ជំងឺរលាកសន្លាក់ គឺសំដៅដល់ការរលាកសន្លាក់ ចុករួយ (stiffness) និងឈឺចាប់នៅត្រង់សន្លាក់។ ជំងឺនេះ អាចកើតឡើងចំពោះមនុស្សគ្រប់វ័យ និងបណ្តាលមកពីកត្តាផ្សេងៗ ដែលរួមមានកត្តាអាយុ ហ្សែន ការរងរបួស ឬជំងឺវិបត្តិប្រព័ន្ធភាពសុាំ។
មាតិកា
ផ្លែឈើ៤មុខនេះ ជួយសម្រួលអាការៈឈឺសន្លាក់ និងរលាកយ៉ាងមានប្រសិទ្ធភាព!
ដូច្នេះហើយ ដើម្បីជួយគ្រប់គ្រងជំងឺរលាកសន្លាក់ ដោយកាត់បន្ថយការឈឺចាប់់ ការរលាក និងជួយឲ្យចលនាសន្លាក់ប្រសើរឡើង គ្នាយើងអាចជ្រើសរើសផ្លែឈើជាក់លាក់មួយចំនួន ដែលមានសមត្ថភាពពិសេសក្នុងការជួយដោះស្រាយបញ្ហាទាំងនេះ។
ផ្លែឈើទាំង៤ល្អបំផុតសម្រាប់ជំងឺរលាកសន្លាក់
១. ផ្លែប៉ោម
ផ្លែប៉ោមមិនត្រឹមតែមានរសជាតិផ្អែមឆ្ងាញ់ប៉ុណ្ណោះទេ ថែមទាំងផ្តល់អត្ថប្រយោជន៍សុខភាពយ៉ាងច្រើនផងដែរ។ ផ្លែប៉ោមសម្បូរទៅដោយសារធាតុQuercetin ដែលមានមុខងារប្រឆាំងនឹងការរលាកបានយ៉ាងមានប្រសិទ្ធភាព ដូច្នេះហើយគ្នាយើងគួរបញ្ចូលផ្លែឈើមួយមុខនេះទៅក្នុងរបបអាហារជាប្រចាំ។
២. ផ្លែឈើរី
ជាមួយគ្នានេះដែរ ផ្លែឈើរីអាចជួយគ្រប់គ្រងជំងឺរលាកសន្លាក់បានយ៉ាងល្អ ជាមួយនឹងសមាសធាតុផ្សំនៃAnthocyanins ជាសារធាតុប្រឆាំងនឹងការរលាក ព្រមទាំងអាចជួយកាត់បន្ថយការឈឺចាប់នៅក្នុងរាងកាយរបស់យើងថែមទៀតផង។ តាមការសិក្សាជាច្រើនបានបង្ហាញថា ការញ៉ាំផ្លែឈើរី ឬទឹកឈើរី អាចជួយកាត់បន្ថយការរលាក និងការឈឺចាប់ចំពោះអ្នកដែលមានជំងឺរលាកសន្លាក់។
ចងពិនិត្យជំងឺសរសៃឈាមបេះដូង ចុចទីនេះ!
៣. ផ្លែម្នាស់
ចំណែកម្នាស់ គឺផ្ទុកទៅដោយអង់ស៊ីមម្យ៉ាងឈ្មោះថា Bromelain ដែលជួយកាត់បន្ថយការផលិតសារធាតុរលាកក្នុងរាងកាយ និងរារាំងសកម្មភាពនៃកោសិការលាកមួយចំនួន។ ជាមួយនឹងការបញ្ចូលផ្លែម្នាស់ទៅក្នុងរបបអាហារ យើងអាចកាត់បន្ថយរោគសញ្ញានៃជំងឺរលាកសន្លាក់ ដូចជាឈឺសន្លាក់ និងហើមជាដើម។
៤. ផ្លែក្រូច
ផ្លែក្រូចមិនត្រឹមតែផ្តល់អារម្មណ៍ស្រស់ស្រាយប៉ុណ្ណោះទេ តែក៏មានអត្ថប្រយោជន៍ក្នុងការគ្រប់គ្រងរោគសញ្ញានៃជំងឺរលាកសន្លាក់បានយ៉ាងល្អ។ ជាក់ស្តែង ពពួកវីតាមីនCដែលមាននៅក្នុងផ្លែក្រូច ដើរតួនាទីយ៉ាងសំខាន់ក្នុងការកាត់បន្ថយការរលាកសន្លាក់ និងការពារប្រឆាំងនឹងអុកស៊ីតកម្ម។ ដូច្នេះហើយ គ្នាយើងគួរញ៉ាំផ្លែក្រូច ឬទឹកក្រូចស្រស់ ដើម្បីជួយធ្វើឲ្យសុខភាពសន្លាក់កាន់តែប្រសើរឡើង។
អត្ថបទគួរអាន៖
- នៅក្មេងសោះសក់ឡើងស្កូវ មកពីអ្វី? ការពារបែបណា?
- ជួបបញ្ហាសក់ឡើងប្រេង គួរពិចារណាលើអាហារប៉ុន្មានប្រភេទនេះ
- ទម្លាប់ចូលគេងទាំងសក់សើម អាចបង្កឲ្យមានបញ្ហាទាំង ៧ យ៉ាងនេះ
- ទម្លាប់សាមញ្ញទាំង៧នេះ អាចបណ្ដាលឲ្យសក់ជ្រុះខ្លាំងហើយស្ដើងទៅៗ
- ងាយៗ ជួយស្បែកក្បាលសុខភាពល្អ សក់កាន់តែវែងទាក់ទាញខ្លាំង
- វីតាមីនសំខាន់ចំនួន ៤ ល្អសម្រាប់សុខភាពសក់
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Best Fruits for Arthritis
https://www.arthritis.org/health-wellness/healthy-living/nutrition/healthy-eating/best-fruits-for-arthritis
Seven Foods to Help You Fight Arthritis
https://www.pennmedicine.org/updates/blogs/musculoskeletal-and-rheumatology/2018/may/seven-foods-to-help-you-fight-arthritis
10 Foods That Help Ease Your Arthritis Pain
https://health.clevelandclinic.org/top-10-foods-power-ease-arthritis-pain/
កំណែប្រែបច្ចុប្បន្ន
24/06/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម