ជំងឺសរសៃឈាមបេះដូងស្រួចស្រាល់ ជាជំងឺមួយដែលអាចកើតឡើងភ្លាមៗ ដែលបណ្ដាលមកពីលំហូរឈាមទៅចិញ្ចឹមបេះដូងមិនគ្រប់គ្រាន់។ ជាទូទៅ ជំងឺនេះបង្កជាអាការៈចុកទ្រូងធ្ងន់ធ្ងរ ឬមិនស្រួលនៅក្នុងទ្រូង ដែលតម្រូវឲ្យយើងចាំបាច់ត្រូវទទួលការព្យាបាលភ្លាមៗ។

រោគសញ្ញា

សញ្ញា និងរោគសញ្ញានៃជំងឺសរសៃឈាមបេះដូងស្រួចស្រាល់ ជាធម្មតាកើតឡើងភ្លាមៗ ដែលរួមមាន៖

ចុកទ្រូង ឬមិនស្រួលក្នុងទ្រូង
ការឈឺចាប់រាលដាលពីទ្រូងទៅស្មា ដៃ ពោះផ្នែកខាងលើ ខ្នង ក ឬថ្គាម
ចង្អោរ ឬក្អួត
ពិបាករំលាយអាហារ
ហត់
បែកញើសខ្លាំង
ធេងធោង វិលមុខ ឬដួលសន្លប់
អស់កម្លាំងខុសប្រក្រតី
ថប់បារម្ភ

ការឈឺចាប់ ឬមិនស្រួលក្នុងទ្រូង ជាសញ្ញាទូទៅបំផុត។ ប៉ុន្តែ រោគសញ្ញាអាចមានការប្រែប្រួល អាស្រ័យលើកត្តាអាយុ ភេទ និងលក្ខខណ្ឌសុខភាពផ្សេងទៀត។ ចំពោះស្ត្រី មនុស្សពេញវ័យ ឬអ្នកមានជំងឺទឹកនោមផ្អែម កម្រនឹងមានរោគសញ្ញាឈឺចាប់ ឬមិនស្រួលក្នុងទ្រូងណាស់។

ចង់គណនា BMR ចុចទីនេះ !

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

មូលហេតុបង្ក

ជំងឺសរសៃឈាមបេះដូងស្រួចស្រាល់ តែងកើតឡើងពីការប្រមូលផ្ដុំកំណកខ្លាញ់នៅក្នុង និងនៅលើជញ្ជាំងនៃសរសៃឈាមបេះដូង ដែលមានតួនាទីផ្ដល់អុកស៊ីសែន និងសារធាតុចិញ្ចឹមទៅកាន់សាច់ដុំបេះដូង។ នៅពេលដែលការផ្គត់ផ្គង់អុកស៊ីសែនដល់កោសិកាមានកម្រិតទាបពេក កោសិកាសាច់ដុំបេះដូងអាចស្លាប់ និងបណ្ដាលឲ្យខូចខាតដល់ជាលិកាសាច់ដុំ ជាហេតុនាំឲ្យយើងកើតមានអាការៈគាំងបេះដូង។

ជំងឺបេះដូង

កត្តាហានិភ័យ

កត្តាហានិភ័យនៃជំងឺសរសៃឈាមបេះដូងស្រួចស្រាល់ មានលក្ខណៈដូចគ្នាទៅនឹងជំងឺបេះដូងប្រភេទផ្សេងទៀតដែរ ដែលរួមមាន៖

វ័យចំណាស់
សម្ពាធឈាម ឬកូលេស្តេរ៉ូលខ្ពស់
ជក់បារី
មិនហាត់ប្រាណ
របបអាហារមិនល្អ
ធាត់ជ្រុល ឬលើសទម្ងន់
ជំងឺទឹកនោមផ្អែម
មានប្រវត្តិគ្រួសារធ្លាប់កើតជំងឺបេះដូង ឬគ្រោះថ្នាក់សរសៃឈាមខួរក្បាល
កើតទឹកនោមផ្អែមពេលពពោះ មានសម្ពាធឈាមខ្ពស់ ឬជំងឺបម្រុងក្រឡាភ្លើង

អត្ថបទគួរអាន៖

គន្លឹះបង្ការ

ញ៉ាំរបបអាហារជំនួយដល់សុខភាពបេះដូង ដូចជាញ៉ាំបន្លែ ផ្លែឈើ គ្រាប់ធញ្ញជាតិ និងសាច់គ្មានខ្លាញ់។ កាត់បន្ថយការញ៉ាំអាហារដែលមានជាតិកូលេស្តេរ៉ូលខ្ពស់ និងខ្លាញ់ឆ្អែត ដោយសារតែសារធាតុទាំងនេះ អាចធ្វើឲ្យស្ទះសរសៃឈាម
ធ្វើលំហាត់ប្រាណឲ្យបានយ៉ាងតិច ៣០នាទីក្នុងមួយថ្ងៃ
គ្រប់គ្រងទម្ងន់ខ្លួន
ឈប់ជក់បារី
គ្រប់គ្រងបញ្ហាសុខភាពផ្សេងទៀត ដូចជាជំងឺទឹកនោមផ្អែម សម្ពាធឈាមខ្ពស់ និងលើសជាតិខ្លាញ់ខ្ពស់ក្នុងសរសៃឈាម។

រោគសញ្ញា និងវិធីបង្ការជំងឺសរសៃឈាមបេះដូងស្រួចស្រាល់