ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការរួមភេទ ដើរតួនាទីយ៉ាងសំខាន់ក្នុងការថែទាំសុខុមាលភាពទូទៅ ប៉ុន្តែនៅពេលដែលយើងឈប់រួមភេទ ឬខានរួមភេទរយៈពេលយូរ នោះអាចធ្វើឲ្យរាងកាយ និងផ្លូវចិត្ត ជាពិសេសគឺសុខភាពផ្លូវភេទតែម្តង និងការប្រឈមនឹងផលប៉ះពាល់មួយចំនួន។
ជាក់ស្តែង មានផលប៉ះពាល់ចំនួន៥ ដែលអាចកើតឡើងនៅពេលដែលយើងមិនបានរួមភេទរយៈពេលយូរ។ ផលប៉ះពាល់ទាំងនោះរួមមាន៖
ការរួមភេទជាទៀងទាត់ អាចជួយរក្សាចំណង់ផ្លូវភេទរបស់យើងបានល្អ។ យ៉ាងណាមិញ នៅពេលដែលយើងខានរួមភេទរយៈពេលយូរ នោះចំណង់ផ្លូវភេទក៏ធ្លាក់ចុះ ព្រមទាំងធ្វើឲ្យយើងពិបាកដាស់អារម្មណ៍ ឬពិបាកទទួលអារម្មណ៍ស្រើបស្រាល។
ចំពោះបុរស នៅពេលដែលអសកម្មភាពផ្លូវភេទរយៈពេលយូរ គឺអាចបង្កើនហានិភ័យនៃបញ្ហាលិង្គមិនឡើងរឹង។ កង្វះការរំញោចផ្លូវភេទជាទៀងទាត់ អាចប៉ះពាល់ដល់លំហូរឈាមទៅកាន់លិង្គ និងសមត្ថភាពក្នុងការធ្វើឲ្យលិង្គឡើងរឹងបានយូរ។ បន្ថែមពីនេះ ប្រុសៗក៏អាចមានបញ្ហាថប់បារម្ភអំឡុងពេលប្រតិបត្តិការផងដែរ។
ចំណែកស្រីៗវិញ អាចជួបប្រទះនូវបញ្ហាស្ងួតទ្វារមាសនៅពេលដែលខានរួមភេទយូរ។ ពិតណាស់ ការរួមភេទជាប្រចាំ អាចជួយបង្កើតការផលិតជាតិរម្អិលធម្មជាតិ ដែលមានប្រសិទ្ធិភាពក្នុងការកាត់បន្ថយអារម្មណ៍ឈឺចាប់នៅពេលស៊កបញ្ចូល និងជួយឲ្យស្រីៗមានអារម្មណ៍សុខស្រួល។
ទន្ទឹមនឹងនេះដែរ ការរួមភេទជាទៀងទាត់ អាចជួយពង្រឹងសាច់ដុំអាងត្រគាកបានល្អ។ សាច់ដុំទាំងនេះ ដើរតួនាទីយ៉ាងសំខាន់ក្នុងការរក្សាការគ្រប់គ្រងប្លោកនោម ទ្រទ្រង់សរីរាង្គអាងត្រគាក និងបង្កើនអារម្មណ៍សុខស្រួលអំឡុងពេលរួមភេទ។ ប៉ុន្តែ ប្រសិនបើយើងខានរួមភេទយូរពេក នោះសាច់ដុំអាងត្រគាកក៏ចុះខ្សោយ ព្រមទាំងបង្កើនហានិភ័យនៃការលេចនោមដោយមិនដឹងខ្លួន។
ភាពស្និទ្ធស្នាលនៃការរួមភេទ មានសារៈសំខាន់ណាស់ក្នុងការរក្សាទំនាក់ទំនងផ្លូវអារម្មណ៍ និងមនោសញ្ចេតនារវាងគូស្នេហ៍។ ផ្ទុយទៅវិញ ប្រសិនបើយើងខានរួមភេទយូរ នោះអាចបណ្តាលឲ្យយើងមានអារម្មណ៍មិនពេញចិត្ត ឬអន់ចិត្តចំពោះដៃគូជាក់លាក់មិនខាន។ ជាងនេះទៅទៀត អសកម្មភាពផ្លូវភេទក៏អាចប៉ះពាល់ដល់ទំនាក់ទំនង និងបង្កជាជម្លោះរវាងដៃគូថែមទៀតផង។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
