មុនក្បាលខ្មៅ អាចជាបញ្ហាស្បែកដែលមិនងាយបាត់ទៅវិញដោយខ្លួនឯង ដូចនេះ ស្រីៗយើងចាំបាច់រកវិធីការពារការឡើងមុនប្រភេទនេះ។ ពិតណាស់ ទម្លាប់អាក្រក់មួយចំនួនអាចនាំឲ្យកើតមុនក្បាលខ្មៅ ហើយវាកើតឡើងនៅពេលដែលយើងស្ទះរន្ធញើសដែលបង្កឡើងដោយជាតិខ្លាញ់ និងកោសិកាស្បែកងាប់។

នៅពេលដែលមុនក្បាលខ្មៅតោងជាប់នៅស្បែករយៈពេលយូរ អាចធ្វើឲ្យស្បែកបរិវេណនោះបាត់បង់ភាពយឺត និងធ្វើឲ្យរន្ធញើសធំ។ យ៉ាងណាមិញ គ្នាយើងអាចបង្ការមុនក្បាលខ្មៅ ដោយកាត់បន្ថយទម្លាប់ជាក់លាក់មួយចំនួនខាងក្រោម។

១. ប្រើប្រាស់ផលិតផលកម្ចាត់ជាតិខ្លាញ់ពីស្បែក

ការកម្ចាត់ជាតិខ្លាញ់ច្រើនជ្រុលពីស្បែក អាចធ្វើឲ្យស្បែកទៅជាស្ងួតខ្លាំង និងអាចបំផ្លាញជាតិខ្លាញ់ធម្មជាតិរបស់ស្បែក។ ផលិតផលថែរក្សាសម្រស់ ដូចជាហ្វូមលាងមុខ ទឹកជូតមុខ (Toners) និងការបកស្បែកមុខ (Chemical peels) ដែលកម្ចាត់ជាតិខ្លាញ់ច្រើនជ្រុលពីស្បែក អាចបង្កជាផលប៉ះពាល់ដល់ស្បែករបស់យើងយ៉ាងច្រើន។ នៅពេលដែលស្បែកស្ងួតខ្លាំង ក្រពេញខ្លាញ់នឹងបញ្ចេញខ្លាញ់កាន់តែច្រើន ដើម្បីរក្សាសំណើមធម្មជាតិនៃស្បែក ក៏ដូចជាប្រឆាំងនឹងស្បែកស្ងួត។ កត្តានេះហើយ ដែលជំរុញដល់ការផលិតខ្លាញ់ច្រើនជ្រុល ជាហេតុបង្កឲ្យស្ទះរន្ធញើស និងកើតមុនក្បាលខ្មៅ។

ស្បែកខ្លាញ់

ចង់គណនា BMI ចុចទីនេះ !

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

២. យកដៃប៉ះមុខ

គ្នាយើងជាច្រើនតែងតែយកដៃប៉ះមុខ ដើម្បីពិនិត្យមើលបញ្ហាផ្សេងៗនៃស្បែក ដូចជាមុនក្បាលខ្មៅ ឬជាទម្លាប់នៅពេលដែលយើងអផ្សុក។ ទម្លាប់នេះអាចធ្វើឲ្យធូលីដី និងមេរោគដែលនៅលើដៃឆ្លងទៅកាន់ផ្ទៃមុខ ដែលជាហេតុនេះឲ្យកើតមុនក្បាលខ្មៅ។ ដើម្បីទទួលបានស្បែកស្អាត គ្មានមុន យើងគប្បីបញ្ឈប់ទម្លាប់មួយនេះជាបន្ទាន់។

មុនក្បាលខ្មៅ

៣. មិនលាងជម្រះគ្រឿងសម្អាង មុនពេលគេង

ពេលខ្លះ ស្រីៗយើងមានអារម្មណ៍ហត់នឿយខ្លាំង និងមិនបានលាងសម្អាតស្បែកឲ្យបានស្អាតមុនពេលចូលគេងឡើយ។ ប៉ុន្តែ កត្តានេះអាចបង្កើនហានិភ័យនៃការស្ទះរន្ធញើស និងអាចបង្កឲ្យកើតមុនក្បាលខ្មៅដោយមិនដឹងខ្លួន។

អត្ថបទគួរអាន៖

៤. មិនជម្រុះកោសិកាចាស់ៗរបស់ស្បែក

ប្រសិនបើយើងមិនបានជម្រុះកោសិកាចាស់ៗនៃស្បែកជារៀងរាល់សប្ដាហ៍ទេនោះ វាអាចបណ្ដាលឲ្យកើតមុនក្បាលខ្មៅដែរ។ ជាក់ស្ដែង ការជម្រុះកោសិកាអាចកម្ចាត់ធូលី កោសិកាដែលងាប់ចេញពីផ្ទៃខាងលើនៃស្បែកបានយ៉ាងមានប្រសិទ្ធភាព ក៏ដូចជារារាំងការកើតមុនក្បាលខ្មៅនេះតែម្ដង។

មិន​ចង់​ឡើង​មុន​ក្បាល​ខ្មៅ គួរ​ជៀសវាង​ទម្លាប់​អាក្រក់​ទាំង ៤នេះ

១. ប្រើប្រាស់​ផលិតផល​​កម្ចាត់​ជាតិ​ខ្លាញ់​ពី​ស្បែក​

២. យក​ដៃ​ប៉ះ​មុខ​

៣. មិន​​លាង​ជម្រះ​​គ្រឿង​សម្អាង មុន​ពេល​គេង​

៤. ​មិន​ជម្រុះ​កោសិកា​ចាស់​ៗ​របស់​ស្បែក​

មិនចង់ឡើងមុនក្បាលខ្មៅ គួរជៀសវាងទម្លាប់អាក្រក់ទាំង ៤នេះ

១. ប្រើប្រាស់ផលិតផលកម្ចាត់ជាតិខ្លាញ់ពីស្បែក

២. យកដៃប៉ះមុខ

៣. មិនលាងជម្រះគ្រឿងសម្អាង មុនពេលគេង

៤. មិនជម្រុះកោសិកាចាស់ៗរបស់ស្បែក