ជំងឺប្រមេះជាប្រភេទជំងឺកាមរោគមួយ ដែលបង្កឡើងដោយបាក់តេរី ហើយវាកើតឡើងជាទូទៅចំពោះទាំងបុរស និងស្ត្រី។ ពិតណាស់ ជំងឺនេះរាលដាលយ៉ាងឆាប់រហ័ស ដោយមិនមានរោគសញ្ញាសម្គាល់ខាងក្រៅ ទោះបីជាជំងឺនេះអាចព្យាបាលជាសះស្បើយក៏ដោយ។ ចំពោះស្ត្រីឆ្លងជំងឺប្រមេះ អាចមានសភាពធ្ងន់ធ្ងរ ដោយបង្ករនូវការឈឺចាប់នៅក្នុងអាងត្រគាករុាំរ៉ៃ ព្រមទាំងពុំអាចមានកូនបាន។
មាតិកា
ស្រីៗអាចនឹងអត់កូនដោយសារជំងឺប្រមេះ
ជំងឺប្រមេះបង្កឡើងដោយសារអ្វី?
ជាក់ស្ដែង ជំងឺប្រមេះបង្ករោគដោយបាក់តេរី ហើយភាគច្រើនវាឆ្លងតាមរយៈការរួមភេទដោយមិនបានការពារ ឬការប៉ះពាល់ប្រដាប់ភេទរបស់អ្នកជំងឺ។ ម្យ៉ាងវិញទៀត ទារកដែលទើបកើតក៏អាចឆ្លងជំងឺប្រមេះពីម្ដាយអំឡុងពេលសម្រាលផងដែរ។ ការបង្ករោគ គឺតាមរយៈទឹកកាម និងទឹករម្អិលពីទ្វារមាស ហើយវាអាចឆ្លងដល់ទ្វារមាស លិង្គ មាត់ស្បូន រន្ធគូទ បង្ហួរនោម ភ្នែក និងបំពង់ក។ ជាទូទៅ ជំងឺប្រមេះអាចព្យាបាលបាន ប៉ុន្តែក្នុងករណីដែលមិនមានការព្យាបាលទេនោះ វាអាចបណ្ដាលឲ្យមានបញ្ហាសុខភាពធ្ងន់ធ្ងរទៅថ្ងៃមុខ រួមទាំងការបំផ្លាញប្រព័ន្ធបន្តពូជជារៀងរហូត។
យើងអាចឆ្លងជំងឺប្រមេះច្រើនជាងម្ដង ឬយ៉ាងណា?
ទោះព្យាបាលជាហើយក៏ដោយ ក៏ជំងឺនេះនឹងអាចកើតឡើងសារជាថ្មីវិញបាន ប្រសិនបើរួមភេទដោយមិនមានការការពារជាមួយនឹងអ្នកផ្ទុកជំងឺនេះ។
រោគសញ្ញានៃជំងឺប្រមេះ
ភាគច្រើន អ្នកកើតជំងឺប្រមេះមិនបង្ហាញរោគសញ្ញាឡើយ។ ប៉ុន្តែ ស្រីៗយើងមួយចំនួនអាចមានរោគសញ្ញាទាំងនេះ៖
- ឈឺចាប់ក្នុងទ្វារមាស
- ឈឺពោះ
- ការធ្លាក់ទឹករម្អិលពីទ្វារមាសខុសប្រក្រតី
- ឈឺចាប់នៅពេលរួមភេទ
- ធ្លាក់ឈាមនៅចន្លោះពេលមករដូវ
- មានអារម្មណ៍ក្រហាយនៅពេលនោម
- រលាកមាត់ស្បូន
អត្ថបទគួរអាន៖
- លេបទឹកកាមអ្នកផ្ទុកមេរោគអេដស៍ អាចឆ្លងអេដស៍ដែរអត់?
- អាថ៌កំបាំងកន្លែងសម្ងាត់ ស្រីៗខ្លួនឯងភាគច្រើនអត់ដឹង
- ស្ត្រីចៀសមិនផុតពីការផ្លាស់ប្ដូរទ្វារមាស ៤ យ៉ាងនេះ ក្រោយសម្រាលកូនរួច
- ជំងឺកាមរោគទាំង៤នេះ ចេញរោគសញ្ញាតិចតួច ឬគ្មានរោគសញ្ញា
- ប្រដាប់តេស្តមេរោគអេដស៍ដោយខ្លួនឯង មានលក់ជាផ្លូវការនៅថៃ
- ដាក់ជ្រុលពីយប់ ព្រឹកឡើងងីងើ សាកតិចនិកនេះអាចជួយសម្រាលបាន
យើងគប្បីការពារខ្លួនពីជំងឺនេះបែបណា?
- ប្រើប្រាស់ស្រោមអនាម័យជានិច្ចនៅរាល់ពេលរួមភេទ
- ជៀសវាងមានដៃគូច្រើន
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Sexually Transmitted Diseases and Infertility
https://www.ncbi.nlm.nih.gov/pmc/articles/PMC5193130/
Can STDs Cause Infertility?
https://www.midatlanticwomenscare.com/blog/can-stds-cause-infertility/
Complications – Chlamydia
https://www.nhs.uk/conditions/chlamydia/complications/
កំណែប្រែបច្ចុប្បន្ន
19/09/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម