ដោយសារតែអត្ថប្រយោជន៍ទាំងនេះ ផ្សិតគួរមាន​ក្នុងរបបអាហារ

ផ្សិតមិនត្រឹមតែជាប្រភេទអាហារមានរសជាតិឆ្ងាញ់ប៉ុណ្ណោះទេ ថែមទាំងមានគុណប្រយោជន៍ចំពោះសុខភាពច្រើនទៀតផង។ ផ្សិតមានសារធាតុចិញ្ចឹមសំខាន់ៗច្រើនដូចជា វីតាមីន B ចម្រុះ វីតាមីន D ទង់ដែង សេលីញ៉ូម ផូស្វ័រ ប៉ូតាស្យូម និង ជាតិសរសៃ។

ចង់គណនា BMR ចុចទីនេះ!

ចង់គណនា BMI ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

១.គ្រប់គ្រងទម្ងន់

ផ្សិតគ្មានជាតិខ្លាញ់ និង ជាតិស្ករ ប៉ុន្ដែមានសារធាតុចិញ្ចឹមច្រើន ក្នុងចំណុចនេះសម្រាប់អ្នកដែលមានលើសទម្ងន់ ឬធាត់ អាចសាកល្បងញ៉ាំជាប្រចាំបាន ដោយមិនភ័យខ្លាចការឡើងកម្រិតជាតិស្ករ និង ខ្លាញ់ធ្វើឲ្យកាន់តែធាត់នោះ​ទេ។ ម្យ៉ាងវិញទៀត សារធាតុសរសៃ គឺជាផ្នែកមួយជួយសម្រួលដល់​សុខភាពប្រព័ន្ធរំលាយអាហារ ឲ្យដំណើរការបានល្អ។

២.បញ្ចុះជាតិស្ករក្នុងឈាម

អ្នកដែលមានកម្រិតជាតិស្ករខ្ពស់ប្រឈមនឹងការកើតជំងឹទឹកនោមផ្អែម ឬអ្នកជំងឺទឹកនោមផ្អែមប្រភេទ២ អាចញ៉ាំ ផ្សិតបានដោយមិនបាច់ភ័យព្រួយនឹងការកើនឡើងកម្រិតជាតិស្ករនោះទេ ព្រោះអាហារមួយនេះគ្មានកម្រិតជាតិស្ករឡើយ។

៣.ពង្រឹងប្រព័ន្ធភាពស៊ាំ

សមាសធាតុសំខាន់ៗដែលមាននៅក្នុងរបបអាហារមួយប្រភេទនេះ អាចជួយពង្រឹងដល់ប្រព័ន្ធភាពស៊ាំបានល្អ ពិសេសជួយដល់ពពួកកោសិកាដូចជា កោសិកា Hematopoietic , Lymphocytes, Macrophages, Dendritic និង Dendritic ដែលជាក្រុមកោសិកាជួយប្រឆាំងនឹងពពួកបាក់តេរី និងមេរោគផ្សេងៗ​ដែល​អាច​ជ្រៀត​ចូល​ក្នុងរាងកាយ។

៤.ទប់ស្កាត់ការវិវត្ដជំងឺមហារីក

តាមការសិក្សាបានបង្ហាញថា ផ្សិតក៏មានសមត្ថភាពប្រឆាំងនឹងការវិវត្ដជំងឺមហារីកបាន ពិសេសប្រភេទមហារីកដែលកើតចេញពីការរលាកដោយអុកស៊ីតកម្ម និងការរលាករាំរ៉ៃ។ ចំពោះបុរសៗ ដែលប្រឈមនឹងការកកើតជំងឺមហារីកក្រពេញប្រូស្ដាត និង ស្ដ្រីប្រឈមនឹងការកើត ជំងឹមហារីកសុដន់ ក៏អាចជួយការពារបានមួយកម្រិត។

៥.ប្រឆាំងការភ្លេចភ្លាំង

ការញ៉ាំផ្សិតបានជាប្រចាំ អាចជួយការពារពីការរលាកផ្សេងៗ សំខាន់នោះគឺជួយខួរក្បាល ដែលប្រឈមការវិវត្ដទៅជាជំងឺភ្លេចភ្លាំងច្រើនទៅតាមវ័យ។ អាចនិយាយបានថា ផ្សិត​ជាប្រភេទរបបអាហារល្អ សម្រាប់មនុស្សចាស់ ដែលប្រឈមនឹងកត្ដាមួយនេះ។ តាមការសិក្សាក្នុងឆ្នាំ២០១៩ បានបង្ហាញថា អ្នកដែលបានញ៉ាំ ផ្សិតយ៉ាង​ហោច​ពីរដង ក្នុងមួយសប្ដាហ៍ មានអត្រានៃការចងចាំបានល្អ ជាងអ្នកមិនធ្លាប់បានញ៉ាំ។

[embed-health-tool-bmi]