ការផឹកគ្រឿងស្រវឹងអាចបង្កឲ្យមានផលប៉ះពាល់ជាច្រើនដល់រាងកាយរបស់យើង។ ពិតណាស់ ផលប៉ះពាល់ទាំងនេះអាចមានលក្ខណៈខុសៗគ្នា ដែលមានដូចជាការពិបាកក្នុងការទប់លំនឹង រហូតដល់ខ្សោយក្រពះពោះវៀន ។
មាតិកា
រាករូសក្រោយផឹកគ្រឿងស្រវឹងបណ្ដាលមកពីអ្វី? ការពារបែបណា?
ជាតិអាកុលងាយស្រួលស្រូបចូលទៅក្នុងជាលិកាជាច្រើននៅក្នុងរាងកាយ។ អាការៈរាករូសក្រោយផឹកគ្រឿងស្រវឹងអាចជាលទ្ធផលអវិជ្ជមានមួយនៃការផឹកគ្រឿងស្រវឹង ហើយវាក៏ជាប់ពាក់ព័ន្ធនឹងផលប៉ះពាល់ជាច្រើនទៀតផងដែរ។
មូលហេតុអ្វីបានជារាក ក្រោយផឹកគ្រឿងស្រវឹង?
ប្រសិនបើយើងបានញ៉ាំអាហារទ្រាប់ពោះនៅពេលផឹកគ្រឿងស្រវឹង អត្រានៃការស្រូបយកគ្រឿងស្រវឹងមានភាពយឺតយ៉ាវ។ ដូច្នេះហើយ ទើបគ្នាយើងដែលមិនញាំអាហារទ្រាប់ពោះ មានអារម្មណ៍ថាប៉ះពាល់គ្រឿងស្រវឹងលឿននៅពេលពោះទទេ។ ជាក់ស្ដែង ជាតិអាកុលរំខានដល់សមត្ថភាពរបស់ពោះវៀនធំក្នុងការស្រូបយកទឹក ដែលជាលទ្ធផល វាធ្វើឲ្យលាមកក្លាយទៅជាសំបោររាវ។
អេតាណុល ជាប្រភេទជាតិអាកុលទូទៅដែលយើងផឹក ដែលអាចធ្វើឲ្យរលាកបំពង់ក្រពះពោះវៀន។ ការក្រហាយ និងការរលាក កើតឡើងបណ្ដាលមកពីសមត្ថភាពនៃជាតិអាកុលក្នុងការផលិតអាស៊ីដក្រពះច្រើន។ ស្រាបៀ និងស្រាក្រហមច្រើនតែមានផលប៉ះពាល់នេះ ដែលបណ្ដាលឲ្យយើងរាករូស។
អ្នកងាយរាករូស នៅពេលផឹកគ្រឿងស្រវឹង
- ជំងឺរលាកពោះវៀនរ៉ាំរ៉ៃ
- ជំងឺ Crohn’s (ជំងឺរលាកពោះវៀនធំមួយប្រភេទ)
- ជំងឺក្រពះពោះវៀនផ្សេងទៀត
- អាលែកហ្ស៊ីនឹងអាហារមួយចំនួន
- ទម្លាប់ផឹកស្រាជាប្រចាំ ឬផឹកស្រាច្រើនជ្រុល អាចបង្កើនលទ្ធភាពនៃជំងឺរាករូស
- ញ៉ាំអាហារច្រើនពេក នៅពេលផឹកស្រា អាចបណ្ដាលឲ្យរាកបាន ពីព្រោះរាងកាយរបស់យើងមិនអាចធ្វើការរំលាយអាហារបានត្រឹមត្រូវ
ការព្យាបាលអាការៈរាករូស ក្រោយផឹកគ្រឿងស្រវឹង
- ប្រសិនបើយើងប្រឈមនឹងអាការៈរាករូសនេះ គប្បីញ៉ាំអាហារដែលងាយរំលាយដូចជា បាយ ចេក និងនំប៉័ងអាំង
- ប្រើប្រាស់ថ្នាំបំបាត់រាករូស
- ញ៉ាំទឹកឲ្យបានច្រើន
- ជៀសវាងញ៉ាំអាហារដែលធ្វើឲ្យរោគសញ្ញាកាន់តែធ្ងន់ធ្ងរ ដូចជាកាហ្វេអ៊ីន អាហារដែលផលិតពីទឹកដោះគោ ឬអាហារដែលមានជាតិសរសៃខ្ពស់ ជាតិខ្លាញ់ច្រើន និងហឹរខ្លាំង។
បញ្ចៀសអាការៈរាករូសទាក់ទងនឹងគ្រឿងស្រវឹង
- ផឹកគ្រឿងស្រវឹងនៅក្នុងបរិមាណសមល្មម
- ញ៉ាំអាហារតុល្យភាព មុនផឹកគ្រឿងស្រវឹងដើម្បីពន្យឺតការស្រូបយកជាតិអាកុលទៅក្នុងរាងកាយ
- ផឹកទឹកផ្លាស់គ្នា ខណៈពេលផឹកគ្រឿងស្រវឹង ដើម្បីរក្សាតុល្យភាពនៃជាតិទឹកក្នុងរាងកាយ និងកាត់បន្ថយហានិភ័យនៃការរាករូស។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.emedihealth.com/why-alcohol-causes-diarrhea.html
https://www.medicalnewstoday.com/articles/319165#prevention
https://alcoholrehabhelp.org/addiction/effects/diarrhea/
កំណែប្រែបច្ចុប្បន្ន
20/08/2021
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម