ការហើយច្រើនឆ្នាំ តែនៅតែអត់កូនមួយប្រើហ្នឹងគេ ប្រាកដជាចង់ដឹងថាតើមកពីខាងប្រុស ឬស្រី។ អារអត់កូន គឺអសមត្ថភាពមានកូន អំឡុងពេលកំណត់មួយ ចាប់ពី ៦ ទៅ ១២ ខែ ទោះបីរួមភេទញឹកញាប់យ៉ាងណាក៏ដោយ។ រោគសញ្ញាជំងឺអារអត់កូន អាចលាយឡំនឹងរោគសញ្ញាផ្សេងៗ បូករួមទាំងកត្តាជាច្រើនទៀត ដូចជា អាយុ ជាដើម។

ដើម្បីច្បាស់លាស់ ១០០% បាន ទាល់តែទៅពិនិត្យនៅពេទ្យជំនាញ។ យ៉ាងណាក៏ដោយ ខាងក្រោមនេះ អាចជាការបញ្ជាក់ពីបញ្ហាអាររបស់បុរស៖

១- រោគសញ្ញាអាចជួបប្រទះ

ចំពោះបុរស ហាក់ពិបាកកំណត់រោគសញ្ញាណាស់ ព្រោះថាត្រូវប្រើពេលច្រើនឆ្នាំ ទើបកំណត់បានថា អសមត្ថភាពមែន។ មានកត្តា និងរោគសញ្ញា ដូចជា៖

– ដុះរោមខុសធម្មតា

– គ្មានចំណង់ផ្លូវភេទ

– ឈឺចាប់ មានដុំ ឬហើមពងស្វាស

– លិង្គមិនឡើងរឹង ឬមិនចេញទឹកកាម

– ពងស្វាស តូចខុសធម្មតា។

ចង់គណនា BMR ចុចទីនេះ !

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

ពងស្វាស

២- ស្វែងរកជំនួយពេលណា?

បើអាយុលើស ៣៥ ឆ្នាំ គួរនាំដៃគូទៅពិគ្រោះជាមួយពេទ្យជំនាញទាំងពីរនាក់ បើនៅតែគ្មានកូនទៀតចាប់ពី ៦ ខែឡើងទៅ។ ពេទ្យនឹងធ្វើរោគវិនិច្ឆ័យ ដោយធ្វើតេស្ត ដូចជា តេស្តទឹកនោម តេស្តឈាម ថតរូបភាពវេជ្ជសាស្ត្រ ព្រមទាំងពិនិត្យទឹកកាមរបស់បុរស ដើម្បីដឹងពីសុខភាពបន្តពូជ។

អត្ថបទគួរអាន៖

អ្នកជំងឺអាចត្រូវការជំនួយពីពេទ្យឯកទេសជំងឺក្រពេញ។ ដើម្បីធ្វើរោគវិនិច្ឆ័យត្រឹមត្រូវ គួរព្រាងទុកចំណុចមួយចំនួន មុននឹងជួបពេទ្យ ដូចជា៖

– បើកំពុងប្រើថ្នាំ ឬផលិតផលណាមួយនោះ គួរគប្បីយកទៅជាមួយ

– កត់កាលបរិច្ឆេទ និងរយៈពេលប្រឹងយកកូនដោយមិនជោគជ័យ

– រកមើលបម្រែបម្រួលផ្នែករាងកាយណាមួយ ឬរោគសញ្ញាផ្សេងៗដែលអាចទាក់ទង

– បើធ្លាប់មានវះកាត់នៅម្ដុំប្រដាប់បន្តពូជ គួរប្រាប់គ្រូពេទ្យផង

– ប្រាប់គ្រូពេទ្យ បើធ្លាប់ព្យាបាលដោយគីមី ឬកាំរស្មីពីមុនមក

– បញ្ជាក់ឲ្យច្បាស់ពីការផឹកស្រា ជក់បារី ឬប្រើសារធាតុអ្វីមួយដល់គ្រូពេទ្យ

លក្ខខណ្ឌប៉ុន្មានយ៉ាងនេះ បញ្ជាក់ថាប្រុសៗប្រឈមបញ្ហាអត់កូន

១- រោគសញ្ញាអាចជួបប្រទះ

២- ស្វែងរកជំនួយពេលណា?