ងាញ់ ទាក់ទាញ និងចង់ញ៉ាំ។ យ៉ាងណា បើយើងញ៉ាំជាតិស្ករច្រើនពេក នាំឲ្យមានបញ្ហាគ្រោះថ្នាក់ចំពោះសុខភាព ពិសេសទៅជាធាត់លើសទម្ងន់ ប្រឈមនឹងកើតជំងឺសរសៃឈាមបេះដូង លើសសម្ពាធឈាម ទឹកនោមផ្អែម ជំងឺបេះដូងជាដើម។
អត្ថបទពាក់ព័ន្ធ៖
- ក្រៅពីជំងឺទឹកនោមផ្អែមទេ ជំងឺបេះដូង ក៏បង្កឡើងដោយសារជាតិស្ករដែរ!
- ស្វែងយល់ពីប្រភេទស្ករ និងវិធីប្រើប្រាស់ត្រឹមត្រូវ ចំមុខម្ហូប
- កូនតូចៗចូលចិត្តញ៉ាំចំណីចំណុកផ្អែមៗ ប្រឈមបញ្ហាសុខភាពច្រើនយ៉ាង
- មើលឲ្យហើយអ្នកចូលចិត្តញ៉ាំប្រៃ អាចមានគ្រោះថ្នាក់ធំពីរយ៉ាង
- ថៃរៀបចំពន្ធថ្មីលើអាហារកែច្នៃ អាហារកាន់តែប្រៃពន្ធកាន់តែខ្ពស់ ដោយសារ…
៣. ប៊ីចេង
ប៊ីចេងជាម៉ូលេគុលគីមី ប្រើជាគ្រឿងបន្ថែមរសជាតិ និងរក្សាគុណភាពអាហារ។ ជាយូរមកហើយ យើងតែងឮពាក្យចចាមអារ៉ាមលើកឡើងថា ញ៉ាំប៊ីចេងធ្វើឲ្យពុកឆ្អឹង
ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អត្ថបទដោយ ដេត ធន្នី · កែ 31/01/2025