ស្រីៗយើងជាច្រើនជួបប្រទះអាការៈឈឺចាប់ពេលមករដូវដូចជា ហើមពោះ ឈឺក្បាល និងឈឺពោះអំឡុងពេលមករដូវ។ រោគសញ្ញាមួយទៀត គឺឈឺខ្នងផ្នែកខាងក្រោម ក៏ឧស្សាហ៍កើតដូចគ្នា។ ថ្វីត្បិតតែការឈឺចាប់នេះ ជាផ្នែកមួយនៃរោគសញ្ញាមុនពេលមករដូវ (PMS) ក៏ពិតមែន ប៉ុន្តែអាការៈមួយនេះ ក៏អាចបង្កឡើងដោយជំងឺមួយចំនួន ដូចជាជំងឺ endometriosis (ជាស្ថានភាពឈឺចាប់រ៉ាំរ៉ៃ ដែលជាលិកាស្រដៀងនឹងភ្នាសក្នុងស្បូនចាប់ផ្ដើមលូតលាស់ខាងក្រៅស្បូន) ផងដែរ។