ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ស៊ុតមិនត្រឹមតែជាអាហារដែលមានរសជាតិឆ្ងាញ់ តែប៉ុណ្ណោះទេ តែក៏ជាប្រភពអាហារដែលសម្បូរ ទៅដោយសារធាតុចិញ្ចឹម វីតាមីន និងប្រូតេអ៊ីនច្រើន ដែលជាតម្រូវការចាំបាច់សម្រាប់ការលូតលាស់រាងកាយ។ សារធាតុចិញ្ចឹមដ៏សម្បូរបែប ដែលបានលាក់ខ្លួនក្នុងនោះ ភាគច្រើនមាន ដូចជា វីតាមីនD និងB12 ក៏ដូចជាសារធាតុរ៉ែ អ៊ីយ៉ូតជាដើម។ លើសពីនោះទៅទៀត ស៊ុតក៏មានផ្ទុកមកជាមួយនូវ អាស៊ីតអាមីណូសំខាន់ៗផងដែរ។
គេហទំព័ត៌សុខភាព ប៊ីប៊ីស៊ី បានចុះផ្សាយថា ការធ្វើពិសោធន៍របស់ប្រជាជនចិនប្រមាណជាកន្លះលាននាក់ បានបង្ហាញថា ការញ៉ាំស៊ុត១ថ្ងៃ ១គ្រាប់ អាចកាត់បន្ថយហានិភ័យកើតជំងឺ ដាច់សរសៃឈាមខួក្បាល និងជំងឺបេះដូង ជាពិសេស ស៊ុតមាន់ តែម្ដង ព្រោះថា នៅក្នុងស៊ុតមាន់ទាំងមូលមានផ្ទុកនូវសារធាតុចិញ្ចឹមសំខាន់ពីរ គឺ សារធាតុ កូលីន(choline) និង បេតាអ៊ិន (betaine) ដែលមានតួនាទីយ៉ាងសំខាន់ ក្នុងដំណើរសម្រួលដល់បេះដូង និងខួរក្បាល។
អត្ថបទគួអាន៖
ស៊ុតក៏មានតួនាទីយ៉ាងសំខាន់ជំនួយដល់ សុខភាពភ្នែក។ ផ្នែកលឿងនៅក្នុងស៊ុតមានផ្ទុកទៅដោយ សារធាតុ ការូទីន (carotene)ជាច្រើន ជាពិសេសសារធាតុ lutein និង zeaxanthin ដែលមានសារៈសំខាន់ក្នុងការការពារពីជំងឺភ្នែកឡើងបាយ។ មិនត្រឹមតែប៉ុណ្ណោះ ស៊ុតក៏ជាប្រភពនៃវីតាមីន A ថែមទៀតផង។ ដូច្នេះ ស៊ុតនៅតែក្លាយជាអាហារដែលសម្បូរទៅដោយសារធាតុចិញ្ចឹមច្រើន គ្រប់គ្រាន់សម្រាប់តម្រូវការរាងកាយរបស់យើងប្រចាំថ្ងៃ។
ថ្វីត្បិតតែស៊ុតមានផ្ទុកទៅដោយសារធាតុចិញ្ចឹម និង ប្រូតេអ៊ិនខ្ពស់មែន ប៉ុន្ដែក៏បានរួមណែកជួយឲ្យយើងស្រកគីឡូផងដែរ។ តួយ៉ាងនៅពេលមានអារម្មណ៍ឃ្លាន យើងក៏អាចញ៉ាំស៊ុត ១ ទៅ ២គ្រាប់ជាអាហារសម្រន់ ដោយអាចជួយកាត់បន្ថយការញ៉ាំអាហារច្រើនលើសកម្រិត ជាពិសេសជួយកាត់បន្ថយបរិមាណកាឡូរី។ ដូច្នេះសម្រាប់អ្នកចង់សម្រកគីឡូ គួរកុំរំលងស៊ុតឲ្យសោះ ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
