home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ប្រុសៗ! រឿងចំណង់ផ្លូវភេទថយចុះ ទាំងនេះជាមូលហេតុ

ប្រុសៗ! រឿងចំណង់ផ្លូវភេទថយចុះ ទាំងនេះជាមូលហេតុ

ចំណង់ផ្លូវភេទកើតមកពីកត្តាជីវសាស្ត្រ កត្តាផ្ទាល់ខ្លួន និងទំនាក់ទំនង វាជាផ្នែកមួយនាំឲ្យជីវិតរស់នៅប្រចាំថ្ងៃ ពោរពេញដោយផាសុកភាព និងបទពិសោធ ប៉ុន្តែប្រុសៗគ្នាយើងខ្លះបាត់បង់ ឬថយចុះចំណង់ផ្លូវភេទ ដោយមិនដឹងមូលហេតុ នាំឲ្យប៉ះពាល់ដល់ការរស់នៅប្រចាំថ្ងៃ។

ឈប់សង្ស័យ “Hello គ្រូពេទ្យ” នឹងស្រាយមន្ទិលទាំងនេះ ហើយវាអាស្រ័យលើមូលហេតុមួយចំនួន៖

១- អ័រម៉ូនថយចុះ

តេស្តូតេរ៉ូន ជាអ័រម៉ូនភេទរបស់ប្រុសៗ ធ្វើឲ្យឆ្អឹង សាច់ដុំលូតលាស់ និងផលិតទឺកកាម ហើយអ័រម៉ូននេះបង្កើតឲ្យមានចំណង់ផ្លូវភេទ។ បើកម្រិតអ័រម៉ូន ចុះទាបជាង ៣០០-៣៥០ ណាណូក្រាម ក្នុងមួយដេស៊ីលីត្រឈាម មានន័យថា ចំណង់ផ្លូវភេទធ្លាក់ចុះ។ មូលធ្វើឲ្យអ័រម៉ូនធ្លាក់ចុះគឺ “កត្តាអាយុ”។ បើមានបញ្ហានេះកើតឡើង ប្រុសៗគួរទៅជួបពេទ្យដោះស្រាយ។

២- ជំងឺបាក់ទឹកចិត្ត

ជំងឺបាក់ទឹកចិត្តកើតឡើងលើមនុស្សគ្រប់គ្នា ធ្វើឲ្យថាមពលរាងកាយ និងផ្លូវចិត្តបាត់បង់ នាំឲ្យចំណង់ផ្លូវភេទចុះខ្សោយ។ ថ្នាំមួយចំនូនប្រើសម្រាប់ព្យាបាលជំងឺបាក់ទឹកចិត្ត មាន Selective Serotonin Re-uptake Inhibitors (SSRIs) ក៏មានផលប៉ះពាល់ខ្លាំងដូចគ្នាដែរ។

ចំណង់ផ្លូវភេទ

៣- គ្រឿងស្រវឹង ឬថ្នាំញៀន

សារធាតុញៀន ឬគ្រឿងស្រវឹង ធ្វើឲ្យចំណង់ផ្លូវភេទធ្លាក់ចុះ ព្រោះវាធ្វើឲ្យអ័រម៉ូនតេស្តូតេរ៉ូនធ្លាក់ចុះ ហើយផឹកគ្រឿងស្រវឹងច្រើនបណ្តាលឲ្យប៉ះពាល់ដល់ប្រព័ន្ធប្រសាទ និងធ្វើឲ្យអស់កម្លាំង លែងមានចំណង់ផ្លូវភេទ។

៤- ស្ត្រេស

ធ្វើឲ្យមានបម្រែបម្រួលអ័រម៉ូន តាមការបញ្ចេញអ័រម៉ូន អាដ្រេណាលីន (adrenaline) និងករទីសុល (cortisol) ធ្វើឲ្យសរសៃឈាមរួមតូច និងអាអូនតូចមិនរឹង។

៥- គេងអត់គ្រប់

គេងឲ្យបានគ្រប់គ្រាន់ មានសារៈសំខាន់ណាស់សម្រាប់សុខភាពរាងកាយ និងអារម្មណ៍ផ្លូវភេទ។ គេងមិនគ្រប់ធ្វើឲ្យអ័រម៉ូន ករទីសុល (cortisol) កើនឡើង និងធ្វើឲ្យចំណង់ផ្លូវភេទធ្លាក់ចុះ។

៦- អាអូនតូចមិនរឹង

បញ្ហាអសមត្ថភាពផ្លូវភេទ អាចប៉ះពាល់ដល់ទំនុកចិត្តប្រុសៗគ្នាយើង ដែលធ្លាប់មានបញ្ហានេះពីមុន និងភ័យខ្លាចថាវាកើតឡើងទៀត។

៧- អត់ទំនុកចិត្ត

ទំនុកចិត្ត ឬជឿជាក់លើខ្លួនឯង ធ្វើឲ្យយើងមើលឃើញខ្លួនឯងមានភាពទាក់ទាញ និងសិចស៊ី។ ប៉ុន្តែ ពេលបាត់បង់ទំនុកចិត្តហើយ គ្នាយើងអាចមិនមានអារម្មណ៏ផ្លូវភេទទៀតទេ។

៨- ផលប៉ះពាល់ដោយប្រើថ្នាំ

ថ្នាំមួយចំនួនដែលព្យាបាលជំងឺលើសឈាម អាចធ្វើឲ្យប៉ះពាល់ដល់បញ្ហាផ្លួវភេទ ដូចជា ការបញ្ចេញទឹកកាម និងអាអូនមិនរឹង។ វាបណ្តាលមកពីអ័រម៉ូនតេស្តូតេរ៉ូន (testosterone) ធ្លាក់ចុះ។ បើគ្នាយើងធ្លាប់ជួបបញ្ហាទាំងអស់ខាងលើ ឬប៉ះពាល់ចំណង់ផ្លូវភេទ គួរទៅពេទ្យធ្វើការពិនិត្យ និងព្យាបាល។ ការព្យាបាលអាចចាប់ផ្តើមដោយធម្មជាតិ រហូតដល់ព្យាបាលដោយប្រើថ្នាំ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Erectile Dysfunction, American Urological Association Foundation. http://www.auanet.org/common/pdf/products/erectiledysfunction.pdf. Accessed on December 25,2016.

Sexual Dysfunction in Males, Cleveland Clinic Org. http://my.clevelandclinic.org/health/articles/sexual-dysfunction-in-males. Accessed on December 25,2016.

Is loss of sex drive normal as a man gets older?, Mayo Clinic Org. http://www.mayoclinic.org/healthy-lifestyle/sexual-health/expert-answers/loss-of-sex-drive/faq-20058237. Accessed on December 25,2016.

Dohle G, Arver S, et al, 2015, Guideline on Male Hypogonadism, European Association of Urology. http://uroweb.org/wp-content/uploads/18-Male-Hypogonadism_LR1.pdf.  Accessed on December 25,2016.

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ Chamnan Amrith
កែ 22/10/2018
x