ជារៀងរាល់ឆ្នាំ ខ្មែរយើងតែងប្រារព្ធព្រះរាជពិធីបុណ្យ អុំទូក បណ្តែតប្រទីប និងសំពះព្រះខែ អកអំបុក ដែលមានរយៈពេលចំនួន៣ថ្ងៃ គឺចាប់ពីថ្ងៃទី១៤កើត ១៥កើត ដល់ថ្ងៃ១រោច ខែកក្តិក ដោយឡែកចំពោះពិធីអកអំបុក សំពះព្រះខែវិញ គេប្រារព្ធឡើងនៅពាក់កណ្តាលអាធ្រាតថ្ងៃទី១៥កើត ខែកក្តិកប៉ុណ្ណោះ ដោយមានរៀបចំនូវរណ្តាប់សែនមួយចំនួនរួមមាន ចេក អំបុក ទឹកដូង និងផ្លែឈើផ្សេងៗ និងទៀន ធូប ផ្កាភ្លីជាដើម។ យ៉ាងណាមិញ តើយើងមានដឹងអត់ថា ចេក អំបុក និងទឹកដូង មានអត្ថប្រយោជន៍យ៉ាងណាខ្លះចំពោះសុខភាព?
គុណប្រយោជន៍នៃអំបុក
អំបុកជាអាហារដ៏មានសារៈសំខាន់ និងមិនអាចខ្វះបាននៅក្នុងពិធី «សំពះព្រះខែ និងអកអំបុក»។ ជាទូទៅ ខ្មែរយើងនិយមធ្វើអំបុកនៅពេលច្រូតស្រូវដើមដៃ និងជាស្រូវដំណើបថ្មី ឬជួនកាលក៏មានស្រូវខ្សាយខ្លះដែរ។ ជាដំបូង យើងត្រូវយកស្រូវស្រស់មកលីងក្នុងអំបែង ឬខ្ទះ រហូតដល់ស្រូវចាប់ផ្តើមផ្ទុះ ទើបចាក់ស្រូវទៅក្នុងត្បាល់ រួចធ្វើការដាល់។ នៅពេលដែលអំបុកពៀចសំប៉ែត និងខ្ទាត់សម្បកស្រូវចេញអស់ ទើបឈប់ ហើយបារដាក់ចង្អេរ ទើបយកទៅអុំបន្ត។ ពិតណាស់ ត្បិតថាការធ្វើអំបុកមិនងាយស្រួលប៉ុន្មានមែន ប៉ុន្តែអំបុកមានគុណប្រយោជន៍ច្រើនយ៉ាងដល់សុខភាពដែលគ្នាយើងមិនគួរមើលរំលង ដោយគុណប្រយោជន៍ទាំងនោះមានដូចជា៖
[embed-health-tool-bmi]
- ជួយរក្សាកម្រិតជាតិស្ករ
- ជួយប្រឆាំងនឹងជំងឺស្លេកស្លាំង
- ជួយរក្សាទម្ងន់បានល្អ
- ជួយពង្រឹងសមត្ថភាពខួរក្បាល។
ចុះចំណែកអត្ថប្រយោជន៍សុខភាពនៃទឹកដូងយ៉ាងម៉េចដែរ?
ទឹកដូងជាជម្រើសភេសជ្ជៈដែលសម្បូរទៅដោយសារធាតុចិញ្ចឹមល្អៗ និងមានអត្ថប្រយោជន៍ច្រើនដល់សុខភាពរបស់យើង រួមមាន៖
- ជួយពង្រឹងមុខងារសាច់ដុំ
- ជួយរក្សាជាតិទឹកក្នុងរាងកាយ
- ជួយឲ្យឆ្អឹងរឹងមាំ
- បញ្ចៀសបញ្ហាទល់លាមក
- ជួយបញ្ចុះសម្ពាធឈាម
- ជួយបញ្ចៀសក្រួសតម្រងនោម។
អត្ថបទគួរអាន៖
ចុះផ្លែចេកមានអត្ថប្រយោជន៍អ្វីខ្លះដល់សុខភាព?
ចំណែកផ្លែចេក ជាប្រភពនៃជាតិសរសៃ វីតាមីន និងសារជាតិរ៉ែសំខាន់ៗ ដែលរាងកាយមិនអាចខ្វះបាន ហើយបើយើងញ៉ាំផ្លែឈើមួយប្រភេទនេះជាទៀងទាត់ យើងនឹងទទួលបានគុណប្រយោជន៍សុខភាពនឹកស្មានមិនដល់ ដែលរួមមាន៖
- ជួយដល់ការរំលាយអាហារ
- ពង្រឹងប្រព័ន្ធភាពស៊ាំ
- ជួយបញ្ចុះសម្ពាធឈាម
- ជួយកាត់បន្ថយហានិភ័យនៃជំងឺកាចសាហាវមួយចំនួន ដូចជាជំងឺបេះដូង ជំងឺទឹកនោមផ្អែមប្រភេទ និងគ្រោះថ្នាក់សរសៃឈាមខួរក្បាលជាដើម។
ចំណុចសំខាន់
អំបុក
- ជួយរក្សាកម្រិតជាតិស្ករ
- ជួយប្រឆាំងនឹងជំងឺស្លេកស្លាំង
- ជួយរក្សាទម្ងន់បានល្អ
- ជួយពង្រឹងសមត្ថភាពខួរក្បាល។
- ជួយពង្រឹងមុខងារសាច់ដុំ
- ជួយរក្សាជាតិទឹកក្នុងរាងកាយ
- ជួយឲ្យឆ្អឹងរឹងមាំ
- បញ្ចៀសបញ្ហាទល់លាមក
- ជួយដល់ការរំលាយអាហារ
- ពង្រឹងប្រព័ន្ធភាពស៊ាំ
- ជួយបញ្ចុះសម្ពាធឈាម
- ជួយកាត់បន្ថយហានិភ័យនៃជំងឺកាចសាហាវមួយចំនួន ដូចជាជំងឺបេះដូង ជំងឺទឹកនោមផ្អែមប្រភេទ និងគ្រោះថ្នាក់សរសៃឈាមខួរក្បាលជាដើម។
