ឈឺធ្មេញ អ្នកណាក៏ជួបប្រទះក្នុងជីវិតដែរ ប៉ុន្តែបើឈឺចំពេលយប់វិញ ហើយគ្មានថ្នាំនៅផ្ទះទៀត ច្បាស់ជាវីរវរហើយ។ គ្នាយើងធ្លាប់ឆ្លងកាត់បទពិសោធន៍នេះ បានដឹងថាវេទនាប៉ុនណា។ ប៉ុន្តែក៏មានវិធីដោះទ័លខ្លះដែរទាំងវិធីព្យាបាលដោយថ្នាំ ទាំងវិធីព្យាបាលបែបធម្មជាតិ។
១. វិធីដោះស្រាយបញ្ហាឈឺធ្មេញពេលយប់
ព្យាបាលអាការៈឈឺធ្មេញនៅផ្ទះ ជាធម្មតាអាចពាក់ព័ន្ធនឹងថ្នាំបំបាត់ការឈឺចាប់។ ខណៈខាងក្រោយនេះ ជាវិធីសាស្ត្រខ្លះៗ អាចបន្ធូរបន្ថយការឈឺធ្មេញពេលយប់ ជួយឲ្យយើងអាចគេងលក់យ៉ាងសុខស្រួលបាន។
- ថ្នាំបំបាត់ការឈឺចាប់ដោយមិនចាំបាច់វេជ្ជបញ្ជា៖ ការប្រើថ្នាំបំបាត់ការឈឺចាប់ពពួក Ibuprofen (Advil, Motrin) ពពួកថ្នាំ Acetaminophen (Tylenol) និងអាស្ពីរីនជាដើម សុទ្ធតែអាចជួយបន្ថយការឈឺចាប់ធ្មេញបានតួចតិចដែរ។ គ្នាយើងក៏អាចប្រើថ្នាំស្ពឹក ជែលស្ពឹកដែលជារឿយៗមានលាយជាតិ Benzocaine ក៏អាចជួយផ្អាកការឈឺចាប់បានមួយសន្ទុះធំ គ្រាប់គ្រាន់ឲ្យយើងគេងលក់បាន។ យ៉ាងណាត្រូវចាំ កុំប្រើផលិតផលណាមានសារធាតុ Benzocaine ទៅលើទារក ឬក្មេងក្រោមអាយុ ២ឆ្នាំឲ្យសោះ។
- មុនចូលគេងកុំញ៉ាំអាហារ ឬភេសជ្ជៈមានជាតិអាស៊ីដ ត្រជាក់ ឬអាហាររឹង៖ ព្រោះអាហារប៉ុន្មានប្រភេទនេះ នឹងធ្វើឲ្យអាការៈឈឺធ្មេញរបស់យើងកាន់តែធ្ងន់ធ្ងរ។ ករណីខ្លះ ធ្មេញយើងមានប្រហោងស្រាប់ ត្រូវចៀសវាងឲ្យបាន បើមិនចង់ឈឺចាប់កាន់តែខ្លាំង។
- លាងជម្រះធ្មេញជាមួយទឹកខ្ពុរមាត់៖ ប្រើទឹកខ្ពុរមាត់ដែលមានលាយជាតិអាល់កុល អាចជួយទាំងលាងសម្អាតធ្មេញផង ជួយឲ្យស្ពឹកមិនឈឺចាប់ថែមទៀត។
- ស្អំថង់ទឹកកកមុនចូលគេង៖ អាចវេចខ្ចប់ទឹកកកមួយថង់ នឹងដាក់ទៅលើថ្ពាល់ខាងណាមួយយើងកំពុងឈឺធ្មេញ។ បែបនេះអាចជួយបន្ថយការឈឺចាប់បាន ធ្វើឲ្យយើងសម្រាកលក់ស្រួល។
អត្ថបទពាក់ព័ន្ធ៖
- រោគសញ្ញាសាមញ្ញទាំងនេះកុំថាមិនអី បញ្ជាក់ថាធ្មេញចាប់ផ្តើមពុកហើយ
- ទម្លាប់៩យ៉ាងធ្វើឲ្យធ្មេញខូចដោយមិនដឹងខ្លួន
- ជំងឺរាក់ស៊ីធ្មេញ អំពល់ទុក្ខប៉ុណ្ណា?
- រលាកអញ្ចាញធ្មេញ កើតឡើងដោយសារអ្វី? គួរដោះស្រាយម៉េចវិញ?
- ដឹងវិធីងាយៗទាំងនេះ អាចជួយកាត់បន្ថយអាការៈឈឺធ្មេញ
២- ឱសថធម្មជាតិសម្រាប់ព្យាបាលឈឺធ្មេញ
អាការៈឈឺធ្មេញពេលយប់ ប្រហែលជាទាន់ហន់ពេក ពេលខ្លះយើងមិនមានថ្នាំព្យាបាលទាំងនោះនៅក្នុងផ្ទះ ចេញទៅពេទ្យក៏ពិបាក។ ប៉ុន្តែកុំទាន់បារម្ភ យោងតាមការសិក្សាគួរឲ្យជឿជាក់ជាច្រើន វិធីសាស្ត្របែបធម្មជាតិមួយចំនួន សុទ្ធតែអាចប្រើបំបាត់ការឈឺចាប់បណ្តោះអាសន្ន ដោយក្នុងនោះអ្នកជំនាញណែនាំឲ្យយើងប្រើឱសថធម្មជាតិ អាចមានតាមផ្ទះដូចជា៖
ខ្ទឹមស
ខ្ទឹមសត្រូវបានគេប្រើប្រាស់ជាឱសថតាំងពីយូរណាស់មកហើយ។ ខ្ទឹមសផ្ទុកសារធាតុ allicin ដែលមាននាទីជាសារធាតុប្រឆាំងបាក់តេរី។ ដើម្បីកាត់បន្ថយការឈឺចាប់ យើងអាចយកខ្ទឹមសមួយកំពឹសមកបំបែក និងលាយជាមួយអំបិលបន្តិច រួចយកទៅបិតនៅធ្មេញដែលឈឺ។
អត្ថបទពាក់ព័ន្ធ៖
- តិចនិកបង្រៀនកូចតូចៗឲ្យចេះដុសសម្អាតធ្មេញ
- អាថ៌កំបាំងជួយអ្នកធ្មេញលឿងៗ ឲ្យសវិញបាន
- សុខៗស្រៀវធ្មេញខ្លាំង ទាំងនេះគឺជាមូលហេតុហើយ
- ចង់បានធ្មេញសស្អាត ត្រូវកែទម្លាប់អាហារអាក្រក់ទាំងនេះជាមុន
- កុំសង្ស័យច្រើនទៀត បញ្ហាអាចកើតឡើង ក្រោយព្យាបាលធ្មេញគួរដឹង
តែជីរអង្កាម
ជីរអង្កាមមានសារធាតុធ្វើឲ្យស្ពឹកដែលអាចបន្ថយការឈឺធ្មេញបាន។ សារធាតុម៉ង់តុល (Menthol) នៅក្នុងជីរអង្កាមគឺជាសារធាតុប្រឆាំងបាក់តេរី។ យើងអាចដាក់ជីរអង្កាមក្រៀមមួយស្លាបព្រាកាហ្វេទៅក្នុងទឹកកំពុងពុះ និងទុកចោល២០នាទី។ ក្រោយពីនេះទុកឲ្យត្រជាក់ និងយកមកខ្ពុរមាត់។ យើងអាចស្ដោះចេញ ឬផឹកក៏បាន។
ប្រទាលកន្ទុយក្រពើ
ជែលប្រទាលកន្ទុយក្រពើអាចព្យាបាលការរលាក ឬរបួសតូចៗ និងមនុស្សមួយចំនួនបានប្រើជែលនេះសម្អាត និងបំបាត់ការឈឺចាប់នៅអញ្ចាញធ្មេញ។ ការសិក្សាជាច្រើនក៏បានបង្ហាញថាប្រទាលកន្ទុយក្រពើមានសារធាតុប្រឆាំងបាក់តេរីដែលជួយកំចាត់ពពួក germ ធ្វើឲ្យធ្មេញពុក។ ដើម្បីកាត់បន្ថយការឈឺធ្មេញ យើងអាចយកជែលប្រទាលកន្ទុយក្រពើទៅលាបលើកន្លែងដែលឈឺនៅនឹងមាត់ រួចម៉ាស្សាថ្នមៗទៅក្នុងអញ្ចាញធ្មេញ។
វិធីទាំងនេះគ្រាន់តែបន្ថយអាការៈឈឺចាប់រយៈពេលខ្លីប៉ុណ្ណោះ យកល្អគួរទៅជួបទន្តពេទ្យដើម្បីទទួលបានការព្យាបាលត្រឹមត្រូវ។
[embed-health-tool-bmi]
