បើរវល់ ហើយចង់រក្សាអត្ថបទទុកអានពេលក្រោយច្រើនប៉ុណ្ណាក៏បាន គ្រាន់តែ Login ហើយចូលទៅកាន់ សុខភាពខ្ញុំ ឥឡូវនេះ!

មាតិកា

រង្វាស់សុខភាព

ចែករំលែក

ទឹកកាមប្រែពណ៌ អាចមកពីហេតុផលច្រើនយ៉ាង ប្រុសៗគួរដឹង!

គ្នាយើងប្រុសៗបើឃើញថាទឹកកាមមានពណ៌សដូចសម្លី ឬពណ៌ប្រផេះ នោះអាចនិយាយបានថាទឹកកាមយើងមានសុខភាពល្អធម្មតាទេ ប៉ុន្តែបើឃើញមានពណ៌ក្រហម ឬលឿងវិញ គឺអាចមានបញ្ហាហើយ។

នៅក្នុងទឹកកាមរបស់យើងមិនមែនមានតែមេជីវិតមួយមុខនោះទេ គឺទឹកកាមដែលមានសុខភាពល្អ មានផ្ទុកនូវជាតិរ៉ែ វីតាមីន អង់ហ្សីម antioxidants ប្រូតេអ៊ីន និងស្ករទៀតផង។ អ្វីទាំងនេះគឺជួយទ្រទ្រង់ និងការពារមេជីវិតពីកត្តាបរិស្ថានផ្សេងៗ។

ចំពោះរឿងថាទឹកកាមប្រែពណ៌អាចថាក្នុងទឹកកាមមានលាយជាមួយសារធាតុផ្សេងទៀត ដូចជាឈាម ទឹកនោម ឬក៏សារធាតុរាវផ្សេងទៀតនៅក្នុងប្រព័ន្ធបន្តពូជ ឬក៏បង្ហួរនោម។

១. ទឹកកាមប្រែជាពណ៌ក្រហម ឬផ្កាឈូក

បើទឹកកាមយើងប្រែជាពណ៌ក្រហម ផ្កាឈូក ឬពណ៌ត្នោត នោះអាចថាជារឿងមួយគួរឲ្យបារម្ភដែរ ប៉ុន្តែការសិក្សាមួយធ្វើឡើងកាលពីឆ្នាំ២០១៧ ថាបញ្ហានេះក៏អាចបង្កឡើងដោយបញ្ហាធម្មតាមួយចំនួន ហើយមិនគ្រោះថ្នាក់នោះដែរ។

ការខូចខាតសរសៃឈាម

ការខូចខាតសរសៃឈាមណាមួយក៏អាចធ្វើឲ្យបរិមាណឈាមតិចតួចចូលទៅលាយឡំជាមួយទឹកកាមបាន និងនាំឲ្យទឹកកាមប្រែពណ៌។ ការប្រែពណ៌នេះអាចប្រែជាផ្កាឈូក និងបន្តទៅជាក្រហម ឬក៏ជាពណ៌ត្នោតស្រាល។ ការខូចសរសៃឈាមនេះអាចបណ្ដាលមកពីយើងមានរបួស ឬរួមភេទខ្លាំងៗពេក ឬក៏មកពីការសម្រេចកាម។ បើសិនជាការប្រែពណ៌ទាំងនេះឆាប់បាត់ទៅវិញ និងមិនមានបញ្ហាអ្វីថែមនោះទេ ការប្រែប្រួលនេះមិនបង្កជាគ្រោះថ្នាក់នោះទេ។

ឆ្លងមេរោគ

ករណីឆ្លងមេរោគមួយចំនួនក៏អាចបង្កឲ្យមានឈាមនៅក្នុងទឹកកាមដែរ ដែលទឹកកាមអាចប្រែពណ៌ទៅតាមសភាពនៃឈាម។ ដូចនេះហើយ យើងគួរតែពិនិត្យមើលថាយើងមានឆ្លងមេរោគអ្វីឬយ៉ាងណា។

បញ្ហាប្រូស្តាត

បើប្រូស្តាតយើងមានបញ្ហា ក៏អាចធ្វើឲ្យទឹកកាមប្រែប្រួលដែរ។ ផលវិបាកផ្សេងៗកើតមានលើប្រូស្តាតអាចបណ្ដាលមកពី ការរលាកប្រូស្តាត វះកាត់ប្រូស្តាត ច្រឹបសាច់ប្រូស្តាត និងមហារីកប្រូស្តាត។

កម្មវិធីពិនិត្យសុខភាពក្រពេញប្រូស្តាតអនឡាញ

កម្មវិធីពិនិត្យបញ្ហាលិង្គមិនឡើងរឹងអនឡាញ

កម្មវិធីពិនិត្យបញ្ហាឆាប់ចេញទឹកកាមអនឡាញ

សម្ពាធឈាមខ្ពស់

ផលវិបាកនានាកើតចេញពីបញ្ហាសម្ពាធឈាមខ្ពស់ គឺអាចបង្កការរំខានមួយចំនួនដល់ប្រព័ន្ធក្នុងរាងកាយរបស់យើង។ ក្នុងនោះ ប្រព័ន្ធបន្តពូជក៏អាចត្រូវរងការរំខានដែរ ដោយអាចមានឈាមចូលទៅក្នុងទឹកកាម និងធ្វើឲ្យទឹកកាមប្រែពណ៌។

២. ទឹកកាមប្រែជាពណ៌ត្នោត

ខាងក្រោមនេះជាហេតុផលមួយចំនួនដែលទឹកកាមប្រុសៗយើងប្រែជាពណ៌ត្នោត៖

ពេលមានរបួស និងហូរឈាមច្រើន

ទឹកកាមពណ៌ត្នោត ឬពណ៌ខ្មៅអាចជាសញ្ញានៃការហូរឈាមធ្ងន់ធ្ងរ ឬឈាមមាននៅក្នុងរាងកាយក្នុងរយៈពេលយូរ។ បញ្ហានេះអាចកើតមាន ដោយសារតែយើងមានរបួសធ្ងន់ ដូចជារបួសនៅត្រង់ប្រដាប់បន្តពូជ ឬឆ្អឹងខ្នងជាដើម។

ជាតិលោហៈ

បើក្នុងខ្លួន និងឈាមយើងមានជាតិលោហៈច្រើនក៏អាចធ្វើឲ្យទឹកកាមយើងមានពណ៌ខ្មៅបានដែរក្នុងករណីខ្លះ។

កាលពីឆ្នាំ២០១៣ មានការសិក្សាមួយបង្ហាញថាពេលទឹកកាមមានពណ៌ខ្មៅ គឺក្នុងឈាមមនុស្សប្រុសយើងសម្បូរទៅដោយលោហៈ ដូចជាមង់ហ្គាណេស នីកែល និងសំណ។

ទឹកកាមរាវ

៣. ទឹកកាមពណ៌លឿង

ចំពោះករណីទឹកកាមយើងប្រែជាពណ៌លឿងវិញគឺអាចមកពីមូលហេតុមួយចំនួននេះ៖

ឆ្លងមេរោគ

ការប្រែប្រួលពណ៌ទឹកកាមជាពណ៌លឿង ទៅដល់បៃតង គឺអាចមកពីមានការឆ្លងមេរោគនៅបង្ហួរនោម ឬក៏ឆ្លងកាមរោគ ដូចជាជំងឺប្រមេះ ឬប្រមេះទឹកថ្លា។ ករណីនេះ ទឹកកាមអាចមានក្លិនស្អុយផងដែរ។

មិនសូវបញ្ចេញទឹកកាម

ដូចគ្នាដែរ បើសិនជាប្រុសៗយើងមិនសូវបានបញ្ចេញទឹកកាមទេនោះ ទឹកកាមក៏អាចមានពណ៌លឿងដែរ ព្រោះថាទឹកកាមនៅស្តុកយូរពេកមិនបានបញ្ចេញទៅណា ហើយក៏មានលាយឡំជាមួយសារធាតុផ្សេងទៀត នាំឲ្រប្រែប្រួលពណ៌។

របបអាហារ

របបអាហារក៏អាចធ្វើឲ្យទឹកកាមយើងប្រែពណ៌ដែរ ព្រោះថាវីតាមីនមួយចំនួនក៏ធ្វើឲ្យទឹកកាមប្រែពណ៌។ បើគ្រាន់តែទឹកកាមប្រែប្រួល ហើយបាត់ទៅវិញ នោះមិនមានបញ្ហាអ្វីគួរឲ្យបារម្ភទេ។

ម្ហូបអាហារមានផ្ទុកជាតិពណ៌ក៏អាចធ្វើឲ្យទឹកកាមប្រែពណ៌ដែរក្នុងករណីខ្លះ។ ចំណែកឯក្លិនរបស់ទឹកកាមយើងក៏មានក្លិនប្លែកដែរពេលបញ្ចេញមកក្រៅ បើយើងបានញ៉ាំអាហារដែលមានក្លិនខ្លាំង ដូចជាខ្ទឹមស ខ្ទឹមបារាំង ទំពាំងបារាំង និងខាត់ណាខៀវ ជាដើម។

ពេលណាត្រូវទៅជួបពេទ្យ?

មូលហេតុជាច្រើនធ្វើឲ្យទឹកកាមប្រុសៗយើងប្រែពណ៌ តែអាចថាមិនបង្កជាគ្រោះថ្នាក់នោះទេ ហើយក៏មិនចាំបាច់ត្រូវការការព្យាបាលដែរ។ ប៉ុន្តែបើគ្នាយើងសង្កេតឃើញថាការប្រែពណ៌នេះនៅបន្តរយៈពេលយូរ និងមានរោគសញ្ញាផ្សេងទៀតដូចជាមានក្លិនស្អុយ ឬបន្តមានឈាមក្នុងទឹកកាម នោះយើងគួរទៅពិគ្រោះជាមួយគ្រូពេទ្យហើយ។

អាន៖

ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ទូច សុខា · កែ 19/09/2023

ទឹកកាម​ប្រែពណ៌ អាចមកពីហេតុផល​ច្រើនយ៉ាង ប្រុសៗគួរ​ដឹង!

១. ទឹកកាម​ប្រែជា​ពណ៌​ក្រហម ឬ​ផ្កាឈូក

២. ទឹកកាម​ប្រែជា​ពណ៌​ត្នោត​

៣. ទឹកកាម​ពណ៌​លឿង

ទឹកកាមប្រែពណ៌ អាចមកពីហេតុផលច្រើនយ៉ាង ប្រុសៗគួរដឹង!

១. ទឹកកាមប្រែជាពណ៌ក្រហម ឬផ្កាឈូក

២. ទឹកកាមប្រែជាពណ៌ត្នោត

៣. ទឹកកាមពណ៌លឿង