សម័យនេះ ជាសម័យបច្ចេកវិទ្យា ហេតុនេះបើគ្មានស្មាតហ្វូនច្បាស់ជាពិបាកហើយ ប៉ុន្តែយើងត្រូវចេះប្រើឲ្យបាត្រឹមត្រូវ ពិសេសកុំក្លាយខ្លួនជាមនុស្សញៀនទូរសព្ទ។ គ្នាយើងត្រូវដឹងថា ស្មាតហ្វូនយើងអាចចាត់ទុកមិត្តល្អតែ ក៏អាចជះឥទ្ធិពលមិនល្អដល់សុខភាពជាច្រើន ទាំងផ្លូវកាយ ផ្លូវចិត្ត ការប្រាស្រ័យទាក់ទង ក៏ដូចជាបញ្ហាផ្សេងៗទៀត។ ហេតុនេះគួរកាត់បន្ថយខ្លះទៅ ដោយខាងក្រោមនេះ ជាតិចនិកខ្លះៗជួយកុំឲ្យញៀនលេងទូរសព្ទពេក។
១- តាមដានការប្រើប្រាស់របស់យើង
គ្នាយើងគិតថាខ្លួនញៀនលេងទូរសព្ទមែនអត់? អ៊ីចឹងក្នុងទូរសព្ទយើងច្បាស់ជាមានកម្មវិធីណាមួយទាក់ទាញចំណាប់អារម្មណ៍យើងខ្លាំងមិនខាន។
ចំណុចសំខាន់នៅត្រង់នេះ គ្នាយើងត្រូវតែតាមដានការប្រើប្រាស់របស់ខ្លួនឲ្យបានត្រឹមត្រូវ។ ព្យាយាមចាកឆ្ងាយពីកម្មវិធីណាមួយ ដែលយើងសង្កេតឃើញថា យើងប្រើវាច្រើនជាងគេ ព្រោះថាអាចជាមូលហេតុចម្បងនាំឲ្យយើងកាន់ទូរសព្ទមិនលែង។ ប៉ុន្តែបើធ្វើបែបនេះហើយនៅតែមិនអាចជួយបាន កុំទាន់អស់សង្ឃឹម ព្រោះមានកម្មវិធីទូរសព្ទមួយចំនួនអ្នកជួយកុំឲ្យញៀនប្រើទូរសព្ទបានដូចជា កម្មវិធី SPACE ឬ Moment សុទ្ធតែអាចជួយយើងស្វែងរកចំណុចកណ្តាលមួយសម្រាប់ជីវិត និងការប្រើទូរសព្ទ តាមរយៈការគ្រប់គ្រង និងការកំណត់ព្រំដែនប្រើប្រាស់។
២- ឈប់អូសចុះអូសឡើងទៀត
ចំណុចនេះ យើងច្បាស់ជាទទួលស្គាល់មិនខាន ដោយសារកម្មវិធីបណ្តាសង្គមល្បីល្បាញជាច្រើន ដូចជា Facebook Instagram Pinterest និងកម្មវិធីមួយចំនួនធំទៀត ត្រូវគេច្នៃបង្កើតឡើងជាមួយមុខងារអូសចុះអូសឡើង ក៏ជាកត្តាមួយនាំឲ្យទទួលបាន ឬឃើញអ្វីថ្មីៗមិនចេះចប់មិនចេះហើយ។
ទោះជាយ៉ាងណា មុខងារអូសចុះអូសឡើង ក៏ធ្វើឲ្យយើងបាត់បង់ភាពច្បាស់ការចំពោះពេលវេលាប្រើប្រាស់ ព្រោះរឿងថ្មីៗយើងមិនបានដឹង មិនធ្លាប់បានឃើញ នឹងទាក់ចិត្តយើងឲ្យនៅជាមួយទូរសព្ទកាន់តែយូរ។ ដូចគ្នាយើងដឹងស្រាប់ លើបណ្តាញសង្គម គឺមានរឿងថ្មីៗមិនចេញចប់មិនចេញហើយ អាចធ្វើឲ្យយើងភ្ញាក់ផ្អើល និងចង់តាមដានតទៅទៀត នាំឲ្យខួរក្បាលយើង ត្រូវការចង់ដឹងចង់ឮរហូត និងធ្វើឲ្យការប្រើប្រាស់កាន់តែអូសបន្លាយ។
បើទោះជាកម្មវិធីបណ្តាញសង្គមភាគច្រើនមិនអាចខ្វះបានក្នុងជីវិតរស់នៅរបស់យើងក៏ពិតមែន ប៉ុន្តែយើងអាចសាកល្បងលុបកម្មវិធីខ្លះចោល ពិសេសកម្មវិធីមានមុខងារអូសចុះអូសឡើង យើងនឹងឃើញថា យើងនឹងមានពេលច្រើនជាងមុនសម្រាប់ខ្លួនឯង។
អត្ថបទពាក់ព័ន្ធ៖
- ប៉ាម៉ាក់ត្រូវដឹង អូនៗយប់ឡើងក្រគេងអាចមកពីលេងទូរសព្ទច្រើនពេក
- ប៉ាម៉ាក់ចូលចិត្តឲ្យក្មេងលេងទូរសព្ទ មុនចូលគេង ប្រយ័ត្នលើសដើម!
៣- រម្ងាប់អារម្មណ៍
រាល់សារជូនដំណឹងពីកម្មវិធីទូរសព្ទ ឬបណ្តាញសង្គម ពិសេស ពេលនរណាម្នាក់បង្ហោះរូបភាព ឬខ្លឹមសារលើ Facebook ឬ Instagram ច្បាស់ជាធ្វើឲ្យអារម្មណ៍យើងត្រេកត្រអាល ចង់ដឹងចង់ឮមិនខាន។ ប្រតិកម្មទាំងនេះ បង្កើតឡើងដោយសារសារធាតុដូប៉ាមីន ក្នុងខួរក្បាល ជាសារធាតុធ្វើឲ្យអារម្មណ៍សប្បាយរីករាយ ជាផ្នែកសំខាន់មួយនៃប្រព័ន្ធជូនដំណឹងរបស់ខួរក្បាល។ ហេតុនេះ យើងមិនអាចបន្ទោសខ្លួនឯងរឿងញៀនលេងទូរសព្ទនោះទេ។
យ៉ាងណា ចង់ជំនះប្រតិកម្មនេះបាន មានតែចេះរម្ងាប់អារម្មណ៍ខ្លួនឯង ដូចជាការធ្វើសមាធិ ហាត់យូហ្គា ហាត់ប្រាណ និងបញ្ចេញសកម្មភាពផ្សេងទៀត អាចជួយរង្ងាប់ប្បប្រតិកម្មផ្លូវអារម្មណ៍ដែលជាកត្តាធ្វើឲ្យអ័រម៉ូនដូប៉ាមីនកើនឡើង ពិសេសអាចកាត់បន្ថយអារម្មណ៍សប្បាយរបស់យើងជាមួយទូរសព្ទបាន។
អត្ថបទពាក់ព័ន្ធ៖
- ចុចទូរសព្ទច្រើន ប្រយ័ត្នរលាកសន្លាក់ឆ្អឹងដៃ
- ប្រើទូរសព្ទដៃរបៀបនេះរាល់ថ្ងៃ អាចបង្កបញ្ហាមួយចំនួនដល់សុខភាព
៤- ប្រើតែកម្មវិធីណាដែលមានប្រយោជន៍
ពិតណាស់ មានគ្រប់យ៉ាងក្នុងហោប៉ៅ ច្បាស់ជារឿងល្អហើយ។ កម្មវិធីក្នុងទូរសព្ទយើងក៏ដូចគ្នា ត្រូវតែមានកម្មវិធីសម្បូរបែប ដែលយើងត្រូវការសម្រាប់ជីវិតប្រចាំថ្ងៃ ដូចជាកម្មវិធីម៉ាស៊ីនគិតលេខ កាមេរ៉ា ម៉ោងរោទ៍ និងកម្មវិធីជាច្រើនទៀត។
យ៉ាងណាធ្លាប់មានអារម្មណ៍ថា នៅពេលយើងលើកទូរសព្ទចង់មើលកម្មវិធីអាកាសធាតុ ឬគិតលេខទាំងនោះសោះ ស្រាប់តែមួយសន្ទុះធំ ទើបភ្ញាក់ខ្លួន យើងកំពុងប្រើ Facebook ឬ Instagram ទៅវិញ។ នេះជាកត្តាមួយផ្សេងទៀត នាំឲ្យយើងកាន់តែចំណាយពេលយូរជាមួយទូរសព្ទ ហើយដើម្បីដោះស្រាយបញ្ហានេះ គួរប្រើឧបករណ៍ផ្សេងទៀត ជំនួសស្មាតហ្វូនរបស់យើង។
ឧទាហរណ៍ អាចប្រើនាឡិការោទ៍ពិតប្រាកដ ដើម្បីអាចដកខ្លួនយើងនៅឲ្យឆ្ងាយពីទូរសព្ទអំឡុងពេលកំពុងគេង ក៏អាចជួយយើងមិនចំណាយពេលអត់ប្រយោជន៍ច្រើនមុនចូលគេង និងជួយឲ្យក្រោកពីដំណេកទាន់ពេលវេលាថែមទៀត។ មួយទៀត បើចង់កត់ចំណាំកិច្ចការអ្វីមួយដែលត្រូវធ្វើបន្ត ក៏គួរប្រើសៀវភៅកត់ត្រា និងប៊ិចពិតប្រាកដ ឬអានសៀវភៅ មិនមែនអាននៅលើទូរសព្ទ។
គន្លឹះពិសេសនេះ អាចជួយយើងមិនបើកសោរទូរសព្ទបាន ជួយការពារយើងពីការស្លុងទៅក្នុងបច្ចេកវិទ្យាឌីជីថល ដែលគេបំពាក់ក្នុងទូរសព្ទទំនើបបច្ចុប្បន្ននេះ។
៥- ត្រូវការជំនួយពីមិត្តភ័ក្តិ ក្រុមគ្រួសារ
ក្នុងករណីយើងជាមនុស្សញៀនទូរសព្ទ ជំហានដំបូងយើងត្រូវធ្វើ គឺត្រូវទទួលស្គាល់បញ្ហា។ ការទទួលស្គាល់បញ្ហាកើតឡើងជុំវិញខ្លួន នឹងជួយយើងកាត់បន្ថយការប្រើប្រាស់ទូរសព្ទកាន់តែច្រើន ថែមទាំងអាចបង្កើតប្រព័ន្ធឆ្លើយតបសំខាន់មួយជាមួយការប្រើស្មាតហ្វូនទៀតផង។
អាចប្រើសមាជិកគ្រួសារ ឬមិត្តភ័ក្តិឲ្យដាស់តឿនយើង ពេលពួកគេកំពុងនៅក្បែរយើង ឃើញយើងអូសទូរសព្ទចុះឡើង ដើម្បីជួយដោះស្រាយបញ្ហានេះ។ ប៉ុន្តែត្រូវចាំថា បើសមាជិកក្រុមគ្រួសារ ឬមិត្តភ័ក្តិណាម្នាក់ អូសទូរសព្ទចុះឡើងដែរនោះ វានឹងធ្វើឲ្យយើងធ្លាក់ចូលក្នុងស្ថានភាពនេះដដែល។
៦- បិទសារជូនដំណឹងណាមិនពាក់ព័ន្ធការងារ ឬការទំនាក់ទំនងជាមួយគ្រួសារ និងមិត្តភ័ក្តិ
បើស្មាតហ្វូន ឬឧបករណ៍វ័យឆ្លាតរបស់យើង សំខាន់សម្រាប់ជំរុញទំនាក់ទំនងយើងជាមួយក្រុមគ្រួសារ មិត្តភ័ក្តិ ឬនរណាម្នាក់នោះ ចាំបាច់នឹងត្រូវតែប្រើវា។ ប៉ុន្តែគ្នាយើងអាចបិទសារជូនដំណឹងរបស់កម្មវិធីដែលមិនមានប្រយោជន៍ រំខានដល់ពេលវេលាបង្កើតទំនាក់ទនងជាមួយមិត្តភ័ក្តិ ក្រុមគ្រួសារយើង អំឡុងពេលពួកគេអាចចង់បានការយកចិត្តទុកដាក់ពីយើង។
គ្នាយើងប្រហែលជាអាចពិចារណា លុបចោលបណ្តាញសង្គមពីទូរសព្ទទាំងអស់គ្នា ដោយងាកមកប្រើលើកុំព្យុទ័រជំនួសវិញ។ ធ្វើបែបនេះធានាថា ទំនាក់ទំនងទាំងក្រុមគ្រួសារ និងមិត្តភ័ក្តិកាន់តែល្អមិនខាន។
អត្ថបទពាក់ព័ន្ធ៖
- ពិបាកគេងលក់ សាកវិធីសាមញ្ញនេះ អាចបានផល
- ប្រើប្រាស់សារលើទូរសព្ទ ជាមូលហេតុធ្វើឲ្យយើងស្ត្រេសកាន់តែខ្លាំង?
- ទុកទូរសព្ទឆ្ងាយខ្លួន កុំអនឡាញ ដើរលេងកាន់តែសប្បាយចិត្ត
៧- ផ្លាស់ប្តូរអេក្រង់ទូរសព្ទយើងទៅជាផ្ទៃពណ៌ប្រផេះ
ចំណុចនេះ លោក Tristan Harris សហស្ថានិកមជ្ឈមណ្ឌលបច្ចេកវិទ្យាសម្រាប់មនុស្សជាតិនៅអាមេរិក ឧស្សាហ៍ណែនាំទៅដល់អ្នកប្រើប្រាស់ស្មាតហ្វូនណាស់ ព្រោះការស្រាវជ្រាវរកឃើញថា ពណ៌គឺលើអេក្រង់ទូរសព្ទ ធ្វើឲ្យទាក់ទាញអារម្មណ៍ខ្លាំង ហើយពណ៌ក្រហមរបស់សារជូនដំណឹង កាន់តែទាក់ចិត្តយើងខ្លាំងបំផុត អាចគ្រប់គ្រងអារម្មណ៍យើងងាកមកចាប់ទូរសព្ទភ្លាម។ បើយើងកែអាក្រង់ទូរសព្ទទៅជាពណ៌ស-ខ្មៅ គឺអាចកាត់បន្ថយអារម្មណ៍ទាក់ទាញពីសារជូនដំណឹងទាំងនោះបាន។
