ជំងឺរលាកសន្លាក់ គឺសំដៅដល់ការរលាកសន្លាក់ ចុករួយ (stiffness) និងឈឺចាប់នៅត្រង់សន្លាក់។ ជំងឺនេះ អាចកើតឡើងចំពោះមនុស្សគ្រប់វ័យ និងបណ្តាលមកពីកត្តាផ្សេងៗ ដែលរួមមានកត្តាអាយុ ហ្សែន ការរងរបួស ឬជំងឺវិបត្តិប្រព័ន្ធភាពសុាំ។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ជំងឺរលាកសន្លាក់ គឺសំដៅដល់ការរលាកសន្លាក់ ចុករួយ (stiffness) និងឈឺចាប់នៅត្រង់សន្លាក់។ ជំងឺនេះ អាចកើតឡើងចំពោះមនុស្សគ្រប់វ័យ និងបណ្តាលមកពីកត្តាផ្សេងៗ ដែលរួមមានកត្តាអាយុ ហ្សែន ការរងរបួស ឬជំងឺវិបត្តិប្រព័ន្ធភាពសុាំ។
ដូច្នេះហើយ ដើម្បីជួយគ្រប់គ្រងជំងឺរលាកសន្លាក់ ដោយកាត់បន្ថយការឈឺចាប់់ ការរលាក និងជួយឲ្យចលនាសន្លាក់ប្រសើរឡើង គ្នាយើងអាចជ្រើសរើសផ្លែឈើជាក់លាក់មួយចំនួន ដែលមានសមត្ថភាពពិសេសក្នុងការជួយដោះស្រាយបញ្ហាទាំងនេះ។
ផ្លែប៉ោមមិនត្រឹមតែមានរសជាតិផ្អែមឆ្ងាញ់ប៉ុណ្ណោះទេ ថែមទាំងផ្តល់អត្ថប្រយោជន៍សុខភាពយ៉ាងច្រើនផងដែរ។ ផ្លែប៉ោមសម្បូរទៅដោយសារធាតុQuercetin ដែលមានមុខងារប្រឆាំងនឹងការរលាកបានយ៉ាងមានប្រសិទ្ធភាព ដូច្នេះហើយគ្នាយើងគួរបញ្ចូលផ្លែឈើមួយមុខនេះទៅក្នុងរបបអាហារជាប្រចាំ។
ជាមួយគ្នានេះដែរ ផ្លែឈើរីអាចជួយគ្រប់គ្រងជំងឺរលាកសន្លាក់បានយ៉ាងល្អ ជាមួយនឹងសមាសធាតុផ្សំនៃAnthocyanins ជាសារធាតុប្រឆាំងនឹងការរលាក ព្រមទាំងអាចជួយកាត់បន្ថយការឈឺចាប់នៅក្នុងរាងកាយរបស់យើងថែមទៀតផង។ តាមការសិក្សាជាច្រើនបានបង្ហាញថា ការញ៉ាំផ្លែឈើរី ឬទឹកឈើរី អាចជួយកាត់បន្ថយការរលាក និងការឈឺចាប់ចំពោះអ្នកដែលមានជំងឺរលាកសន្លាក់។
ចង់គណនារង្វាស់ចង្វាក់បេះដូង ចុចទីនេះ!
ចងពិនិត្យជំងឺសរសៃឈាមបេះដូង ចុចទីនេះ!
ចំណែកម្នាស់ គឺផ្ទុកទៅដោយអង់ស៊ីមម្យ៉ាងឈ្មោះថា Bromelain ដែលជួយកាត់បន្ថយការផលិតសារធាតុរលាកក្នុងរាងកាយ និងរារាំងសកម្មភាពនៃកោសិការលាកមួយចំនួន។ ជាមួយនឹងការបញ្ចូលផ្លែម្នាស់ទៅក្នុងរបបអាហារ យើងអាចកាត់បន្ថយរោគសញ្ញានៃជំងឺរលាកសន្លាក់ ដូចជាឈឺសន្លាក់ និងហើមជាដើម។
ផ្លែក្រូចមិនត្រឹមតែផ្តល់អារម្មណ៍ស្រស់ស្រាយប៉ុណ្ណោះទេ តែក៏មានអត្ថប្រយោជន៍ក្នុងការគ្រប់គ្រងរោគសញ្ញានៃជំងឺរលាកសន្លាក់បានយ៉ាងល្អ។ ជាក់ស្តែង ពពួកវីតាមីនCដែលមាននៅក្នុងផ្លែក្រូច ដើរតួនាទីយ៉ាងសំខាន់ក្នុងការកាត់បន្ថយការរលាកសន្លាក់ និងការពារប្រឆាំងនឹងអុកស៊ីតកម្ម។ ដូច្នេះហើយ គ្នាយើងគួរញ៉ាំផ្លែក្រូច ឬទឹកក្រូចស្រស់ ដើម្បីជួយធ្វើឲ្យសុខភាពសន្លាក់កាន់តែប្រសើរឡើង។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕