ការឈឺចាប់អំឡុងពេលមករដូវ អាចបង្កឡើងដោយកត្តាមួយចំនួន ហើយលក្ខខណ្ឌសុខភាពដទៃទៀត ក៏អាចជាឫសគល់នៃការឈឺចាប់នេះដែរ។ មិនថាយើងអាយុប៉ុន្មាន ស្រីៗយើងតែងប្រឈមនឹងបញ្ហាមួយនេះ ហើយក៏មានអ្នកខ្លះត្រូវប្រើថ្នាំដើម្បីបំបាត់ការឈឺចាប់នេះផងដែរ។
ការឈឺចាប់អំឡុងពេលមករដូវ កើតឡើងជាទូទៅចំពោះស្រ្តីភាគច្រើន។ យើងអាចកាត់បន្ថយអាការៈនេះបាន ដោយការគេងឲ្យគ្រប់គ្រាន់ ញ៉ាំអាហារល្អៗ និងធ្វើលំហាត់ប្រាណជាទៀងទាត់។ ប៉ុន្តែ ប្រសិនបើយើងស្រាប់តែមានអាការៈឈឺចាប់ភ្លាមៗ ទាំងដែលពីមុនមកមិនធ្លាប់ជួបប្រទះបញ្ហានេះទាល់តែសោះ យើងគួរតែទៅពិគ្រោះយោបល់ជាមួយនឹងគ្រូពេទ្យជំនាញ។
