ឆ្លងរោគក្នុងពោះវៀន បង្កឡើងដោយពពួកមីក្រូសារពាង្គកាយ ដែលបានចូលទៅក្នុងពោះវៀនរបស់យើង។ ជាទូទៅមនុស្សយើងអាចឆ្លងរោគនេះបានតាមរយៈការញ៉ាំ ឬផឹកទឹកមិនស្អាត ឬពេលខ្លះគេហៅថាពុលអាហារ។ មួយវិញទៀត ការប៉ះពាល់ជាមួយអ្នកឆ្លងរោគ ឬសម្ភារៈមានជាប់មេរោគមួយចំនួនក៏អាចធ្វើឲ្យយើងឆ្លងរោគក្នុងពោះវៀនដូចគ្នា។
មាតិកា
ឆ្លងរោគក្នុងពោះវៀនចេញរោគសញ្ញាទាំងនេះ កុំប្រហែស
១. រោគសញ្ញាឆ្លងរោគក្នុងពោះវៀន
រោគសញ្ញាទូទៅមួយចំនួននៃការឆ្លងរោគក្នុងពោះវៀនមានដូចជា៖
- រាករូស
- ចង្អោរ
- ក្អួត
- ឈឺចុកក្នុងពោះ
- ក្ដៅខ្លួន
- ឈឺក្បាល។
អ្នកខ្លះ ពេលឆ្លងរោគក្នុងពោះវៀនអាចមានឈាមក្នុងលាមកដែរ។ ឈាមក្នុងលាមក អាចបង្កឡើងដោយពពួកបាក់តេរី ឬបារ៉ាស៊ីត ហើយពេលខ្លះធ្វើឲ្យមានរោគសញ្ញាធ្ងន់ធ្ងរ។ រោគសញ្ញាធ្ងន់ធ្ងរមានដូចជាក្ដៅខ្លួនខ្លាំង លាមកមានឈាម ឬសម្បោរ រាកយូរជាងពីរ ឬបីថ្ងៃ និងមានចេញសញ្ញាបាត់បង់ជាតិទឹកខ្លាំង ហើយបើមានរោគសញ្ញាទាំងនេះត្រូវប្រញាប់ទៅមន្ទីរពេទ្យ ដើម្បីទទួលបានការព្យាបាលត្រឹមត្រូវ។ ដោយឡែក បើជាទារកអាយុក្រោមបីខែ មានចេញអាការៈរាករូស ត្រូវប្រញាប់នាំទៅជួបពេទ្យដែរ។
២. ការព្យាបាលការឆ្លងរោគក្នុងពោះវៀន
ការឆ្លងរោគក្នុងពោះវៀនភាគច្រើននឹងបាត់ទៅវិញនៅរយៈពេលប៉ុន្មានថ្ងៃក្រោយ។ ប៉ុន្តែអ្នកជំងឺត្រូវព្យាយាមផឹកទឹកឲ្យបានច្រើន ដើម្បីបង្ការការបាត់បង់ជាតិទឹក។
រាក បង្កឲ្យបាត់បង់សារធាតុរាវពីក្នុងរាងកាយ ដូចនេះ វាជាការសំខាន់ណាស់ក្នុងការថែទាំជនងាយរងគ្រោះដូចជាកុមារតូចៗ មនុស្សវ័យចំណាស់ និងអ្នកមានសុខភាពខ្សោយ។ មនុស្សខ្លះត្រូវការប្រើថ្នាំផ្សះសម្រាប់ព្យាបាលការឆ្លងរោគក្នុងពោះវៀននេះ ដើម្បីកម្ចាត់ពពួកបារ៉ាស៊ីត ឬបាក់តេរី ហើយមានតែគ្រូពេទ្យទេអាចចេញវេជ្ជបញ្ជាឲ្យប្រើប្រាស់បាន។ ចូរពិគ្រោះជាមួយគ្រូពេទ្យបើរោគសញ្ញាមិនល្អប្រសើរឡើងវិញ។
៣. វិធីបង្ការការឆ្លងរោគក្នុងពោះវៀន
ការឆ្លងរោគក្នុងពោះវៀនជាច្រើនករណីអាចបង្ការបានតាមរយៈការថែទាំ និងរក្សាអនាម័យក្នុងការហូបចុក និងផឹកទឹកស្អាត។ អនុវត្តវិធានការអនាម័យខាងក្រោមនេះ ដើម្បីបង្ការបញ្ហាឆ្លងរោគនៅពោះវៀន៖
- ចម្អិនអាហារ ដូចជាសាច់ ស៊ុត ឲ្យឆ្អិនល្អ
- លាងសម្អាតដៃឲ្យបានស្អាតជានិច្ច ពិសេសមុនពេលញ៉ាំអាហារ
- ចៀសវាងប៉ះពាល់ជាមួយអ្នកមានឆ្លងរោគក្នុងពោះវៀន។
ពីបញ្ហាក្រពះពោះវៀនផ្សេងទៀត
- Infectious colitis (ជំងឺរលាកពោះវៀនធំដោយសារបង្ករោគ)
- សញ្ញាទាំងនេះ បញ្ជាក់ថាពោះវៀនមានបញ្ហាហើយ
- Colitis (ជំងឺរលាកពោះវៀនធំ)
- Crohn Disease Surgery (វះកាត់ជំងឺរលាកពោះវៀនរ៉ាំរ៉ៃ)
- វិធីសាស្ត្រទាំង៥ សម្អាតពោះវៀនធំយ៉ាងមានប្រសិទ្ធភាព
- ទម្លាប់ប្រចាំថ្ងៃទាំង៤នេះ អាចបំផ្លាញសុខភាពពោះវៀន
គណនា BMR
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Bowel infections, https://www.healthdirect.gov.au/bowel-infections
Infections of the Small Intestine, https://muschealth.org/medical-services/ddc/patients/digestive-diseases/small-intestine/infections-of-the-small-intestine
INFECTIONS OF THE LARGE INTESTINE, https://www.atsu.edu/faculty/chamberlain/Website/lectures/Infectionsofthelargeintestine.htm
កំណែប្រែបច្ចុប្បន្ន
28/11/2022
អត្ថបទដោយ ទូច សុខា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ជីព ចិត្ត
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម