ការមករដូវមិនអាចជាឧបសគ្គរារាំងចំណង់ផ្លូវភេទដៃគូបានទេ ព្រោះនោះជាសិទ្ធិសម្រេចិត្ដ សំខាន់ដៃគូយល់ស្របនៅជាមួយគ្នា។ តែទោះជាយ៉ាងណាក៏ដោយ ដៃគូទាំងអស់គួរតែដឹងពីចំណុចសំខាន់ៗខាងក្រោមនេះផងដែរ មុនឈានដល់ការសម្រេចចិត្ដរួមភេទ។
៣ចំណុចសំខាន់ៗគួរដឹង មុនរួមភេទអំឡុងពេលដៃគូមករដូវ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចង់ពិនិត្យជំងឺមហារីកសួត ចុចទីនេះ!
១.អារម្មណ៍ប្រែប្រួល
ក្នុងកំលុងមករដូវ ស្រីៗភាគច្រើនតែងតែមានអាការៈចុកចាប់ក្នុងខ្លួន ពិបាកទ្រាំ ឈឺក្បាលអស់កម្លាំង ដែលជាកត្ដាចម្បងធ្វើឲ្យគាត់គ្មានអារម្មណ៍ឲ្យដៃគូពេញលេញ។ ការមិនផ្ដល់អារម្មណ៍ឲ្យដៃគូ គឺជាមូលហេតុធំបំផុត មិនអាចធ្វើឲ្យដំណើរការមួយនេះអាចទៅដោយរលូនបាននោះទេ ជាពិសេសភាគីខាងស្រីតែម្ដង។ លើសពីនេះទៅទៀត ការប្រែប្រួលអ័រម៉ូនភេទរបស់ស្រ្តីក្នុងពេលវេលានេះ អាចកើតមាន បណ្ដាលឲ្យកើតមានអារម្មណ៍ ឆេវឆាវ មួរម៉ៅឆាប់ខឹងនឹងមនុស្សជុំវិញខ្លួន ដែលធ្វើអ្វីមិនត្រូវតាមចិត្ដ។ ក្នុងចំណុចនេះ យើងជាដៃគូត្រូវដឹង ប្រសិនជាខាងស្រីមានប្រតិកម្មអារម្មណ៍បែបនេះ។
២.ប្រឈមការមានផ្ទៃពោះ
ដៃគូភាគច្រើនយល់ថា ការរួមភេទក្នុងកំលុងមករដូវ អាចធ្វើឲ្យពួកគេរីករាយ និង ការពារពីការមានផ្ទៃពោះថែមទៀតផង។ ប៉ុន្ដែជាក់ស្ដែង មិនដូច្នោះទាំងអស់ទេ ការរួមភេទក្នុងកំលុងមករដូវ ដោយមិនបានការពារ ក៏អាចប្រឈមនឹងការមានផ្ទៃពោះបានដែរ ប៉ុន្ដែក្នុងកម្រិតទាប។ អ្នកស្រី Lauren Streicher សាស្ដ្រាចារ្យផ្នែកសុខភាពបន្ដពូជនៅសាកលវិទ្យាល័យ Northwestern មានប្រសាសន៍ថា ការរួមភេទមិនបានការពារ ពេលមករដូវក៏អាចមានផ្ទៃពោះបានដែរ ព្រោះមេជីវិតឈ្មោលអាចរស់នៅក្នុងខ្លួនមនុស្សស្រីរហូតដល់ទៅ ៤ ទៅ ៥ថ្ងៃ ពិសេសបើពួកគេរួមភេទពេលចុងនៃថ្ងៃមករដូវ។ យល់ល្អដៃគូគួរតែបន្ដការពារ ប្រសិនជាមិនចង់មានផ្ទៃពោះដោយអចេតនា។
៣.ងាយឆ្លងមេរោគ និងបាក់តេរី
ពេលមករដូវក៏ជាពេលដែលមាត់ស្បូនស្ដ្រីបើកចំហធំជាងពេលធម្មតា ដើម្បីខ្ជាក់ឈាមរដូវមកក្រៅ ហើយក៏ជាឱកាសដល់ពពួកមេរោគ បាក់តេរី អាចជ្រៀតចូលបានដោយស្រួលក្នុងកំលុងរួមភេទ បង្កជាជំងឺផ្សេងៗប៉ះពាល់សុខភាពបន្ដពូជ។ ក្នុងចំណុចនេះអ្នកស្រីសាស្ដា្រចារ្យមិនបានហាមឃាត់ការរួមភេទនោះទេ ប៉ុន្ដែដៃគូគួរតែប្រើប្រាស់ស្រោមអនាម័យ ដើម្បីការពារ ដែលជាវិធីការពារល្អតែមួយគត់សម្រាប់ដៃគូ។ ក្នុងករណីដែលស្ដ្រីមានឆ្លងបាក់តេរី ប្រាកដណាស់ វានឹងវិវត្ដទៅជាជំងឺប៉ះពាល់ដល់ សុខភាពបន្ដពូជ។
ពាក់ព័ន្ធនឹងការរួមភេទពេលមករដូវនេះដែរ លោកស្រីវេជ្ជបណ្ឌិត ពឹង ជុតិមា នាយិកាសេវាកម្ម គ្លីនិក រ៉ាក់ មានប្រសាសន៍ថា នៅក្នុងផ្នែកវិទ្យាសាស្ត្រ មិនបានឲ្យតមរួមភេទពេលមករដូវនោះទេ គឺអាស្រ័យទៅតាមចំណង់ចំណូលចិត្តរបស់ស្ត្រី និងដៃគូ តើអាចទទួលយកបានឬអត់ និងទៅតាមលក្ខខណ្ឌសុខភាព។
ស្វែងយល់បន្ថែមតាមរយៈវីដេអូខាងក្រោម៖
ប្រសិនបើស្រ្តីខ្លួនឯងមិនច្បាស់លាស់ថា មានការករោគនៅទ្វារមាសអីអត់ ឬដៃគូរបស់យើងមានមេរោគដែរអត់ យើងមិនគួររួមភេទក្នុងពេលកំពុងមករដូវនោះទេ។ ក្នុងករណីមិនច្បាស់ ការរួមភេទពេលមករដូវកាន់តែងាយស្រួលបង្កលក្ខណៈឲ្យមេរោគឆ្លងទៅដៃគូម្នាក់ៗ ប្រសិនបើដៃគូណាមួយមានមេរោគជំងឺកាមរោគ ដូចជាស្វាយ ប្រមេះ អេដស៍ ថ្លើម ហើយប្រឈមនឹងការមានផ្ទៃពោះទៀត។
អត្ថបទគួរអាន៖
- គ្រឿងស្រវឹងមិនត្រឹមតែប៉ះពាល់ថ្លើម តែក៏គ្រោះថ្នាក់ដល់បេះដូង
- បញ្ហាបេះដូង! បើមានសញ្ញាទាំងនេះ ឆាប់ទៅជួបពេទ្យភ្លាម
- សញ្ញាព្រមានទាំង៨ មុនមានបញ្ហាគាំងបេះដូង
- ប្រើថ្នាំបំបាត់ការឈឺចាប់យូរ ប្រយ័ត្នកើតជំងឺបេះដូង
- ចូលគេងមិនទៀងទាត់ ប្រយ័ត្នកើតជំងឺបេះដូង
- ដាក់ជ្រុលពីយប់ ព្រឹកឡើងងីងើ សាកតិចនិកនេះអាចជួយសម្រាលបាន
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម