ការមានមុខមាត់មើលទៅស្រស់ស្អាត ក្មេងជាងវ័យគឺសំខាន់ណាស់សម្រាប់មនុស្សម្នាក់ៗ ហើយការមានសម្រស់ក្មេងជាងវ័យទាមទារឲ្យមានការថែទាំសុខភាពបានល្អ។ ប្រសិនបើយើងសង្កេតឃើញថា មុខចាប់ផ្តើមមើលទៅចាស់ជាងវ័យ វាអាចបណ្តាលមកពីការញ៉ាំអាហារប្រភេទអស់នេះច្រើនពេក។
១. អាហារជាតិផ្អែម
នៅពេលដែលញ៉ាំជាតិស្ករច្រើនជាងកោសិកាដែលមាននៅក្នុងខ្លួន វាអាចប៉ះពាល់ដល់ការផលិត Collagen របស់ស្បែក ជាហេតុដែលបណ្តាលឲ្យស្បែកមើលទៅមិនតឹងណែនល្អ។ មិនតែប៉ុណ្ណោះ ជាតិស្ករអាចបណ្តាលឲ្យពុកធ្មេញ និងធ្មេញប្រែពណ៌បាន ហើយក៏អាចបណ្តាលឲ្យកើតជំងឺធ្ងន់ធ្ងរដូចជា៖
– ជំងឺទឹកនោមផ្អែម
– បង្កើនហានិភ័យជំងឺបេះដូង
– ធ្វើឲ្យលើសទម្ងន់។
២. ភេសជ្ជៈមានជាតិអាល់កុល
បើនិយាយពីការផឹកស្រា ទាំងការផឹកស្រា ឬស្រាបៀរ ភាគច្រើនមិនដែលផ្តល់ផលល្អច្រើនដល់សុខភាពប៉ុន្មានទេ។ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានឲ្យដឹងថា ជាតិអាល់កុលមានផលប៉ះពាល់ច្រើនទៅលើការដំណើរការរបស់សរីរាង្គសំខាន់ៗមួយចំនួនដូចជា ថ្លើម ក្រពះ ខួរក្បាល។ល។ មិនតែប៉ុណ្ណោះ វាអាចធ្វើឲ្យយើងមើលទៅចាស់ច្រើនជាងអាយុ បើយើងផឹកភេសជ្ជៈមានជាតិអាល់កុលជាប្រចាំ ឬលើសកម្រិត។
អត្ថបទពាក់ព័ន្ធ៖
- នៅផ្ទះអំឡុងពេល COVID-19 កុំឲ្យទំនេរស្រីៗគួរធ្វើរឿងទាំងនេះ ដើម្បីសម្រស់
- របស់ ៥ យ៉ាងនេះគគ្រិច តែនៅជាប់លើខ្លួនមនុស្សយើង
៣.ភេសជ្ជៈមានជាតិកាហ្វេអ៊ីន
ជាតិកាហ្វេអ៊ីនជាសារធាតុបញ្ចុះនោមដែលអាចធ្វើឲ្យរាងកាយបញ្ចេញជាតិទឹកច្រើន និងខ្វះសំណើមក្នុងរាងកាយ ជាហេតុអាចធ្វើឲ្យស្បែកស្ងួត និងស្តើងបាន។ លើសពីនេះ វាអាចធ្វើឲ្យធ្មេញប្រែពណ៌ មើលទៅគ្មានភាពទាក់ទាញនៅពេលញញឹមចេញធ្មេញ។
៤. អាហារជាតិប្រៃខ្ពស់
ការញ៉ាំអាហារដែលមានអំបិលច្រើនអាចធ្វើឲ្យរាងកាយខ្សោះជាតិទឹក ហើយអាចបណ្តាលឲ្យស្បែកមើលទៅស្ងួត គ្មានសំណើម ហើយអាចបណ្តាលឲ្យមើលទៅចាស់ទៀតផង។ បើតាមការឲ្យដឹងពី អង្គការសុខភាពពិភពលោក (WHO) ការញ៉ាំអំបិល ឬជាតិប្រៃច្រើនអាចប្រឈមជំងឺលើសឈាម បង្កើនហានិភ័យនៃជំងឺបេះដូង និងជំងឺគ្រោះថ្នាក់សរសៃឈាមខួរក្បាល។
អត្ថបទពាក់ព័ន្ធ៖
- នៅផ្ទះយូរ ស្រីៗមិនត្រូវធ្វើរឿងប៉ុន្មាននេះទេ ប្រយ័ត្នបាក់សម្រស់!
- ប្រញាប់កែទម្លាប់អាក្រក់ទាំងនេះចេញ ប្រយ័ត្នមុខចាស់ជាងអាយុ
- គេងមិនគ្រប់គ្រាន់ អាចបណ្តាលឲ្យជ្រុះសក់រ៉ាំរ៉ៃ?
- អនុវត្តទម្លាប់ងាយៗទាំងនេះជួយសម្រកក្បាលពោះបានឆាប់រហ័ស
- ខែក្តៅរក្សាជាតិទឹកក្នុងខ្លួនគ្រប់គ្រាន់ជារឿងល្អ តែបើលើសអាចគ្រោះថ្នាក់ទៅវិញ
- តាមក្បួនពេទ្យ ទឹកត្រសក់មានប្រយោជន៍ដល់សុខភាពខ្លាំង
- មានបញ្ហាថ្លើម គួរញ៉ាំអាហារតាមនេះ បើមិនចង់ឲ្យថ្លើមកាន់តែខូច
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmr]
