ដៃគូភាគច្រើនប្រហែលជាបដិសេធការរួមភេទអំឡុងពេលមានមករដូវ ដោយបារម្ភរឿងប្រឡាក់ប្រឡូស ហើយខ្លាចឆ្លងរោគផ្សេងៗ។ បើតាមការលើកឡើងរបស់លោកស្រីវេជ្ជបណ្ឌិត ពឹង ជុតិមា នាយិកាសេវាកម្ម គ្លីនិក រ៉ាក់ ថា នៅក្នុងវិទ្យាសាស្ត្រ មិនបានឲ្យតមរួមភេទពេលមករដូវនោះទេ អាស្រ័យទៅតាមចំណង់ចំណូលចិត្តរបស់ស្ត្រី និងដៃគូ តើអាចទទួលយកបានឬអត់ និងទៅតាមលក្ខខណ្ឌសុខភាព តើមានការករោគទេ។
ពេលមករដូវ អាចរួមភេទបានអត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកស្រីវេជ្ជបណ្ឌិតថា ប្រសិនបើមិនស្រ្តីខ្លួនឯងមិនច្បាស់លាស់ថា មានការករោគនៅទ្វារមាសអីអត់ ឬដៃគូរបស់យើងមានមេរោគដែរអត់ យើងមិនគួររួមភេទក្នុងពេលកំពុងមករដូវនោះទេ។ ក្នុងករណីមិនច្បាស់ ការរួមភេទពេលមករដូវកាន់តែងាយស្រួលបង្កលក្ខណៈឲ្យមេរោគឆ្លងទៅដៃគូម្នាក់ៗ ប្រសិនបើដៃគូណាមួយមានមេរោគជំងឺកាមរោគ ដូចជាស្វាយ ប្រម៉េះ អេដស៍ ថ្លើម ហើយប្រឈមនឹងការមានផ្ទៃពោះទៀត។
ដើម្បីបង្ការការឆ្លងរោគ ទោះរួមភេទពេលមករដូវ ឬមិនមានមករដូវក្តី ទាំងស្រ្តីទាំងបុរស ត្រូវតែប្រញាប់ទៅលាងសម្អាតប្រដាប់ភេទ ឬងូតទឹកជម្រះកាយ។
ចំណែកលោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែក មិត្តភាពកម្ពុជា-ចិន សែនសុខវិញ បានបញ្ជាក់ថា ការរួមភេទអំឡុងពេលមករដូវដ្បិតតែមានហានិភ័យមួយចំនួនដូចការលើកឡើងខាងលើពិតមែន តែក៏មានគុណសម្បត្តិខ្លះៗដែរ ដូចជា អាចកាត់បន្ថយការឈឺចាប់ អាការៈឈឺក្បាល មិនចាំបាច់ប្រើទឹករម្អិលជំនួយ ជាដើម។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម