និយាយពីថាគិតនោះគិតម្ង៉ៃៗ មិនដឹងរឿងអីខ្លះពេញក្បាល។ ដឹងថាមួយថ្ងៃ ២៤ ម៉ោង ខួរក្បាលយើងធ្វើការប៉ុន្មានម៉ោងអត់?ជាមធ្យម ខួរក្បាលយើងធ្វើការ ១៦ ម៉ោង រាប់បញ្ចូលទាំងពេលសម្រាកខ្លះៗ ប៉ុន្តែបើ ១៦ ម៉ោង ធ្វើការងារលើសកម្រិត ខួរក្បាលច្បាស់ជានឿយខ្លាំង ទាមទារប្រូតេអ៊ីនជំនួយ បើមិនអ៊ីចឹង កោសិកាខួរក្បាលអាចខូចខាត និងបាត់បង់ នាំឲ្យការគិត ការចងចាំចុះខ្សោយ។
បើស្រលាញ់ខួរក្បាល “Hello គ្រូពេទ្យ” ណែនាំសិន អាចជួយពង្រឹងសមត្ថភាពខួរក្បាលឡើងវិញ ព្រោះក្នុងអាហារទាំងនេះសម្បូរប្រូតេអ៊ីន សារធាតុចិញ្ចឹមសំខាន់ៗជាច្រើនដែល ខួរក្បាលត្រូវការ។
១- កាហ្វេអ៊ីន
កាហ្វេអ៊ីន ជាសារធាតុម្យ៉ាងមាននៅក្នុងកាហ្វេ សូកូឡា ឬក៏ភេសជ្ជៈប៉ូវកម្លាំង។ វាមានឥទ្ធិពលរយៈពេលខ្លី តែអាចជួយដាស់ខួរក្បាល ឲ្យផ្តោតអារម្មណ៍បានល្អ អំឡុងពេលធ្វើការ ឬរៀន។ ប៉ុន្តែ កុំផឹកច្រើនពេក ព្រោះអាចឲ្យមានអារម្មណ៍ថប់ៗ ភ័យ បេះដូចលោតញាប់ និងអារម្មណ៍មិនស្រួល។
២- ស្ករ
ស្ករ ជាប្រភពថាមពលសំខាន់ ជួយទ្រទ្រង់រាងកាយ អាចផ្តល់ថាមពលលឿន បង្កើនការចងចាំ និងជួយពង្រឹងស្មារតី។ ប៉ុន្តែចៀសវាងញុំាអាហារ ឬភេសជ្ជៈជាតិស្ករច្រើន អាចធ្វើឲ្យសុខភាពទ្រុឌទ្រោម ការចងចាំមិនសូវល្អ។
៣- ត្រី
ត្រីសម្បូរសារធាតុចិញ្ចឹម មានតួនាទីសំខាន់ទ្រទ្រង់សុខភាពខួរក្បាល។ អាស៊ីដខ្លាញ់អូមេហ្គា៣ អាចជួយផ្តោតអារម្មណ៍ធ្វើការកាន់តែប្រសើរ កាត់បន្ថយអត្រាកើតជំងឺភ្លេចភ្លាំង (Dementia) និងជំងឺខួរក្បាល។ វាជួយឲ្យខួរក្បាលយើងដំណើរការបានល្អ អ៊ីចឹងគួរញ៉ាំត្រីយ៉ាងតិចណាស់ ២ ដង ក្នុង១សប្តាហ៍ ពិសេសពេលវ័យកាន់តែចាស់។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
៤- គ្រាប់ធញ្ញជាតិ
ប្រភពថាមពលទ្រទ្រង់រាងកាយបានយូរ គឺគ្រាប់ធញ្ញជាតិ ព្រោះសម្បូរសារធាតុប្រឆាំងអុកស៊ីតកម្ម ដូចជា វីតាមីន E សារធាតុប្រេងសំខាន់ៗ និងអាមីណូអាស៊ីដ ដែលជួយពង្រឹងការចងចាំ និងដំណើរការខួរក្បាល។ គួរញ៉ាំគ្រាប់ធញ្ញជាតិ ២៨ក្រាម ក្នុងមួយថ្ងៃ។
៥- ផ្លែប្ល៊ូប៊ើរី (Blueberry)
អ្នកវិទ្យាសាស្រ្តថា ផ្លែ Blueberry អាចជួយឲ្យការចងចាំប្រសើរ កាត់បន្ថយជំងឺចាស់ជរា ភ្លេចភ្លាំង និងបញ្ហាសាច់ដុំ។ យើងផឹកទឹក Blueberry រាល់ថ្ងៃ ហើយ ២ ខែជាប់គ្នា នឹងមានសមត្ថភាពខួរក្បាលល្អជាងមុន រីឯបញ្ហាសន្លាក់សាច់ដុំក៏អន់ថយ។
៦- ផ្លែប៊ើរ
វីតាមីន K និង B9 ក្នុងផ្លែប៊ើរ អាចជួយកាត់បន្ថយ ជំងឺដាច់សរសៃឈាមខួរក្បាល ជំងឺបេះដូង បញ្ហាលើសកូលេស្តេរ៉ុល ធ្វើឲ្យលំហូរឈាម និងមុខងារខួរក្បាលដំណើរការល្អជាងមុន។ ទោះជាផ្លែប៊ើរមានសារធាតុខ្លាញ់ច្រើនក៏ដោយ ប៉ុន្តែមិនប៉ះពាល់ដល់សុខភាពទេ។ ផ្ទុយទៅវិញ វាអាចជួយកាត់បន្ថយបរិមាណជាតិស្ករក្នុងឈាម ធ្វើឲ្យស្បែកទន់រលោងភ្លឺថ្លា។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
៧- ស្រូវសាឡី
អាហារសម្បូរសារធាតុស្រូវសាឡី សម្រាប់អាហារពេលព្រឹក ល្អជាងញ៉ាំអាហារសម្បូរជាតិស្ករ (កាបូអ៊ីដ្រាត) ដូចជាបាយ។ អាហារពេលព្រឹកសម្បូរជាតិស្ករ អាចធ្វើឲ្យការចងចាំមិនល្អ ថែមទាំងងងុយគេង។ ផ្ទុយទៅវិញ ស្រូវសាឡីជួយឲ្យយើងចងចាំ និងផ្តោតអារម្មណ៍ធ្វើការបានល្អ និងផ្តល់ថាមពលពេញមួយថ្ងៃ។
មួយវិញទៀតចង់បង្កើនសមត្ថភាពចងចាំ ផ្តោតអារម្មណ៍រៀន ឬធ្វើការ ក្រៅពីព្យាយាមញ៉ាំអាហារសម្បូរជីវជាតិ យើងអាចសាកល្បងតិចនិកនេះ នឹងកាន់តែជួយពង្រឹងការចងចាំ ផ្តោតអារម្មណ៍លើអ្វីមួយល្អជាងមុន៖
– គេងឲ្យបានគ្រប់គ្រាន់
– ញ៉ាំទឹកឲ្យច្រើន
– ហាត់ប្រាណទៀងទាត់
– ញ៉ាំល្មមៗបានហើយ ព្រោះអាចជះឥទ្ធិពលដល់អារម្មណ៍ ព្រោះឆ្អែតពេក ធ្វើឲ្យងងុយគេង នាំឲ្យការផ្តោតអារម្មណ៍មិនបានល្អ។ ញ៉ាំតិចពេកអាចធ្វើឲ្យយើងឆាប់ឃ្លាន ប៉ះពាល់ការផ្តោតអារម្មណ៍ដូចគ្នា។
– ហាមតមអាហារពេលព្រឹក ព្រោះជាអាហារសំខាន់បំផុតលើការផ្តោតអារម្មណ៍ និងចងចាំ។ ទោះកាលៈទេសៈណាក៏ដោយ ព្យាយាមញ៉ាំអាហារពេលព្រឹករាល់ថ្ងៃ។
[embed-health-tool-bmr]
