ការរួមភេទ ផ្ដល់អត្ថប្រយោជន៍ច្រើនយ៉ាងដល់សុខភាព

ក្រៅពីបំពេញក្ដីសុខស្រណុកសុខស្រួលតាមអារម្មណ៍ធម្មជាតិរបស់មនុស្ស សិច ឬការរួមភេទ មានប្រយោជន៍ច្រើនទៀតដល់សុខភាពយើង។ ស្ដាប់ការបកស្រាយរបស់សមាគមសុខភាពផ្លូវភេទអាមេរិក ខាងក្រោម៖

១- អត្ថប្រយោជន៍ចំពោះរាងកាយ

ការស្រាវជ្រាវបង្ហាញថា “រួមភេទ” អាចចាត់ទុកជាលំហាត់ប្រាណល្អមួយសម្រាប់បេះដូង ជាពិសេសសម្រាប់ទាំងប្រុសៗ និងស្រីៗវ័យជំទង់។ វាជាលំហាត់ប្រាណស្រាលៗ មានអត្ថប្រយោជន៍ដល់រាងកាយ ដូចជា បន្ថយសម្ពាធឈាម ដុតកាឡូរី ជួយសុខភាពបេះដូង ពង្រឹងសាច់ដុំ កាត់បន្ថយហានិភ័យជំងឺបេះដូង និងបង្កើនចំណង់ផ្លួវភេទផងដែរ។ សម្រាប់គូស្នេហ៍មានជីវិតផ្លួវភេទសកម្មគ្រប់គ្រាន់ ច្រើនចូលចិត្តធ្វើលំហាត់ប្រាណ និងទម្លាប់មានរបបអាហារល្អ ជាងគូស្នេហ៍ពុំសូវសកម្មរឿងលើគ្រែ។

២- ពង្រឹងប្រព័ន្ធស៊ាំ

ការសិក្សាទាក់ទងនឹងប្រព័ន្ធស៊ាំរាងកាយមនុស្សជាមួយទំនាក់ទំនងផ្លូវភេទ បង្ហាញថា គូស្នេហ៍ឧស្សាហ៍ឡើងឋានសួគ៌ញឹកញាប់ (១-២ ដង/សប្តាហ៍) ជួយបង្កើនភាពស៊ាំម្យ៉ាង ជាភាសាបច្ចេកទេស lgA នៅក្នុងឈាម និងទឹកមាត់ ហើយភាពស៊ាំនេះជួយរាងកាយប្រឆាំងនឹងជំងឺផ្សេងៗ។

យ៉ាងណា ការសិក្សាបានបង្ហាញពីផលអវិជ្ជមានផងដែរ ក្នុងករណីរួមភេទលើសកម្រិត (លើសពី ៣ ដង/សប្តាហ៍) បង្កឲ្យគ្មានតុល្យភាព ពោលគឺលទ្ធផលពុំទទួលបានប្រយោជន៍ពីភាពស៊ាំក្នុងរាងកាយ ដូចទៅនឹងគូស្នេហ៍មិនសកម្មនឹងរឿងលើគ្រែដូចគ្នា។

៣- ជំនួយការគេងកាន់តែប្រសើរ

រាងកាយនឹងបញ្ចេញអ័រម៉ូនល្អ ដូចជា អុកស៊ីតូស៊ីន (អ័រម៉ូនក្តីស្រលាញ់) និងអង់ដូហ្វីន (អ័រម៉ូនរីករាយ) ជាដើម ជាពិសេសនៅពេលយើងរួមភេទបានសម្រេចដល់កំពូល។ ក្រោយពីនេះ រាងកាយនឹងត្រូវការសម្រាក ធ្វើឲ្យយើងគេងបានស្កប់ស្កល់។

ចង់គណនា BMI ចុចទីនេះ !

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

៤- កាត់បន្ថយអាការៈឈឺក្បាល

ការសិក្សាក៏បានបង្ហាញដែរថា សកម្មភាពសិចអាចកាត់បន្ថយអាការៈឈឺក្បាលបានមួយកម្រិតផងដែរ។

រួមភេទ

៥- អត្ថប្រយោជន៍សម្រាប់ប្រុសៗ

ការសិក្សាថ្មីមួយបានឲ្យដឹងថា ប្រុសៗមានជីវិតផ្លូវភេទញឹកញាប់ មានហានិភ័យវិវត្តជំងឺមហារីកប្រូស្រ្តាតតិចតួចប៉ុណ្ណោះ ជាពិសេសនៅមុនអាយុ ៧០ ឆ្នាំ។ ការសិក្សាដដែលបង្ហាញថា ប្រុសៗរួមភេទដល់ចំណុចកំពូលញឹកញាប់ (២ដង ឬច្រើនក្នុងមួយសប្តាហ៍) មានអត្រាហានិភ័យស្លាប់ទាបជាងប្រុសពុំសូវសកម្ម។

អត្ថបទគួរអាន៖

៦- អត្ថប្រយោជន៍សម្រាប់ស្រីៗ

ការដល់កំពូលសម្រាប់ស្រីៗ ជួយឲ្យដំណើរឈាមរត់បានល្អ ព្រមទាំងជួយជំរុញរាងកាយបញ្ចេញសារធាតុបន្ថយការឈឺចាប់។ សម្រាប់ស្រីៗ មានជីវិតផ្លូវភេទល្អជាមួយដៃគូ នឹងមានអត្ថប្រយោជន៍ជាច្រើន ដូចជា ជំរុញរាងកាយឲ្យគ្រប់គ្រងប្រព័ន្ធបត់ជើងតូចបានល្អ កាត់បន្ថយការឈឺចាប់ពេលមករដូវ ជួយពង្រឹងសាច់ដុំត្រគាក ជំរុញអត្រាមានបង្កកំណើតកាន់តែខ្ពស់។

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ មាន រតនា · កែ 02/06/2022

ការ​រួមភេទ ផ្ដល់អត្ថប្រយោជន៍ច្រើនយ៉ាងដល់សុខភាព

១- អត្ថប្រយោជន៍​ចំពោះ​រាង​កាយ​

២- ពង្រឹង​ប្រព័ន្ធ​ស៊ាំ​

៣- ជំនួយ​ការគេង​កាន់​តែ​ប្រសើរ

៤- កាត់​បន្ថយ​​អាការៈ​ឈឺ​ក្បាល​

៥- ​​​​​​​អត្ថប្រយោជន៍​សម្រាប់ប្រុសៗ

៦- អត្ថប្រយោជន៍​សម្រាប់​ស្រីៗ