ហេតុអ្វីមុខជាំរមែងកើតពេលពពោះ? គួរធ្វើបែបណា? ទាំងនេះជាសំណួរដែលម៉ាក់ៗភាគច្រើនមានចម្ងល់ ក្នុងពេលដែលមានបញ្ហាមុខជាំ អំឡុងពេលពពោះ ក៏ដូចស្វែងរកដំណោះស្រាយ ដើម្បីព្យាបាល ដោយមិនឱ្យប៉ះពាល់ដល់ទារកក្នុងផ្ទៃ។
បញ្ហាមុខជាំ ជារឿយៗកើតលើស្ត្រីកំពុងពពោះ ព្រោះថា អ្នកមានផ្ទៃពោះ នឹងមានការកើនឡើងនូវអ័រមូន អេស្ត្រូសែន (Estrogen) និង ប្រូចេស្តេរ៉ូន (Progesterone)។ អ័រមូនទាំង២នេះ ត្រូវបានគេជឿថា ជាភ្នាក់ងារនាំឱ្យមុខជាំ អំឡុងពេលពពោះ។
[embed-health-tool-ovulation]
ដូចម្តេចដែលហៅថា មុខជាំ?
មុខជាំ គឺជាជំងឺស្បែកទូទៅ ឬហៅថា «ចំណុចខ្មៅ» លើស្បែក។ ប្រសិនបើអ្នកមានបញ្ហានេះ អ្នកអាចនឹងមានពណ៌ត្នោតខ្ចី ពណ៌ត្នោតខ្មៅ ឬពណ៌ខៀវ-ប្រផេះនៅលើស្បែកមុខរបស់អ្នក។ បញ្ហាជាំនេះ អាចលេចចេញជាបន្ទះសំប៉ែត ឬមានស្នាមប្រេះ។
ជាទូទៅ បញ្ហាជាំ រមែងកើតឡើងនៅលើ ថ្ពាល់ បបូរមាត់ខាងលើ និងថ្ងាស ក៏ដូចជាកំភួនដៃ។ ជាធម្មតា បញ្ហាជាំ នឹងមានសភាពខ្លាំងនៅរដូវក្តៅ។
តើកត្តាអ្វីខ្លះដែលបង្កឱ្យមានមុខជាំ?
មានកត្តាសំខាន់២យ៉ាងដែលបង្កឱ្យកើតជាំលើមុខ គឺ កាំរស្មីអ៊ុលត្រាវីយ៉ូឡេ ឬកម្តៅពីព្រះអាទិត្យ និងអ័រមូន។ កាំរស្មីអ៊ុលត្រាវីយ៉ូឡេ និងវិទ្យុសកម្មអ៊ីនហ្វ្រារ៉េដ ពីព្រះអាទិត្យ គឺជាដើមហេតុចម្បងធ្វើឱ្យបញ្ហាមុខជាំ មានសភាពកាន់តែខ្លាំង ស្របពេលដែលដើមហេតុផ្សេងទៀត មានដូចជា៖
- ប្រើថ្នាំប្រឆាំងការប្រកាច់
- ការប្រើថ្នាំពន្យារកំណើត
- ការប្រើថ្នាំមានសារធាតុ Estrogen និង Diethylstilbestrol
- កត្តាហ្សែន
- ក្រពេញទីរ៉ូអ៊ីតមិនដំណើរការ
- ប៉ះពាល់ពន្លឺ LED ពីទូរទស្សន៍ កុំព្យូទ័រយួរដៃ ទូរស័ព្ទ និង Tablet
- ការមានផ្ទៃពោះ
- បញ្ហាអ័រមូន
- ប្រើគ្រឿងតុបតែងមុខ និងផលិតផលថែទាំស្បែក
តើគួរតែព្យាបាលបែបណា បើមានបញ្ហាជាំមុខពេលពពោះ?
បញ្ហាមុខជាំ អាចនឹងបាត់ទៅវិញ នៅពេលដែលអ្នកសម្រាលរួច។ ប្រសិនបើបញ្ហាមុខជាំមិនបាត់ទៅវិញទេនោះ សូមព្យាយាមស្វែងរកការព្យាបាលជាមួយនឹងគ្រូពេទ្យជំនាញ។ ក្នុងអំឡុងពេលពពោះ ម៉ាក់ៗមិនគួរព្យាយាមស្វែងរកការព្យាបាលដោយគ្មានវេជ្ជបញ្ជាពីគ្រូពេទ្យឡើយ ប៉ុន្តែ គួរតែបរិភោគអាហារសម្បូរដោយជីវជាតិឱ្យបានគ្រប់គ្រាន់។
មិនត្រឹមតែប៉ុណ្ណោះ ម៉ាក់ៗគួរតែព្យាយាមកុំឱ្យពន្លឺព្រះអាទិត្យចាំងចំផ្ទៃមុខដោយផ្ទាល់ញឹកញាប់ពេក ព្រោះពន្លឺព្រះអាទិត្យអាចធ្វើឱ្យបញ្ហាមុខជាំ មានសភាពកាន់តែធ្ងន់ធ្ងរ៕
ចំណុចសំខាន់
បញ្ហាមុខជាំ ជារឿយៗកើតលើស្ត្រីកំពុងពពោះ ព្រោះថា អ្នកមានផ្ទៃពោះ នឹងមានការកើនឡើងនូវអ័រមូន អេស្ត្រូសែន (Estrogen) និង ប្រូចេស្តេរ៉ូន (Progesterone)។ អ័រមូនទាំង២នេះ ត្រូវបានគេជឿថា ជាភ្នាក់ងារនាំឱ្យមុខជាំ អំឡុងពេលពពោះ។
តើគួរតែព្យាបាលបែបណា បើមានបញ្ហាជាំមុខពេលពពោះ?
បញ្ហាមុខជាំ អាចនឹងបាត់ទៅវិញ នៅពេលដែលអ្នកសម្រាលរួច។ ប្រសិនបើបញ្ហាមុខជាំមិនបាត់ទៅវិញទេនោះ សូមព្យាយាមស្វែងរកការព្យាបាលជាមួយនឹងគ្រូពេទ្យជំនាញ។ ក្នុងអំឡុងពេលពពោះ ម៉ាក់ៗមិនគួរព្យាយាមស្វែងរកការព្យាបាលដោយគ្មានវេជ្ជបញ្ជាពីគ្រូពេទ្យឡើយ ប៉ុន្តែ គួរតែបរិភោគអាហារសម្បូរដោយជីវជាតិឱ្យបានគ្រប់គ្រាន់។
អត្ថបទគួរអាន៖
- មកដឹងរបបអាហារ ៣ ប្រភេទរួមចំណែកធ្វើឱ្យសក់ជ្រុះ
- អាហារ ៤ ប្រភេទអាចជួយការពារ និងកាត់បន្ថយបញ្ហាកើតមុន
- ពេទ្យសើស្បែកស្រាយចម្ងល់៖ តើអង្គែពិតជាធ្វើឱ្យសក់ជ្រុះមែនឬយ៉ាងណា?
- នេះជាមូលហេតុបណ្តាលឱ្យរមាស់ស្បែកក្បាល និងវិធីដោះស្រាយ
- វិធីខាត់ស្បែកត្រឹមត្រូវ ការពារកុំឲ្យខូចស្បែកមិនដឹងខ្លួន
- ចែកគ្នាដឹង! វិធីកម្ចាត់មុនក្បាលខ្មៅលើច្រមុះតាមបែបធម្មជាតិ
